ខេត្តបាត់ដំបង ៖ មន្ត្រីកងរាជអាវុធហត្ថបានឱ្យដឹងថា កម្លាំងជំនាញបានឃាត់ខ្លួនជនសង្ស័យម្នាក់ កាលពីវេលាម៉ោង១១ថ្ងៃត្រង់ថ្ងៃទី១៩ ឧសភា ស្ថិតនៅខាងក្រោយមន្ទីរពេទ្យបង្អែកខេត្ត ក្នុងភូមិវត្តលៀប សង្កាត់ចំការសំរោង ក្រុងបាត់ដំបង…
ខេត្តបាត់ដំបង ៖ មន្ត្រីកងរាជអាវុធហត្ថបានឱ្យដឹងថា កម្លាំងជំនាញបានឃាត់ខ្លួនជនសង្ស័យម្នាក់ កាលពីវេលាម៉ោង១១ថ្ងៃត្រង់ថ្ងៃទី១៩ ឧសភា ស្ថិតនៅខាងក្រោយមន្ទីរពេទ្យបង្អែកខេត្ត ក្នុងភូមិវត្តលៀប សង្កាត់ចំការសំរោង ក្រុងបាត់ដំបង ដែលពាក់ព័ន្ធនឹងករណីប្រព្រឹត្តអំពើចោរកម្ម ។
ជនសង្ស័យខាងលើ ឈ្មោះនូ ចាន់ណាត ហៅ ឆាង ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។ បើតាមមន្ត្រីដដែលបានឲ្យដឹងថា ជនសង្ស័យខាងលើ បានធ្វើសកម្មភាពលួចកាបូបរបស់ជនរងគ្រោះឈ្មោះមេ អូន ភេទប្រុស អាយុ៦៦ឆ្នាំ មានមុខរបរចាក់មេក្រូ រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង ។ សម្ភារដែលបាត់បង់មានក្បាលមេក្រូ (FM) ចំនួន២ , ថ្មមេក្រូ និងខ្សែមេក្រូមួយចំនួន ។ សមត្ថកិច្ចបានប្រាប់ថា មន្ត្រីជំនាញបានធ្វើការស្រាវជ្រាវឃាត់ខ្លួនជនដៃដល់រូបនេះ ក្រោយពីទទួលបានបណ្ដឹងរបស់ជនរងគ្រោះ។
ជាមួយនឹងការឃាត់ខ្លួន សមត្ថកិច្ចកងរាជអាវុធហត្ថដកហូតបានសម្ភារដែលបាត់បង់នោះ បានមកវិញផងដែរដែលជាវត្ថុតាង។ បច្ចុប្បន្ន ជនសង្ស័យកំពុងធ្វើការសាកសួរនៅអង្គភាព ដើម្បីចាត់វិធានការតាមនិតិវិធីច្បាប់ ៕
ចែករំលែកព័តមាននេះ