សហរដ្ឋអាមេរិក ៖ កាលពីថ្ងៃទី១៧ ឧសភា មានការផ្ទុះខ្លាំងមួយនៅកំពូលភ្នំភ្លើង KILAUEA នៃកោះហាវ៉ៃ ដោយបញ្ចេញផេះយ៉ាងក្រាស់ជះឡើងលើយ៉ាងខ្ពស់។ អាជ្ញាធរក៏អំពាវនាវដល់ប្រជាជនឲ្យស្ថិតក្នុងជម្រក។
ការផ្ទុះខ្លាំងនៃភ្នំភ្លើងនេះ នាំឲ្យមានពពកផេះជះឡើងលើ កម្ពស់ដល់៩០០០ម៉ែត្រ។ ប្រជាជនត្រូវអំពាវនាវឲ្យស្ថិតក្នុងជម្រកមកពីគ្រោះថ្នាក់ នៃការបញ្ចេញឧស្ម័នឌីអុកស៊ីតស្ពាន់ធរ ហើយរក្សាទុកការប្រកាសអាសន្នកម្រិតខ្ពស់ពណ៌ក្រហម សម្រាប់យន្តហោះ។ចរាចរណ៍តាមអាកាសនៅតែផ្អាកក្នុងតំបន់នេះ។
វិទ្យាស្ថានភូគម្ភសាស្ត្រអាមេរិក USGS គូសបញ្ជាក់នារសៀលថ្ងៃទី១៧ ឧសភាថា ការធ្លាក់ភ្លៀង និងខ្យល់ខ្សោយ ទើបពពកផេះនឹងស្ថិតនៅតែពីលើតំបន់ទាំងឡាយនៅជុំវិញភ្នំភ្លើង KILAUEA។ ភ្នំភ្លើងនេះ ជាភ្នំភ្លើងសកម្មបំផុតមួយក្នុងចំណោមភ្នំភ្លើងសកម្មបំផុតនៃពិភពលោក និងជាភ្នំភ្លើងមួយក្នុងចំណោមភ្នំភ្លើង៥ នៃកោះហាវ៉ៃ។ វាបានផ្ទុះពីថ្ងៃទី៣ ឧសភាមក នាំឲ្យមានការជម្លៀសមនុស្សចេញប្រមាណជា២០០០នាក់។ ភ្នំភ្លើងបានបញ្ចេញកំអែហូរចាក់ចម្ងាយច្រើនគីឡូម៉ែត្រ៕
ចែករំលែកព័តមាននេះ