ខេត្តស្ទឹងត្រែង ៖ កម្លាំងនគរបាលព្រហ្មទណ្ឌកម្រិតស្រាលស្នងការដ្ឋានគរបាលខេត្តស្ទឹងត្រែងបានបំបែកសំណុំរឿងករណីរៀបចំគម្រោងលួចទ្រព្យសម្បត្តិប្រជាពលរដ្ឋបានសម្រេចប្រព្រឹត្តនៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែងកាលពីយប់ថ្ងៃទី១៥ ខែឧសភា ឆ្នាំ២០១៨ ហើយបញ្ជូនទៅសាលាដំបូង និងបន្តនាំទៅពន្ធនាគារនារសៀលថ្ងៃទី១៩ ខែឧសភា…
ខេត្តស្ទឹងត្រែង ៖ កម្លាំងនគរបាលព្រហ្មទណ្ឌកម្រិតស្រាលស្នងការដ្ឋានគរបាលខេត្តស្ទឹងត្រែងបានបំបែកសំណុំរឿងករណីរៀបចំគម្រោងលួចទ្រព្យសម្បត្តិប្រជាពលរដ្ឋបានសម្រេចប្រព្រឹត្តនៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែងកាលពីយប់ថ្ងៃទី១៥ ខែឧសភា ឆ្នាំ២០១៨ ហើយបញ្ជូនទៅសាលាដំបូង និងបន្តនាំទៅពន្ធនាគារនារសៀលថ្ងៃទី១៩ ខែឧសភា ឆ្នាំ២០១៨ ដើម្បីឃុំខ្លួនជាបណ្តោះអាសន្នរង់ចាំការវិនិច្ឆ័យសេចក្តីតាមមាត្រាច្បាប់ ។
តាមប្រភពព័ត៌មានឱ្យដឹងថា កាលពីថ្ងៃទី១៥ ខែឧសភា ឆ្នាំ២០១៨ ស្ថិតនៅផ្ទះអតីតប្រធានភូមិបាល ក្រុងស្ទឹងត្រែង លោក សេង សុផាត បានរៀបពិសារបាយសាមគ្គីរួមញាតិមិត្ត លុះវេលាម៉ោងប្រមាណជា១០យប់ស្រាប់តែមានករណីផ្អើលឆោឡោឡើងដោយបានបាត់របស់របរគ្រឿងអលង្ការ និងលុយយ៉ាងច្រើនថែមទៀតទើបឈានទៅដាក់ពាព្យបណ្តឹងនៅកម្លាំងនគរបាលព្រហ្មទណ្ឌស្រាវជ្រាវស៊ើបអង្កេត ។
ប្រភពដដែលបន្តថា ក្រោយមានការសង្ស័យទៅលើក្មេងស្រីជាអ្នកប្រើការងារជាមេផ្ទះកម្លាំងជំនាញបានដាក់គោលដៅថា ជាមុខសញ្ញាដែលបង្កឱ្យមានអំពើលួច ។ ក្រោយស្រាវជ្រាវកម្លាំងនគរបាលព្រហ្មទណ្ឌបាននាំទៅសារសួរទើបធ្លាយឱ្យដឹងថា ករណីបាត់របស់របរគ្រឿអលង្ការ និងលុយមួយចំនួនធំនោះផ្តើមចេញពីការរៀបចំគម្រោងគ្រាកម្មវិធីបាយសាមគ្គីត្រូវបានធ្វើឡើងក្រោមរូបភាពម្ចាស់ផ្ទះមមាញឹក និងភ្លេចខ្លួន ។
មន្ត្រីនគរបាលព្រហ្មទណ្ឌឱ្យដឹងថា ជនសង្ស័យមានបក្សពួកចំនួន៣នាក់បានរៀបគម្រោងមុនថ្ងៃកម្មវិធីចាប់ផ្តើមមួយថ្ងៃគឺនៅថ្ងៃទី១៤ លុះថ្ងៃទី១៥ ខែឧសភា នៅវេលាយប់ទើបពួកគេចេញធ្វើសកម្មភាពដោយក្មេងស្រីបម្រើការងារជាមេផ្ទះជាអ្នកគ្រប់គ្រងសកម្មភាពការហើយចូលបន្ទប់កូនស្រីលោក សេង សុផាត អតីតប្រធានភូមិបាលក្រុងស្ទឹងត្រែងដោយបានយកលុយដុល្លារចំនួន៦៤៥០ដុល្លារ លុយខ្មែរចំនួន២លានរៀល ទូរស័ព្ទដៃស៊េរីទំនើបចំនួន២គ្រឿង និងកងដៃពេជ្រតម្លៃ៦៥០០ដុល្លារ ទៀតហុចប្រគល់ឱ្យបងស្រីបង្កើតរបស់ខ្លួនចាំនៅក្រៅរបង ។ ចំណែកជនសង្ស័យជាបងថ្លៃចូលទៅក្នុងបន្ទប់លោក សេង សុផាត លួចយកនាឡិការខ្សែផ្លាកទីនមួយគ្រឿង និងទូរស័ព្ទដៃស៊េរីទំនើបមួយគ្រឿងបន្ថែម បន្ទាប់សកម្មភាពនោះបានសម្រេចបងស្រីបង្កើត និងបងថ្លៃគេចខ្លួនបាត់ រីឯក្មេងស្រីបម្រើការងារមេផ្ទះបន្តកិច្ចការផ្ទះធម្មតាវិញ លុះវេលាម៉ោងប្រមាណជា១០យប់ទើបផ្អើលបាត់របស់របរក្នុងបន្ទប់ ។
លោក ហោ វុទ្ធី នាយការិយាល័យព្រហ្មទណ្ឌកម្រិតស្រាលឱ្យដឹងបន្ថែមថា ជនសង្ស័យខាងលើទី១-ឈ្មោះ ផាល់ ភីមមន្ថា ភេទស្រី អាយុ១៥ឆ្នាំ ជាអ្នកបម្រើការងារមេផ្ទះ ស្នាក់នៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង, ទី២-ឈ្មោះ ផាល់ ផាត់ឡាដា ភេទស្រីអាយុ១៧ឆ្នាំ បងស្រីបង្កើត មានមុខរបរជាជាងអ៊ុតសក់ និងទី៣-ឈ្មោះ ណារិទ្ធ ចាន់ឧត្តម ភេទប្រុស អាយុ២០ឆ្នាំ មានមុខរបរជាកម្មករសំណង់ ជាប្តីឈ្មោះ ផាល់ ផាត់ឡាដា អ្នកទាំងពីរស្នាក់នៅភូមិថ្មលាត សង្កាត់ស្រះឬស្សី ក្រុងស្ទឹង
ត្រែង ។
លោកបន្តថា ក្រោយកម្លាំងជំនាញធ្វើការស្រាវជ្រាវ និងក្តាប់គោលដៅមុខសញ្ញាកម្លាំងជំនាញបានតស៊ូចម្លើយជាជនសង្ស័យរហូតមានភ្លឺរាយការទៅលោកស្នងការស្នងការងនគរបាលខេត្ត និងព្រះរាជអាជ្ញាស្នើរសុំគោលការឈានដល់ការចាប់ខ្លួនជនសង្ស័យជាបន្តបន្ទាប់ និងកសាងសំណុំរឿងបញ្ជូនទៅសាលាដំបូងតាមនីតិវិធី ហើយនៅរសៀលថ្ងៃទី១៩ ខែឧសភា ឆ្នាំ២០១៨ កម្លាំងជំនាញការិយាល័យព្រហ្មទណ្ឌកម្រិតស្រាលបានបញ្ជូនក្រុមជនសង្ស័យទាំង៣នាក់នៅទៅកាន់ពន្ធនាគារតាមដីការបង្គាប់បញ្ជាឱ្យឃុំខ្លួនរបស់តុលាការ ៕
ចែករំលែកព័តមាននេះ