យោងទៅតាមសេចក្តីរាយការណ៍របស់សារព័ត៌មាន Independent Onlineឲ្យដឹងថា ស្ត្រីស្ទើរតែ៩០ភាគរយហើយដែលប្រឈមនឹងជំងឺមហារីកសុដន់មិនត្រូវការប្រើថ្នាំបង្ការឡើយ ដោយសារតែខ្លាចផលរំខានរបស់ថ្នាំនេះ ។ ការណែនាំនាពេលបច្ចុប្បន្ននេះថា ស្ត្រីដែលត្រូវបានគេគិតថាមានការប្រឈមខ្ពស់នឹងការកើតជំងឺមហារីកសុដន់ដោយសារតែពួកគេមានគ្រួសារធ្លាប់កើតជំងឺនេះ គួរតែប្រើថ្នាំមួយប្រភេទឈ្មោះថា Tamoxifen។…
យោងទៅតាមសេចក្តីរាយការណ៍របស់សារព័ត៌មាន Independent Onlineឲ្យដឹងថា ស្ត្រីស្ទើរតែ៩០ភាគរយហើយដែលប្រឈមនឹងជំងឺមហារីកសុដន់មិនត្រូវការប្រើថ្នាំបង្ការឡើយ ដោយសារតែខ្លាចផលរំខានរបស់ថ្នាំនេះ ។
ការណែនាំនាពេលបច្ចុប្បន្ននេះថា ស្ត្រីដែលត្រូវបានគេគិតថាមានការប្រឈមខ្ពស់នឹងការកើតជំងឺមហារីកសុដន់ដោយសារតែពួកគេមានគ្រួសារធ្លាប់កើតជំងឺនេះ គួរតែប្រើថ្នាំមួយប្រភេទឈ្មោះថា Tamoxifen។ វាជាថ្នាំដែលអាចបន្ថយការប្រឈមមុខបាន ដែលស្ត្រីច្រើនតែគួរប្រើជារឿងរាល់ថ្ងៃរយៈពេល៥ឆ្នាំ ប៉ុន្តែថ្នាំនេះអាចបង្កជាផលរំខានច្រើនដូចជា ក្តៅពេញខ្លួនអស់កម្លាំង និងចង្អោរ ។
ការសិក្សាថ្មីបានពិនិត្យទៅលើស្ត្រីដែលប្រឈមមុខខ្ពស់ប្រមាណ២៥៨នាក់ ដែលត្រូវបានណែនាំឲ្យប្រើថ្នាំ Tamoxifen និងត្រូវបញ្ជូនទៅជួបអ្នកជំនាញក្នុងប្រទេសអង់គ្លេសទៀតផង ។ អ្នកស្រាវជ្រាវបានរកឃើញថា មានស្ត្រីតែម្នាក់ក្នុងចំណោម៧នាក់ (១៤,៧ភាគរយ) ប៉ុណ្ណោះដែលសម្រេចចិត្តប្រើថ្នាំ Tamoxifen នេះ ។ ក្នុងចំណោមស្ត្រី ២៥៨នាក់ មាន១៦នាក់ដែលយល់ព្រមទទួលយកនូវការសម្ភាសន៍តាមដាន និងពន្យល់ហេតុផលថាហេតុអ្វីបានជាពួកកេសម្រេចចិត្ត ឬមិនសម្រេចចិត្តប្រើប្រាស់ថ្នាំ Tamoxifen។ អ្នកស្រាវជ្រាវបានរកឃើញថា ស្ត្រីដែលមានកូនទំនងជាឆាប់យល់ព្រមទទួលយកការព្យាបាលណាស់ ។
The National Institute for Health and Care Excellence (NICE) បានបង្កើតនូវជំនួយនៃការសម្រេចចិត្តមួយចំនួនទាក់ទងនឹងគុណសម្បតិ្ត និងគុណវិបត្តិនៃការព្យាបាលបែបបង្ការលើអ្នកដែលមានគ្រួសារធ្លាប់កើតមហារីកសុដន់។ យកល្អគួរតែសង្កត់ធ្ងន់ថា ថ្នាំ Tamoxifen មិនមែនជាអ្វីដែលស្ត្រីភាគច្រើនគួរតែប្រើទេ ។ មានន័យថាវាគ្រាន់តែស័ក្តិសមសម្រាប់ការព្យាបាលបែបបង្ការសម្រាប់ស្ត្រីដែលមានការប្រឈមមុខមធ្យមទៅខ្ពស់នឹងជំងឺមហារីកសុដន់ ដែលមិនទាន់បានឆ្លងកាត់ការរ៉ាំងរដូវប៉ុណ្ណោះ ៕
ស្រង់ពីគេហទំព័រសុខភាព
ចែករំលែកព័តមាននេះ