ខេត្តកណ្ដាល ៖ សេចក្តីរាយការណ៍ឱ្យដឹងថា ហេតុការណ៍ដ័គួរឱ្យអណោចអាធ័មបំផុតមួយ បានកើតឡើងកាលពីវេលាម៉ោង០៦ និង៥០នាទីយប់ថ្ងៃទី១៨ ឧសភា ស្ថិតលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៣៦-៣៧ ក្នុងភូមិអំពិលដាំទឹក…
ខេត្តកណ្ដាល ៖ សេចក្តីរាយការណ៍ឱ្យដឹងថា ហេតុការណ៍ដ័គួរឱ្យអណោចអាធ័មបំផុតមួយ បានកើតឡើងកាលពីវេលាម៉ោង០៦ និង៥០នាទីយប់ថ្ងៃទី១៨ ឧសភា ស្ថិតលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៣៦-៣៧ ក្នុងភូមិអំពិលដាំទឹក ឃំុវិហារហ្លួង ស្រុកពញាឮ ខេត្តកណ្ដាល រវាងម៉ូតូនិងម៉ូតូ បណ្ដាលឱ្យខ្ទាតចូលក្រោមកង់រថយន្តកិនស្លាប់ទាំងឪពុក និងម្ដាយ ព្រមទាំងកូនក្នុងផ្ទៃ ។
បើតាមលោកដួង តេង អធិការនគបាលស្រុកពញាឮឱ្យដឹងថា អ្នកដែលស្លាប់ក្នុងហេតុការណ៍ខាងលើ ១-ឈ្មោះធ្លក សុផល អាយុ៤៦ឆ្នាំ (ប្ដី )ជាអ្នកបើកម៉ូតូ ២-ឈ្មោះចាន់ សុខឃីម អាយុ៤២ឆ្នាំ (ប្រពន្ធ) មានកូនក្នងផ្ទៃពោះ និងកូនម្នាក់ទៀតនៅមិនទាន់ស្គាល់ឈ្មោះរងរបួសស្រាល ត្រូវបានបញ្ជូនទៅកាន់មន្ទីរពេទ្យ
គន្ធបុប្ផាតាមរថយន្តសាម៉ុយ ។ ជនរងគ្រោះទាំងនេះរស់នៅភូមិស្រែចិន្ដា ឃំុព្រះស្រែ ស្រុកឧដុង្គ ខេត្តកំពង់ស្ពឺ ជិះម៉ូតូម៉ាកស៊ុយហ្សុយសាគីវីវ៉ា ពណ៌ខ្មៅ ពាក់ស្លាកលេខភ្នំពេញ 1CW-93.92 ។
ចំពោះភាគីម៉ូតូម្ខាងទៀត ឈ្មោះឆួ ឆាងឈុន ភេទប្រុស អាយុ១៧ឆ្នាំ (របួសស្រាល) រស់នៅភូមិកំពង់ចុះវ៉ា និងអ្នករួមដំណើរឈ្មោះប៉ាន កុសល ភេទប្រុស អាយុ១៩ឆ្នាំ រងរបួសស្រាល រស់នៅភូមិចេតីយ៍ថ្មី អ្នកទាំងពីរនៅក្នុងឃំុវិហារហ្លួង ស្រុកពញាឮ ខេត្តកណ្ដាល ។ លោកបន្តថា ដោយឡែករថយន្តមានឈ្មោះព្រាប ធា ភេទប្រុស អាយុ៣២ឆ្នាំ រស់នៅភូមិនិងកំពង់ត្រាច ស្រុករមាសហែក ខេត្តស្វាយរៀង (ត្រូវបានឃាត់ខ្លួន) រថយន្តពាក់ស្លាកលេខភ្នំពេញ 3B-93.54 ប្រភេទរថយន្តធុនធំដឹកទំនិញ។
បើយោងតាមការការសន្និដ្ឋានថា ភាគីខាងម៉ូតូនិងម៉ូតូ បើកបរក្នុងល្បឿនលឿនខ្វះការប្រុងប្រយ័ត្ន និងមានបំណងចង់វ៉ាជែងគ្នា។
ចែករំលែកព័តមាននេះ