ប្រទេសឥណ្ឌា ៖ បណ្ដាសារព័ត៌មានក្នុងស្រុករាយការណ៍ថា មនុស្សយ៉ាងតិច១២នាក់ស្លាប់ ហើយច្រើននាក់ទៀតនៅជាប់ក្រោមគំនរបាក់បែកនៅឡើយ កាលពីថ្ងៃទី១៥ឧសភា ក្រោយការបាក់ស្ពានអាកាសមួយកំពុងសាងសង់នៅរដ្ឋ UTTAR PRADESHភាគខាងជើងឥណ្ឌា។
ស្ពានអាកាសនេះ បាក់នៅស្រុកវ៉ារ៉ាណាស៊ី ចម្ងាយ៣០៦គីឡូម៉ែត្រ ភាគអាគ្នេយ៍ទីក្រុងLUCKNOW ទីប្រជុំជននៃរដ្ឋ UTTAR PRADESH។ អាជ្ញាធរនិយាយថា កំណាត់ស្ពានអាកាសដែលកំពុងសាងសង់ បានបាក់ក្រោយការបាក់សរសរ២ បណ្ដាលឲ្យធ្លាក់ផ្ទាំងបេតុងធំមួយមកលើផ្លូវថ្នល់ សង្កត់រថយន្តទាំងឡាយ និងសម្លាប់មនុស្សនៅខាងក្នុង។
ទូរទស្សន៍ក្នុងស្រុក ANI រាយការណ៍ថា មនុស្សយ៉ាងតិច១២នាក់ស្លាប់ ហើយច្រើននាក់ទៀតនៅជាប់ក្រោមគំនរបាក់បែក៕
ចែករំលែកព័តមាននេះ