តាមប្រភពព័ត៌មាន Goal បានឲ្យដឹងថា កីឡាករអាយុ១៩ឆ្នាំរបស់ក្លិបហង្សក្រហម Trent Alexander-Arnold បានបង្ហើបពីអារម្មណ៍មានមោទនភាពរបស់ខ្លួនចំពោះការលេងជាមួយនឹង Ronaldo ដែលជាកីឡាករល្បីលំដាប់ពិភពលោកនៅក្នុងការប្រកួតវគ្គផ្តាច់ព្រ័ត្រ Champions League ។
Trent Alexander-Arnold លេងបានយ៉ាងល្អនៅរដូវកាលនេះដែលអាចធ្វើឲ្យគ្រប់គ្នាចងចាំក្នុងចិត្តបាន ដោយសារតែថ្វីជើងរបស់កីឡាករនេះរូបគេអាចនឹងត្រូវបានក្លិបដាក់ឲ្យលេងនៅវគ្គផ្តាច់ព្រ័ត្រ Champions League តទល់ជាមួយនឹង Ronaldo ។
កីឡាករវ័យក្មេងតែខ្លាំងរូបនេះបាននិយាយថា «វាពិតជាកិត្តិយសណាស់សម្រាប់ខ្ញុំ ដែលបានលេងទល់ជាមួយនឹង Cristiano Ronaldo ដែលអាចហៅបានថា ជាកីឡាករខ្លាំងមួយរូបក្នុងពិភពលោក ។ ខ្ញុំចង់ជម្រុញខ្លួនខ្ញុំឲ្យខ្លាំងដូចពួកគាត់ ព្រោះថាមិនមានមនុស្សច្រើនប៉ុន្មានទេ ដែលអាចធ្វើបានដូច Ronaldo និង Messi» ៕
ចែករំលែកព័តមាននេះ