ខេត្តបន្ទាយមានជ័យ ៖ ម៉ូតូពីរគ្រឿងបុកគ្នាបណ្តាលឱ្យបុរសម្នាក់សន្លប់នៅនឹងកន្លែងកើតហេតុ ចំណែកបុរសម្នាក់ទៀតរងរបួសស្រាល ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៦និង៤៥នាទីយប់ថ្ងៃទី១៦ ខែឧសភា ឆ្នាំ២០១៨ លើកំណាត់ផ្លូវជាតិលេខ៥ ស្ថិតក្នុងភូមិសែសិន…
ខេត្តបន្ទាយមានជ័យ ៖ ម៉ូតូពីរគ្រឿងបុកគ្នាបណ្តាលឱ្យបុរសម្នាក់សន្លប់នៅនឹងកន្លែងកើតហេតុ ចំណែកបុរសម្នាក់ទៀតរងរបួសស្រាល ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៦និង៤៥នាទីយប់ថ្ងៃទី១៦ ខែឧសភា ឆ្នាំ២០១៨ លើកំណាត់ផ្លូវជាតិលេខ៥ ស្ថិតក្នុងភូមិសែសិន សង្កាត់អូរអំបិល ក្រុងាសិរីសោភ័ណ ។
តាមប្រភពព័ត៌មានពីនគរបាលចរាចរណ៍ផ្លូវគោកបានឲ្យដឹងថា ជនរងគ្រោះទាំងពីរនាក់ខាងលើ ម្នាក់ឈ្មោះសឿន ចំណាប់ ភេទប្រុស អាយុ២៦ឆ្នាំ ជាកម្មករ នៅភូមិសែសិន សង្កាត់អូរអំបិល ក្រុងសិរីសោភ័ណ បើកបរម៉ូតូម៉ាកឆាលី ពណ៌ស សន្លប់នៅនឹងកន្លែងកើតហេតុ និងម្នាក់ទៀតឈ្មោះភឿន ចំរើន ភេទប្រុស អាយុ៥៣ឆ្នាំ មុខរបរលក់ដូរ នៅភូមិសែសិន សង្កាត់អូរអំបិល ក្រុងសិរីសោភ័ណ បើកបរម៉ូតូម៉ាកហុងដា
ឌ្រីម ពណ៌ខ្មៅ ពាក់ស្លាកលេខ ប.មានជ័យ ១A-០៤៣០ រងរបួសស្រាល។
សមត្ថកិច្ចបានឲ្យដឹងទៀតថា សាក្សីដែលបានឃើញហេតុការណ៍បានប្រាប់ថា មុនពេលកើតហេតុ អ្នកបើកបរម៉ូតូឆាលីបើកក្នុងទិសដៅពីត្បូងមកជើង លុះដល់ចំណុចកើតហេតុបានបុកម៉ូតូ១គ្រឿងម៉ាកហុងដាឌ្រីម ពណ៌ខ្មៅ ក្នុងទិសដៅពីជើងទៅត្បូង បណ្តាលឲ្យអ្នកបើកបរម៉ូតូឆាលីដែលមិនបានពាក់មួកសុវត្ថិភាពនោះដួលបោកក្បាលទៅនឹងថ្នល់រងរបួសធ្ងន់ ត្រូវបានសាច់ញាតិដឹកយកទៅសង្គ្រោះនៅមន្ទីរពេទ្យ ចំណែកអ្នកបើកបរម៉ូតូហុងដាឌ្រីម របួសស្រាល ។
ក្រោយកើតហេតុ ម៉ូតូទាំង២គ្រឿងត្រូវបានសមត្ថកិច្ចយកមករក្សាទុកនៅការិយាល័យចរាចរណ៍រង់ចាំធ្វើការដោះស្រាយពេលក្រោយ៕
ចែករំលែកព័តមាននេះ