រន្ធត់ណាស់! ទាររៀបការ... ចាប់ខ្វេះភ្នែកទាំងគូចោល

រន្ធត់ណាស់! ទាររៀបការ… ចាប់ខ្វេះភ្នែកទាំងគូចោល

ថ្ងៃទី ១៨ ខែ ឧសភា ឆ្នាំ ២០១៨

ម៉ោង ០៨:៤០

ប៉ាគីស្ថាន ៖ តាមប្រភពព័ត៌មាន Metro បានឲ្យដឹងថា យុវជនអាយុ២២ឆ្នាំម្នាក់ ត្រូវបានឪពុកនិងបងប្រុសចាប់ខ្វេះភ្នែក ក្រោយពីទារយកប្រពន្ធដោយចិត្តឯង។

Abdul Baqi នៅភូមិ Nasirabad ក្នុងខេត្ត Balochistan ប្រទេសប៉ាគីស្ថាន ប្រាប់គ្រួសាររបស់គេថាចង់រៀបការជាមួយនឹងមិត្តស្រីរបស់ខ្លួន។ ពេលនោះគ្រួសាររបស់គេមិនបានថា អ្វីទេ។ ស្រាប់តែក្រោយមក ឪពុក និងបងប្រុសទាំងបួននាក់ រួមមានឈ្មោះ Abdul Ghani, Abdul Sattar, Abdul Rehman និង Abdul Karim បាននាំរូបគេទៅកាន់បន្ទប់មួយ ហើយខ្វេះយកភ្នែកទាំងសងខាង។

នៅពេលនោះ ម្តាយរបស់គេមិនអាចចេញមកជួយបានទេ ដោយសារតែត្រូវឪពុកកូនចាប់ឃុំក្នុងបន្ទប់បាត់ទៅហើយ។

ពេលខាងព័ត៌មានទៅសម្ភាសន៍នៅលើគ្រែមន្ទីរពេទ្យ ដែល Baqi កំពុងសម្រាកព្យាបាល រូបគេបាននិយាយថា ទោះបីជាខំប្រឹងស្រែកយ៉ាងណាក៏ដោយ ក៏ឪពុករបស់គេមិនឈប់ខ្វេះដែរ។ Baqi បានបន្តថា ក្រោយពីបានបាត់ភ្នែកទាំងគូហើយ រូបគេបានអង្វរឲ្យបញ្ចប់ជីវិត តែគ្មាននរណាជួយឡើយ ហើយថែមទាំងបោះពាក្យថា ការធ្វើបែបនេះមកពីចង់ព្រមានដល់ក្មេងក្នុងភូមិឯទៀត កុំឲ្យចេះតែចង់បានប្រពន្ធស្រេចតែចិត្ត។

លទ្ធផលពេលនេះ គឺ Baqi គ្មានថ្ងៃមើលឃើញឡើយ។ ប៉ូលិសបានចាប់ខ្លួនឪពុក និងបងប្រុសពីរនាក់របស់ Baqi ខណៈដែលពីរនាក់ទៀតរត់គេចខ្លួន៕