លោកត្រាំអះអាងថា ការជួបគ្នាកំពូលជាមួយលោកគីម ជុងអ៊ុន
សហរដ្ឋអាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ អះអាងនាថ្ងៃទី១៧ ឧសភា ថា ការរៀបចំសម្រាប់…
សហរដ្ឋអាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ អះអាងនាថ្ងៃទី១៧ ឧសភា ថា ការរៀបចំសម្រាប់ ការជួបគ្នាកំពូលជាមួយមេដឹកនាំ កូរ៉េខាងជើងលោកគីម ជុងអ៊ុន នាពាក់កណ្ដាលខែមិថុនា នៅសិង្ហបុរីបន្តទៀត ទោះបីមានការសង្ស័យនានាក្រោយក្រុងព្យុងយ៉ាង គំរាមលុបចោល ការជួបគ្នានោះដោយសារសមយុទ្ធយោធារួមរវាងអាមេរិក និងកូរ៉េខាងត្បូងក្ដី។
លោកត្រាំបន្តថា គ្មានអ្វីផ្លាស់ប្ដូរឡើយ លើកូរ៉េខាងជើងតាមដែលយើងដឹង ព្រោះគេពុំបាននិយាយអ្វីដល់យើងឡើយ រួចយើងនឹងចាំមើល។ ប្រសិនបើការជួបគ្នាកើតមានមិនកើតមាន យើងនឹងឈានទៅរកដំណាក់កាលមួយទៀត។
មុននេះបន្តិចអ្នកនាំពាក្យសេតវិមាន លោកស្រី SARAH SANDERS អះអាងថា ពុំមានការផ្លាស់ប្ដូរកាលបរិច្ឆេទនៃការជួបគ្នានេះឡើយ។ នាដំណាក់កាលនេះយើងបន្តការរៀបចំ។
ក្រោយច្រើនខែនៃការខិតចូលជិតគ្នា និងភាពធូរស្រាលខាងការទូត ក្រុងព្យុងយ៉ាងកាលពីថ្ងៃទី១៦ ឧសភា បានងាកគួរឲ្យភ្ញាក់ផ្អើល ទៅរកវោហាសាស្ត្រដើមរបស់ខ្លួន ដោយលើកពីលទ្ធភាពនៃការលុបចោល ការជួបគ្នាកំពូលនេះ។
លោកត្រាំអះអាងម្យ៉ាងទៀតថា ម៉ូដែលលីប៊ី នៃការរំសាយនុយក្លេអ៊ែរ ពុំដួចគ្នានឹងម៉ូដែលដែលលោកចង់ប្រើសម្រាប់ឧបទ្វីបកូរ៉េឡើយ។
ទីប្រឹក្សាសន្តិសុខជាតិ អាមេរិកលោក JOHN BOLTON ប៉ុន្មានថ្ងៃមុននេះបញ្ចេញពាក្យពេចន៍ ដែលធ្វើឲ្យក្រុងព្យុងយ៉ាង ខឹងដោយបរិហារពីការប៉ុនប៉ងធ្វើឲ្យប៉ះពាល់ ដល់ភាពថ្លៃថ្នូររបស់ខ្លួន ព្រោះប្រៀបប្រដូចវាសនារបស់ខ្លួន ទៅនឹងលីប៊ី និងអ៊ីរ៉ាក់។
ក្រោយបោះបង់ចោលកម្មវិធីនុយក្លេអ៊ែរមេដឹកនាំលីប៊ី លោកមូអាម៉ា កាដាហ្វី ត្រូវសម្លាប់ក្នុងការបះបោរមួយជួយទ្រទ្រង់ ដោយការវាយប្រហារតាមអាកាសរបស់អូតង់៕
ចែករំលែកព័តមាននេះ