ខេត្តព្រៃវែង ៖ បុរសវ័យចំណាស់ម្នាក់ត្រូវចរន្តអគ្គីសនីឆក់ស្លាប់ ខណៈកំពុងតខ្សែភ្លើងពីលើផ្ទះអូសទៅដាក់ម៉ូទ័របូមទឹកនៅមាត់ទន្លេហើយមិនបានប្រយ័ត្នធ្វើឱ្យឆ្លងចរន្តភ្លើងបណ្តាលឱ្យឆក់តែម្តង ។ ហេតុការណ៍នេះបានកើតឡើងកាលពីវេលាម៉ោង៥និង៣៥នាទីល្ងាច ថ្ងៃទី១៨ ខែឧសភា ឆ្នាំ២០១៨ នៅចំណុចមាត់ទន្លេតូច…
ខេត្តព្រៃវែង ៖ បុរសវ័យចំណាស់ម្នាក់ត្រូវចរន្តអគ្គីសនីឆក់ស្លាប់ ខណៈកំពុងតខ្សែភ្លើងពីលើផ្ទះអូសទៅដាក់ម៉ូទ័របូមទឹកនៅមាត់ទន្លេហើយមិនបានប្រយ័ត្នធ្វើឱ្យឆ្លងចរន្តភ្លើងបណ្តាលឱ្យឆក់តែម្តង ។ ហេតុការណ៍នេះបានកើតឡើងកាលពីវេលាម៉ោង៥និង៣៥នាទីល្ងាច ថ្ងៃទី១៨ ខែឧសភា ឆ្នាំ២០១៨ នៅចំណុចមាត់ទន្លេតូច ក្នុងភូមិរកាធំ ឃុំកំពង់ត្របែក ស្រុកកំពង់ត្របែក ខេត្តព្រៃវែង ។ ជនរងគ្រោះមានឈ្មោះ អ៊ុង អូន ភេទប្រុស អាយុ៦៨ឆ្នាំ មានទីលំនៅក្បែរកន្លែងកើតហេតុ ។
យោងតាមប្រភពព័ត៌មានពីសមត្ថកិច្ចមូលដ្ឋានបានឱ្យដឹងថា មុនពេលកើតហេតុនោះជនរងគ្រោះបានឡើងតខ្សែភ្លើងចេញពីកុងតាក់ភ្លើងក្នុងផ្ទះអូសខ្សែទៅដាក់ភ្ជាប់ដុំម៉ូទ័របូមទឹកដែលស្ថិតនៅមាត់ទន្លេកន្លែងកើតហេតុក្នុងគោលបំណងដើម្បីបូមទឹក ប៉ុន្តែក្នុងពេលកំពុងតភ្ជាប់ខ្សែភ្លើងជាមួយដុំម៉ូទ័រនោះខ្សែភ្លើងបានប៉ះនឹងទឹកបណ្តាលឱ្យឆ្លងចរន្តអគ្គីសនីហើយជនរងគ្រោះមិនបានដឹងពេលទៅកាន់ចំខ្សែភ្លើងនោះក៏ធ្វើឱ្យឆក់ដួលស្លាប់នៅហ្នឹងកន្លែងភ្លាមៗតែម្តង ។
ប្រភពដដែលនេះបានបញ្ជាក់ប្រាប់ថា ពេលកើតហេតុភ្លាមគ្មាននរណាបានដឹងរហូតដល់ប្រហែលជា១៥នាទីក្រោយមកទើបមានកូនចៅជនរងគ្រោះបានឃើញដឹកថា ជនរងគ្រោះត្រូវចរន្តភ្លើងឆក់ទើបឡើងទៅផ្តាច់ខ្សែភ្លើងនៅលើផ្ទះ និងរត់ទៅជួយធ្វើចលនាបេះដូងឱ្យជនរងគ្រោះតែជាអកុសលជនរងគ្រោះបានស្លាប់ទៅហើយ ទើបរាយការណ៌ប្រាប់សមត្ថកិច្ចចុះទៅពិនិត្យសព និងកន្លែងកើតហេតុឃើញថា ជនរងគ្រោះពិតជាស្លាប់ដោយសារឆក់ខ្សែភ្លើងពិតមែន ទើបប្រគល់សាកសពឱ្យក្រុមគ្រួសាររៀបចំធ្វើបុណ្យតាមប្រពៃណី ៕
ចែករំលែកព័តមាននេះ