ខេត្តកំពង់ធំ ៖ សេចក្តីរាយការណ៍ឱ្យដឹងថា ករណីអគ្គិភ័យមួយបានឆាបឆេះឈើមួយខ្នង ខណៈម្ចាស់ជាប់រវល់ទៅស្រែ បង្ករការភ្ញាក់ផ្អើលកាពីវេលាម៉ោង១១ និង៤៩នាទីថ្ងៃត្រង់ថ្ងៃទី១៩ ឧសភា ស្ថិតនៅក្នុងភូមិកំពង់គោលើ ឃុំកំពង់គោ…
ខេត្តកំពង់ធំ ៖ សេចក្តីរាយការណ៍ឱ្យដឹងថា ករណីអគ្គិភ័យមួយបានឆាបឆេះឈើមួយខ្នង ខណៈម្ចាស់ជាប់រវល់ទៅស្រែ បង្ករការភ្ញាក់ផ្អើលកាពីវេលាម៉ោង១១ និង៤៩នាទីថ្ងៃត្រង់ថ្ងៃទី១៩ ឧសភា ស្ថិតនៅក្នុងភូមិកំពង់គោលើ ឃុំកំពង់គោ ស្រុកកំពង់ស្វាយ ខេត្តកំពង់ធំ ។
លោកវរៈសេនីយ៍ឯក ខេន ឈុនគ័រ អធិការនគរបាលស្រុកកំពង់ស្វាយឱ្យដឹងថា ផ្ទះមួយខ្នងដែលត្រូវភ្លើងឆេះអស់នោះមានទំហំ៨ម៉ែត្រ គុណ១២ម៉ែត្រ ធ្វើពីឈើប្រក់ស័ង្កសី ជញ្ជាំងក្តារ ដែលមានម្ចាស់ឈ្មោះ ហែម សាវុធ ភេទស្រី អាយុ៤៣ឆ្នាំ ។ ក្នុងនោះសម្ភារៈដែលត្រូវខូចខាតមានមាសចំនួន២,៥តម្លឹង, ប្រាក់រៀលចំនួន២លានរៀល មេដាយកាពារជាតិចំនួន១ និងសម្ភារប្រើប្រាស់ប្រចាំថ្ងៃមួយចំនួនទៀត ។
បើតាមពលរដ្ឋបានឱ្យដឹងដែរ មុនពេលកើតហេតុ ជនរងគ្រោះនិងកូនៗបាននាំគ្នាទៅស្រែអស់ ដោយបិទទ្វារចាក់សោផ្ទះចោល ស្រាប់តែឃើញភ្លើងឆេះហុយឡើងចេញពីក្នុងផ្ទះ តែមិនអាចចូលបាន ។ មួយសន្ទះក៏បង្កជាអណ្តាតភ្លើងខ្មួលខ្មាញ់ឆេះឡើងយ៉ាងសន្ធោសន្ធៅពេញបន្ទុកតែម្តង។ ពេលនោះ ក៏នាំគ្នាដងទឹកជះពន្លត់ដែរ តែជះពីខាងក្រៅទៅមិនដល់ ចំណែករថយន្តអគ្គិភ័យក៏មិនអាចចេញទៅជួយបាញ់អន្តរាគមន៍ដែរ ដោយសារតែផ្លូវចូលមានសភាពតូចចង្អៀត (ចូលមិនរួច )ទើបបណ្តាលឲ្យភ្លើងឆេះ។
ចំពោះមូលហេតុ ត្រូវសង្ស័យថា អាចបណ្តាលមកពីឆ្លងផ្ទាំងសូឡាឆេះ ព្រោះផ្ទះគ្មានភ្លើងអគ្គិសនីប្រើ ទើបដាក់ផ្ទាំងសូឡា ដើម្បីទាញយកថាមពលពីព្រះអាទិត្យមកប្រើបំភ្លឺ ។
ចែករំលែកព័តមាននេះ