ខេត្តបាត់ដំបង ៖ ថ្ងៃទី១៩ ខែឧសភា ឆ្នាំ២០១៨ លោកឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគទី៥ បានអញ្ជើញជាអធិបតីភាពក្នុងពិធីបិទវគ្គហ្វឹកហ្វឺនបំប៉នកងអនុសេនាតូច…
ខេត្តបាត់ដំបង ៖ ថ្ងៃទី១៩ ខែឧសភា ឆ្នាំ២០១៨ លោកឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគទី៥ បានអញ្ជើញជាអធិបតីភាពក្នុងពិធីបិទវគ្គហ្វឹកហ្វឺនបំប៉នកងអនុសេនាតូច កងអនុសេនាធំ និងជំនាញអន្តរាគមន៍ពិសេស របស់វរសេនាតូចលេខ៥១៣ កងពលតូចថ្មើរជើងលេខ៥១ ស្ថិតនៅភ្នំផ្គាំ ឃុំផ្គាំ ស្រុកស្វាយចេក ខេត្តបន្ទាយមានជ័យ សមាសភាពចូលរួមពីស្នងការនគរបាលខេត្ត អាវុធហត្ថខេត្ត តំបន់ប្រតិបត្តការសឹករងខេត្តចំនួន៣១០នាក់ ។
បន្ទាប់ពីបានសម្តែងការហ្វឹកហាត់ គ្រប់យុទ្ធវិធីរបស់កងទ័ពរួចមកលោកឧត្តមសេនីយ៍ទោឯក សំអូន បានផ្តាំផ្ញើថា នេះជាការបោះជំហ៊ានទៅមុខបន្ថែមទៀតក្នុងអង្គភាព ដែលបានជំរុញការហ្វឹកហាត់យុទ្ធវិធីបំប៉នជំនាញបន្ថែមនៅក្នុងអង្គភាពរបស់ខ្លួនឯង ដោយគ្រាន់តែសុំយកគ្រូបណ្តុះបណ្តាលមកពីថ្នាក់លើដែលមានជំនាញបទពិសោធន៍ច្បាស់លាស់ ហើយសូមគ្រប់កងកម្លាំងទាំងអស់សូមយកចិត្តទុកដាក់បន្ថែមទៀត ក្នុងការយកទៅអនុវត្តន៍តាមកង របស់អង្គភាពនិមួយៗជាបន្តទៅទៀត សំខាន់គោរពវិន័យកងទ័ព រួមសហការ ការពារសុខសន្តិភាព ជួយសង្គ្រោះប្រជាពលរដ្ឋរងគ្រោះគ្រប់ប្រការដែលកើតមានឡើង ហើយកុំភ្លេចនាំគ្នាទៅបោះឆ្នោតដើម្បីបំពេញកាតព្វកិច្ចមួយទៀតដែលខ្លួនយើងជាប្រជាជនខ្មែរម្នាក់ បានធ្វើ បានការពារ បានកសាងដើម្បីភាពរុងរឿងរបស់ប្រទេសកម្ពុជាយើងទាំងអស់គ្នា ។
ក្នុងនោះលោកឧត្តមសេនីយ៍ទោ ឯក សំអូន បានប្រគល់អំណោយជូនអង្គភាពវរសេនាតូចលេខ៥១៣ មី៣០កេះតូច ទឹកវីតាល់ ២០ កេះ ស្រាបៀ ១៥កេះ និងក្រម៉ា ១៣០ និងថវិកា១លានរៀល ឧបត្ថម្ភក្នុងការបិទវគ្គហ្វឹកហ្វឺននេះ ៕
ចែករំលែកព័តមាននេះ