ខេត្តកណ្ដាល ៖ បុរសជាឪពុកចុងម្នាក់ត្រូវបាននគរបាលស្រុកពញាឮ ចាប់ខ្លួនកាលពីថ្ងៃទី១៦ ឧសភា បន្ទាប់ពីបែកការណ៍ និងមានពាក្យបណ្ដឹងរឿងចាប់រំលោភកូនស្រីអាយុ៨ឆ្នាំបានសម្រេចបន្តបន្ទាប់ច្រើនលើក ពេលម្ដាយមិននៅ និងគំរាមមិនឱ្យប្រាប់អ្នកណាឱ្យសោះ។
លោកអធិការនគរបាលស្រុកបានឱ្យដឹងថា ជនសង្ស័យជាឪពុកចុងឈ្មោះ ហង្ស វ៉ន ហៅតួ អាយុ៣១ឆ្នាំ មុខរបរកម្មករសំណង់ មានទីលំនៅស្នាក់នៅឃុំភ្នំបាត ស្រុកពញាឮ ចំណែកក្មេងស្រីរងគ្រោះអាយុ៨ឆ្នាំ ។
លោកអធិការបន្ថែមថា នៅអំឡុងចុងឆ្នាំ២០១៧ ជនសង្ស័យ និងប្រពន្ធមានកូនបង្កើត និងកូនចុងជាជនរងគ្រោះបាននាំគ្នាទៅដើររើសអេតចាយនៅភ្នំពេញជិតវត្តមហាមន្ត្រី។ ឆ្លៀតពេលប្រពន្ធដើររើសអេតចាយបាត់ ជនសង្ស័យជាឪពុកចុងនាំជនរងគ្រោះចូលក្នុងចេតិយ៍ចាប់ស្រាតខោរំលោភរហូតសម្រេច១លើក និងគំរាមមិនឱ្យប្រាប់ម្តាយ និងអ្នកដទៃទេ។ ចំណែកជនរងគ្រោះក៏លាក់រឿងនោះមិនហ៊ានប្រាប់អ្នកណាដែរ។ លុះនៅថ្ងៃទី៧ មេសា ឆ្នាំ២០១៨ ម៉ោងប្រហែល៧យប់ជនសង្ស័យនាំកូនចុងដើរទៅក្បែរផ្ទះចាស់ដែលគេធ្វើទុកចោល ហើយនិយាយលួងលោមរួចចាប់រំលោភសំរេចម្តងទៀត។
លុះដល់ថ្ងៃទី២ ឧសភា ឆ្នាំ២០១៨ ម៉ោងប្រហែល៨យប់ ឆ្លៀតពេលប្រពន្ធមិននៅផ្ទះដើរទៅមើលគេលេងបៀរបាត់ ជនសង្ស័យក៏ចូលទៅក្នុងផ្ទះខ្លួនហើយឃើញជនរងគ្រោះកំពុងដេកលើគ្រែជាមួយប្អូនៗ ស្រាប់តែស្ទាបអង្អែលជនរងគ្រោះ រួចចាប់ចាប់រំលោភទៀត។ រហូតដល់ថ្ងៃទី១៦ ឧសភានេះ វេលាម៉ោង៨ព្រឹក ជនរងគ្រោះទៅលាងចានឱ្យអ្នកជិតខាងក្នុងភូមិជាមួយគ្នា ហើយជនរងគ្រោះក៏ប្រាប់ពីដំណើររឿងទៅអ្នកជិតខាងដែលឪពុកចាប់រំលោភសម្រេច៣ដងនោះ បន្ទាប់មកអ្នកជិតខាងក៏នាំជនរងគ្រោះមកដាក់ពាក្យបណ្តឹងប្តឹងនៅប៉ុស្តិ៍នគរបាល ភ្នំបាតតែម្តង។
ក្រោយមកកម្លាំងជំនាញសហការជាមួយកម្លាំងប៉ុស្តិ៍នគរបាលភ្នំបាត ចុះទៅកន្លែងកើតឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុកពញាឮ ដើម្បីសាកសួរ និងកសាងសំណុំរឿងចាត់ការតាមនីតិវិធី៕
ចែករំលែកព័តមាននេះ