បា.ញ់ផ្តាច់ជីវិតមនុស្សនិងសត្វរដូករណែល… គួរឱ្យខ្លាច
- កំពង់ធំ
ខេត្តសៀមរាប ៖ យោងតាមរបាយការណ៍របស់លោកវរសេនីយ៍ឯក ទេព ពុំសែន អធិការនគរបាលស្រុកពួកបានឱ្យដឹងថា នៅថ្ងៃទី១៦ ខែឧសភា វេលាម៉ោង១និង១៥នាទីរសៀល នៅក្នុងភូមិសាស្ត្រស្រុកពួក…
ខេត្តសៀមរាប ៖ យោងតាមរបាយការណ៍របស់លោកវរសេនីយ៍ឯក ទេព ពុំសែន អធិការនគរបាលស្រុកពួកបានឱ្យដឹងថា នៅថ្ងៃទី១៦ ខែឧសភា វេលាម៉ោង១និង១៥នាទីរសៀល នៅក្នុងភូមិសាស្ត្រស្រុកពួក…
ខេត្តសៀមរាប ៖ យោងតាមរបាយការណ៍របស់លោកវរសេនីយ៍ឯក ទេព ពុំសែន អធិការនគរបាលស្រុកពួកបានឱ្យដឹងថា នៅថ្ងៃទី១៦ ខែឧសភា វេលាម៉ោង១និង១៥នាទីរសៀល នៅក្នុងភូមិសាស្ត្រស្រុកពួក មានភ្លៀងមួយមេធំលាយឡំដោយខ្យល់ និងរន្ទះ បណ្ដាលឱ្យរលំផ្ទះរាបដល់ដីចំនួន៣ខ្នង របើកដំបូល១ខ្នង និងរន្ទះបាញ់ស្លាប់មនុស្សម្នាក់ របួសធ្ងន់ស្រាល២នាក់ ងាប់គោ៣ក្បាល និងឆ្កែ១ក្បាល ។
លោកអធិការបញ្ជាក់ថា ពលរដ្ឋដែលស្លាប់ដោយរន្ទះបាញ់ឈ្មោះ វឿន ដុស ភេទប្រុស អាយុ៤៩ឆ្នាំ ជាកសិករ រស់នៅភូមិស្វាហួល ឃុំមុខប៉ែន ។ ចំណែកអ្នករងរបួសធ្ងន់ឈ្មោះ ជន នន់ភេទប្រុស អាយុ៤៨ឆ្នាំ ជាកសិករ រស់នៅក្នុងភូមិជាមួយគ្នា ត្រូវបានបញ្ជូនទៅសង្គ្រោះនៅមន្ទីរពេទ្យ ។ ជនរងគ្រោះទាំង២នាក់ ត្រូវរន្ទះបាញ់ខណៈកំពុងដើរឃ្វាលគោ ។ រីឯអ្នករងរបួសស្រាលឈ្មោះ ទូច ស្រីឡី ភេទស្រី អាយុ១៤ឆ្នាំ នៅភូមិចន្ទោរ ឃុំព្រៃជ្រូក ។
ដោយឡែក ផ្ទះដែលរងគ្រោះដោយខ្យល់កន្ត្រាក់មាន២ខ្នង គឺ១ខ្នងម្ចាស់ឈ្មោះ លាប លួត ភេទប្រុស អាយុ៥០ឆ្នាំ នៅភូមិប្រាសាទ ឃុំព្រៃជ្រូក ផ្ទះទំហំ៦ម៉ែត្រគុណនឹង៧ម៉ែត្រ ជញ្ជាំងស័ង្កសី ដំបូលស័ង្កសី កម្ពស់១,៧០ម៉ែត្រនិង១ខ្នងទៀតម្ចាស់ឈ្មោះ បេង លីន ភេទស្រី អាយុ៣៦ឆ្នាំ នៅភូមិស្វាយចន្ទោរ ឃុំព្រៃជ្រូក របើកដំបូលស័ង្កសីអស់១០សន្លឹក ។ ជាមួយគ្នានេះ រន្ទះបាញ់ក៏បណ្តាលឱ្យងាប់គោ៣ក្បាលរបស់ឈ្មោះ រួន ពៅ ភេទប្រុស អាយុ៤៥ឆ្នាំ នៅវាលស្រែចម្ងាយពីភូមិផ្លាំង ឃុំព្រៃជ្រូក ប្រហែល១៥០ម៉ែត្រ ។ ចំណែកឆ្កែ១ក្បាលដែលងាប់ គឺជារបស់ជនរងគ្រោះឈ្មោះ វឿន ដុស ។
ខ្យល់កន្ត្រាក់រលំផ្ទះចំនួន៣ខ្នងនឹងរន្ទះបាញ់យុវជនម្នាក់ស្លាប់
ខេត្តកំពង់ធំ ៖ ក្នុងព្រឹត្តិការណ៍ដូចគ្នានេះដែរ គ្រោះធម្មជាតិខ្យល់កន្ត្រាក់បានបក់បោកធ្វើឱ្យលំនៅឋាន៣ខ្នងដួលរលំបាក់រាបដល់ដី ក្នុងនោះរន្ទះក៏បានឆក់យកជីវិតយុវជនម្នាក់ផងដែរ ។
សមត្ថកិច្ចនគរបាលបានឱ្យដឹងថា ហេតុការណ៍គ្រោះធម្មជាតិខាងលើនេះ បានកើតឡើងនៅវេលាម៉ោង៥និង៣០នាទីល្ងាចថ្ងៃទី១៦ ឧសភា ដែលករណីទី១-រន្ទះបាញ់យុវជនម្នាក់បណ្តាលឱ្យស្លាប់ភ្លាមៗនៅតំបន់កោះគ្របបាយក្នុងវាលក្រោមភូមិសាស្ត្រសង្កាត់ស្រយ៉ូវ ក្រុងស្ទឹងសែន ។ យុវជនរងគ្រោះឈ្មោះ ជួន សុខឡេង អាយុ២៨ឆ្នាំ ទីលំនៅភូមិស្រយ៉ូវត្បូងសង្កាត់ស្រយ៉ូវ ក្រុងស្ទឹងសែន ខណៈទៅមើលស្រែ ។
ដោយឡែក ខ្យល់កន្ត្រាក់ដួលរលំផ្ទះនិងរបើកដំបូលចំនួន៣ខ្នងរួមមាន ទី១-ម្ចាស់ឈ្មោះ ហ៊ុន ភឿក ភេទស្រី អាយុ៥៨ឆ្នាំ ផ្ទះទំហំ៦ម៉ែត្រគុណនឹង៨ម៉ែត្ររបើកស័ង្កសី១០សន្លឹក គ្រួសារទី២-ឈ្មោះ ចេន រ៉ម ភេទស្រី អាយុ២៨ឆ្នាំ ផ្ទះមានទំហំ៥ម៉ែត្រគុណនឹង៧ម៉ែត្រ ត្រូវដួលរលំនិងគ្រួសារទី៣-ឈ្មោះ ព្រំ សុភ័ស្ស ភេទស្រី អាយុ៣០ឆ្នាំ ផ្ទះទំហំ៣ម៉ែត្រគុណនឹង៤ម៉ែត្រ ដួលរលំទាំង៣គ្រួសារនេះមានទីលំនៅភូមិ ស្រយ៉ូវជើង សង្កាត់ស្រយ៉ូវ ក្រុងស្ទឹងសែន ៕
ចែករំលែកព័តមាននេះ