រាជធានីភ្នំពេញ ៖ នារីវ័យក្មេងចំនួន២នាក់បានរងរបួសធ្ងន់ធ្ងរដូចគ្នាតែម្តង ខណៈដែលកំពុងតែជិះម៉ូតូម៉ាកស្គូបពីមួយគ្រឿងឌុបគ្នាទៅដល់ចំណុចផ្លូវបំបែកជា៣បាំងរថយន្តម៉ាកទួរីសមួយគ្រឿងចតទុកចោលនៅលើផ្លូវត្រង់ចំណុចផ្លូវបំបែកជា៣បាំងមើលគ្នាមិនឃើញទៅបុកជាមួយនឹងរថយន្តម៉ាក FORTUNER មួយគ្រឿងទៀតពេញមួយទំហឹងនោះ ។ ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង៣និង០០នាទីរសៀល ថ្ងៃទី១៩ ខែឧសភា ឆ្នាំ២០១៨ នៅចំណុចផ្លូវព្រះស៊ីសុវត្ថិ កែងនិងផ្លូវលេខ ១៧៨ ក្នុងសង្កាត់ជ័យជំនះ ខណ្ឌដូនពេញ ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុគេបានឃើញមានរថយន្តទួរីស១២កៅអីមួយគ្រឿងបានបើកយកមកចតទុកចោលនៅលើផ្លូវត្រង់ចំណុចផ្លូវបែកជា៣ជាកន្លែងកើតហេតុខាងលើ ។ លុះបន្តិចក្រោយមកគេក៏បានឃើញម៉ូតូម៉ាកស្គូបពី ពណ៌សលាយក្រហម ពាក់ស្លាកលេខ ភ្នំពេញ ១CZ-៩០៨៨ មួយគ្រឿបើកបរដោយនារីពីរនាក់ជិះឌុបគ្នាតាមបណ្តោយផ្លូវព្រះស៊ីសុវត្ថិក្នុងទិសដៅពីជើងទៅត្បូង ។
តាមប្រភពដែលបានប្រាប់បន្តទៀតថា លុះមកដល់កន្លែងកើតហេតុខាងលើក៏ស្រាប់តែមានរថយន្តម៉ាក FORTUNER ពណ៌ទឹកមាស ពាក់ស្លាកលេខ ភ្នំពេញ ២V-៤០០៩ មួយគ្រឿង ដែលបើកបរដោយបុរសម្នាក់ក្នុងទិសដៅពីលិចទៅកើតបើកបត់ឆ្វេងដោយបាំងមើលគ្នាមិនឃើញនោះក៏បានទៅបុកជាគ្នាពេញមួយទំហឹង បណ្តាលឱ្យនារីទាំងពីរនាក់ដែលជិះម៉ូតូម៉ូតូម៉ាកស្គូបពីនោះរងរបួសយ៉ាងធ្ងន់ធ្ងរទាំងអស់គ្នាតែម្តង ដោយរថយន្តក្រពិតផ្នែកមួយចំហៀងខាងឆ្វេង និងបែកកញ្ចក់ខាងមុខ ចំណែកឯម៉ូតូក៏រងការខូចខាតផ្នែកខាងមុខធ្ងន់ធ្ងរផងដែរភ្លាមនោះមានបុរសម្នាក់មកបើកយករថយន្តទួរីស១២កៅអីមួយគ្រឿងនោះចេញទៅបាត់ស្រ មោល ។
ក្រោយពេលកើតហេតុកម្លាំងមានសមត្ថកិច្ចមូលដ្ឋានក៏បានចុះមកដល់ហៅរថយន្តសាមុយមកដឹកយកនារីរងគ្រោះទាំងពីរនាក់ទៅធ្វើការសង្គ្រោះនៅមន្ទីរពេទ្យព្រះកេតុមាលា ចំណែកឯរថយន្តម៉ាក FORTUNER និងម៉ូតូម៉ាកស្គូបពីទាំងពីរគ្រឿងត្រូវបានបញ្ជូនយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញក្រោយពីធ្វើការវាស់វែងរួចដើម្បីរង់ចាំធ្វើការដោះស្រាយគ្នាជាបន្តទៅទៀត ៕
ចែករំលែកព័តមាននេះ