រាជធានីភ្នំពេញ ៖ ស្ត្រីម្នាក់មានវិបត្តិគ្រួសារបានសម្រេចបានជិះម៉ូតូឌុបទៅលោតទឹកសម្លាប់ខ្លួននៅលើស្ពានជ្រោយចង្វារ តែត្រូវសមត្ថកិច្ចឃាត់ទាន់ ។ ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺថ្ងៃទី១៧ ខែឧសភា ឆ្នាំ២០១៨ នៅចំណុចលើស្ពានជ្រោយចង្វារថ្មី ស្ថិតក្នុងសង្កាត់ស្រះចក…
រាជធានីភ្នំពេញ ៖ ស្ត្រីម្នាក់មានវិបត្តិគ្រួសារបានសម្រេចបានជិះម៉ូតូឌុបទៅលោតទឹកសម្លាប់ខ្លួននៅលើស្ពានជ្រោយចង្វារ តែត្រូវសមត្ថកិច្ចឃាត់ទាន់ ។ ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺថ្ងៃទី១៧ ខែឧសភា ឆ្នាំ២០១៨ នៅចំណុចលើស្ពានជ្រោយចង្វារថ្មី ស្ថិតក្នុងសង្កាត់ស្រះចក ខណ្ឌដូនពេញ។
ស្ត្រីដែលបំរុងលោតទឹកសម្លាប់ខ្លួនឈ្មោះបូរី អូណារី អាយុ៣៣ឆ្នាំ មានមុខរបរបំរើការនៅក្នុងហាងមួយកន្លែង ស្នាក់នៅម្តុំបឹងកក់ ខណ្ឌទួលគោក ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ ស្ត្រីខាងលើបានខ្ចីទូរស័ព្ទរបស់ប្អូនប្រុសជីដូនមួយយកតេ ហើយត្រូវប្អូនប្រុសរូបនោះស្តីបន្ទោសស្រែកគំហក ធ្វើឲ្យស្ត្រីខាងលើនោះខឹងបានសម្រេចចិត្តជិះម៉ូតូឌុបមកដល់លើស្ពានជ្រោយចង្វារបានចុះពីលើម៉ូតូឌុបទៅឈរតោងបង្កាន់ដៃស្ពានយំខ្សឹលខ្សួលបម្រុងនឹងលោតទឹកសម្លាប់ខ្លួន ហើយត្រូវបានប្រជាពលរដ្ឋធ្វើដំណើរប្រទះឃើញបានទៅរាយការណ៍ប្រាប់សមត្ថកិច្ចប្រចាំការនៅគល់ស្ពានមកជួយឃាត់។
ខណៈពេលសមត្ថកិច្ចបានមកដល់ឃើញស្ត្រីខាងលើប៉ុនប៉ងលោតទឹកសម្លាប់ខ្លួននោះ បាននិយាយលួងលោមអោយត្រឡប់ទៅផ្ទះវិញអស់រយៈពេលជិតកន្លះម៉ោង ទើបស្ត្រីរូបនោះព្រមតាមសមត្ថកិច្ចហើយជិះម៉ូតូកង់បីត្រឡប់ទៅផ្ទះវិញ ៕
ចែករំលែកព័តមាននេះ