ខេត្តកំពង់ធំ ៖ ស្ត្រីចំណាស់ម្នាក់បានដេកស្លាប់ បង្កឱ្យមានការភ្ញាក់ផ្អើលកាលពីវេលាម៉ោង១១ព្រឹកថ្ងៃទី១៨ ខែឧសភា ឆ្នាំ២០១៨ នៅភូមិវាលល្ពាក់ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ…
ខេត្តកំពង់ធំ ៖ ស្ត្រីចំណាស់ម្នាក់បានដេកស្លាប់ បង្កឱ្យមានការភ្ញាក់ផ្អើលកាលពីវេលាម៉ោង១១ព្រឹកថ្ងៃទី១៨ ខែឧសភា ឆ្នាំ២០១៨ នៅភូមិវាលល្ពាក់ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ ។
សមត្ថកិច្ចនគរបាលបានឱ្យដឹងថា ស្ត្រីចំណាស់ដែលស្លាប់ឈ្មោះ ឌុំ ផាត អាយុ ៦៣ឆ្នាំ រស់នៅភូមិ-ឃុំកើតហេតុខាងលើ ។ តាមការរៀបរាប់របស់ឈ្មោះ ឃី ឃឿន ភេទប្រុស អាយុ២៩ឆ្នាំ មុខរបរធ្វើស្រែ រស់នៅភូមិ-ឃុំកើតហេតុខាងលើ ត្រូវជាកូនបង្កើតស្ត្រីចំណាស់ដែលស្លាប់បានឱ្យដឹងថា កាលពីវេលាម៉ោងប្រហែល១២និង២០នាទីថ្ងៃត្រង់ថ្ងៃទី១៧ ឧសភា ឆ្នាំ២០១៨ ម្ដាយគាត់បានដើរមកលេងផ្ទះគាត់ ហើយគាត់ក៏បានហៅម្តាយ (ស្ត្រីចំណាស់ដែលស្លាប់) ហូបបាយ តែម្ដាយប្រាប់ថា គាត់ហូបរួចហើយ តែគាត់ដឹងថាម្ដាយគាត់ស្រវឹងទៀតហើយ ព្រោះកន្លងមកគាត់តែងតែផឹកស្រាស្រវឹងជាប្រចាំ ហើយមិនសូវគិតគូររឿងបាយទឹកនោះទេ ។ លុះនៅព្រឹកថ្ងៃទី១៨ ខែឧសភា ឆ្នាំ២០១៨ ម្ដាយ (ស្ត្រីចំណាស់ដែលស្លាប់) បានឲ្យចៅប្រុសទៅហៅគាត់ហើយប្រាប់ថា គាត់មិនស្រួលខ្លួនទេ មកមើលគាត់ផង ដោយខ្លួនជាប់រវល់មិនបានមកមើលម្ដាយភ្លាមៗទេ ហើយក៏ទៅធ្វើការបាត់ទៅ លុះដល់ម៉ោង១១និង៣០នាទីព្រឹកថ្ងៃទី១៨ ឧសភា ឆ្នាំ២០១៨ ខ្លួនមកពីធ្វើការវិញក៏អង្គុយហូបបាយរួច ស្រាប់តែឃើញបងប្អូនរត់មកស្រែកប្រាប់ថា ម៉ែស្លាប់បាត់ហើយ ។
បន្ទាប់ពីទទួលបានព័ត៌មាននេះភ្លាម កម្លាំងជំនាញស្រុក និងកម្លាំងប៉ុស្ដិ៍នគរបាលកោសល្យវិច្ច័យ បានចុះដល់កន្លែងកើតហេតុ និងបានធ្វើការពិនិត្យលើសពស្ត្រីចំណាស់ ក្រោយការពិនិត្យរបស់ផ្នែកជំនាញ ឃើញថា មិនមានស្លាកស្នាមអ្វីគួរឲ្យកត់សំគាល់ឡើយ ទើបសន្និដ្ឋានបានថា ស្ត្រីចំណាស់ខាងលើពិតជាខ្យល់គ បណ្តាលឲ្យគាំងបេះដូងស្លាប់ពិតប្រាកដមែន ។
ក្រោយពីពិនិត្យរួច សពស្ត្រីចំណាស់ត្រូវបានសមត្ថកិច្ចជំនាញប្រគល់ជូនក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ