ប្រទេសឥណ្ឌា ៖ បណ្ដាអ្នកទទួលខុសត្រូវខាងឧតុនិយមឥណ្ឌា គូសបញ្ជាក់កាលពីថ្ងៃទី១៤ ឧសភា ថា ចំនួនអ្នកស្លាប់ដោយសារព្យុះធូលី និងព្យុះភ្លៀងឯទៀតៗ ដែលវាយប្រហារលើរដ្ឋជាច្រើន អ្នកស្លាប់ឡើងដល់៦៥នាក់ ហើយអ្នករបួសមានដល់ជាង៧០នាក់ ។
ព្យុះទាំងនេះវាយប្រហារនាយប់ថ្ងៃទី១៣ ឧសភា លើរដ្ឋជាច្រើននាំឲ្យដើមឈើទាំងឡាយរលំបាក់ ក៏ដូចជាបង្គោលភ្លើង ។ រដ្ឋដែលរងការប៉ះពាល់ខ្លាំងជាងគេ រួមមានរដ្ឋ UTTAR PRADESH បឹងហ្គាល់ខាងលិច ANDHRA PRADESH TELANGANA ព្រមទាំងរដ្ឋធានីញូវដែល្លី ។
បណ្ដាអ្នកទទួលខុសត្រូវនាយកដ្ឋានឧតុនិយមឥណ្ឌាថ្លែងថា ខ្យល់បោកបក់ ព្រមទាំងព្យុះធូលី មានល្បឿនដល់១០៩គីឡូម៉ែត្រក្នុង១ម៉ោង នៅរដ្ឋធានីនិងតំបន់ជុំវិញ ។ ព្យុះទាំងឡាយធ្វើឲ្យស្ទះចរាចរណ៍តាមផ្លូវអាកាស រថភ្លើង ព្រមទាំងមេត្រូនៅរដ្ឋធានី ។
យោងតាមព័ត៌មានមកពីរដ្ឋ UTTAR PRADESH ថា ផ្ទះជិត១០០ខ្នង រងការបំផ្លាញ
ដោយសារភ្លើងឆេះមកពីរន្ទះបាញ់នៅ SAMBHAL ។ តំបន់ជាច្រើនរងការប៉ះពាល់ដោយការដាច់ភ្លើង ព្រោះខ្សែភ្លើងទាំងឡាយត្រូវដាច់ ។
បណ្ដាអ្នកទទួលខុសត្រូវខាងឧតុនិយមឥណ្ឌានិយាយថា ព្យុះទាំងឡាយត្រូវបោកបក់ឆ្លងកាត់ ភាគពាយ័ព្យប្រទេសក្នុងរយៈពេលពី៤៨ទៅ៧២ម៉ោងទៀត ៕
ចែករំលែកព័តមាននេះ