ផ្តល់មេដាយការពារជាតិដល់សមាគមន៍អតីតយុទ្ធជនកម្ពុជាស្រុកឯកភ្នំ
- បាត់ដំបង
ខេត្តបាត់ដំបង ៖ លោកនាយឧត្តមសេនីយ៍ មាស សុភា បានផ្តល់មេដាយការពារជាតិដល់សមាគមន៍អតីតយុទ្ធជនកម្ពុជាស្រុកឯកភ្នំ ខេត្តបាត់ដំបង ដែលមានលោក ហឿង សុគន្ធ…
ខេត្តបាត់ដំបង ៖ លោកនាយឧត្តមសេនីយ៍ មាស សុភា បានផ្តល់មេដាយការពារជាតិដល់សមាគមន៍អតីតយុទ្ធជនកម្ពុជាស្រុកឯកភ្នំ ខេត្តបាត់ដំបង ដែលមានលោក ហឿង សុគន្ធ អភិបាលរង និងជាអនុប្រធានកិត្តិយសសមាគមអតីតយុទ្ធជនខេត្តបាត់ដំបង និងលោកឧត្តមសេនីយ៍ទោ អ៊ុក ឃ្នូច មេបញ្ជាការរងយោធភូមិភាគទី៥ មេបញ្ជាការតំបន់ប្រតិបត្តិកាសិករង និងជាប្រធានសមាគមតអីតយុទ្ធជនកម្ពុជាខេត្តបាតដំបង និងស្នងការងនគបាល មេបញ្ជាការរងកងរាជអាវុធហត្ថ និងអនុប្រធានមន្ទីរសង្គមកិច្ច អតីតយុទ្ធជន ស្តានិតិសម្បទា នៅព្រឹកថ្ងៃទី១៦ ខែឧសភា ឆ្នាំ២០១៨ នេះបានរៀបចំធ្វើពិធីបំពាក់គ្រឿងឥស្សរិយយសការពារជាតិ ថ្នាក់មាស ប្រាក់ និងសំរិទ្ធ ជូនដល់សមាជិកអតីតយុទ្ធជនក្នុងស្រុកឯកភ្នំ ខេត្តបាត់ដំបង ដែលជាជនពិការ និវត្តជន ចំនួន៤២០នាក់ ក្នុងស្រុកឯកភ្នំ នៅសាលាស្រុកឯកភ្នំ ខេត្តបាត់ដំបង ក្រោមវត្តមានដ៍ខ្ពង់ខ្ពស់លោកនាយឧត្តមសេនីយ៍ មាស សុភា អគ្គមេញ្ជាការរងនៃ ខ.ភ.ម មេបញ្ជាការកងទ័ពជើងគោក និងជាសមាជិកអចិន្ត្រៃយ៍គណ:កម្មាធិការកណ្តាលសមាគមអតីយុទ្ធជនកម្ពុជា ។
លោកវរសេនីយ៍ទោ ក្រៀល សាឯម មេបញ្ជាការផ្នែកសឹករងស្រុកឯកភ្នំ និងជាប្រធានសមាគមអតីតយុទ្ធស្រុក និងលោកឧត្តមសេនីយ៍ទោ អ៊ុកឃ្នូច មេបញ្ជាការរងយោធភូមិភាគទី៥ មេបញ្ជាការតំបន់ប្រតិបត្តិការសឹករង និងជាប្រធានសមាគមអតីតយុទ្ធជនកម្ពុជា ខេត្តបាត់ដំបង បានរាយការណ៍ឲ្យដឹងថា ដើម្បីផ្តល់នូវការលើកទឹកចិត្ត នឹងតបស្នង ដឹងគុណ ចំពោះគុណបំណាច់ដែលបងប្អូនអតីតយុទ្ធជន យើងបានលះបង់ ញើស ឈាម កាយសម្បទា ចំពោះជាតិ មាតុភូមិ ទឹកដី នឹងភាពសុខសាន្តរបស់ប្រទេសជាតិ នឹងប្រជាជន កម្ពុជា កន្លងមក ហើយសមាគមអតីតយុទ្ធជនកម្ពុជា ខេត្តបាត់ដំបង បានស្នើរទៅប្រមុខរាជរដ្ឋាភិបាល ក្រសួងការពារជាតិ អគ្គមេបញ្ជាការនៃ ខ.ភ.ម កងទ័ពជើងគោក ពិសេសសមាគមអតីតយុទ្ធជនកម្ពុជា ដើម្បីផ្តល់ជូន នូវគ្រឿងឥស្សរិយយស ការពារជាតិ ថ្នាក់មាស ប្រាក់ និងសំរិទ្ធ ដើម្បីផ្តល់នូវការលើកទឹកចិត្តដល់អតីតយុទ្ធជនយើង ដែលជាជនពិការ និវត្តជន ក្នុងខេត្តបាត់ដំបង ក្នុងស្រុកឯកភ្នំ ខេត្តបាត់ដំបង ដែលមានចំនួនសរុប ៤២០នាក់ ក្នុងនោះត្រូវបានផ្តល់ គ្រឿងឥស្សរិយយសការពារជាតិ ថ្នាក់មាសចំនួន១គ្រឿង ថ្នាក់ប្រាក់ចំនួន៦០គ្រឿងនិងថ្នាក់សំរិទ្ធចំនួន៣៤៩គ្រឿង ។ ព្រមទាំងផ្តល់នូវថវិកាក្នុងម្នាក់ៗ ៥០០០០រៀលផងដែរ ។
លោកនាយឧត្តមសេនីយ៍មាស សុភា បានបញ្ជាក់ថា បន្ទាប់ពីបានបញ្ចប់សង្គ្រាមរ៉ាំរ៉ៃក្នុងស្រុក និងមានការបង្រួបបង្រួមជាតិនៅឆ្នាំ១៩៩៨ រួចមកកងកម្លាំងប្រដាប់អាវុធយើងទាំងអស់មកពីគ្រប់គណបក្សនយោបាយបានបន្សល់ទុកនូវភាពរងារ តែលតោលរបស់បងប្អូននិវត្តជន ពលី និងទទួលមរណះភាព ហើយជួបការលំបាកកន្លងមកទើបក្នុងឆ្នាំ២០០៣ សុំឲ្យមានការបង្កើតជាសមាគមជួយដល់បងប្អូនអតីតះយុទ្ធជនទើបសម្តេចតេជោហ៊ុន សែនមានការស្ម័គ្រចិត្តមុនគេព្រោះសម្តេចក៏ទទួលរងគ្រោះភាពពិការក្នុងសង្គ្រាមដូចបងប្អូនដែរ ហើយមកដល់ឆ្នាំ២០០៧ទើបបានចេញជារូបរាង តែដំណើរការមិនទាន់ស្រួលបួលនៅមុខខ្វះក្រោយ រហូតដល់ឆ្នាំ២០១៣ ដោយមានសម្តេចតេជៅជាប្រធាន និងមានការកែទម្រង់ សម្រួលផ្នែកអគ្គលេខាធិការកន្លងមកទើបមានការរីកចំរើនផ្នែកជីវភាពខ្លះៗ ហើយរៀបចំប្រាក់បៀវត្សឲ្យទទួលបានដល់និវត្តជន ជួយផ្តល់ដីធ្លី និងផ្ទះស្នាក់នៅ ដល់ជនពិការ ជួយឧបត្ថម្ភសង្គ្រោះដោះស្រាយគ្រួសារទ័ពដែលទទួលមរណះភាព និងតម្លើងប្រាក់បៀវត្សដល់បងប្អូនដែលកំពុងធ្វើការរហូតមកទទួលបានការកើនឡើងជាលំដាប់រហូតដល់សព្វថ្ងៃនេះ ៕
ចែករំលែកព័តមាននេះ