កូរ៉េខាងជើងគំរាមលុបចោលជាមួយលោកត្រាំ
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងត្បូង YONHAP រាយការណ៍ថា កូរ៉េខាងជើងកាលពីថ្ងៃទី១៦ ឧសភា បានគំរាមលុបចោលការជួបគ្នាកំពូល ដែលគ្រោងធ្វើនាថ្ងៃទី១២ មិថុនា…
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងត្បូង YONHAP រាយការណ៍ថា កូរ៉េខាងជើងកាលពីថ្ងៃទី១៦ ឧសភា បានគំរាមលុបចោលការជួបគ្នាកំពូល ដែលគ្រោងធ្វើនាថ្ងៃទី១២ មិថុនា រវាងមេដឹកនាំខ្លួន លោក គីម ជុងអ៊ុន និងប្រធានាធិបតីអាមេរិក លោក ដូណាល់ ត្រាំ មកពីសមយុទ្ធយោធារួមនៅកូរ៉េខាងត្បូង។
ដោយដកស្រង់ប្រភពនៃទីភ្នាក់ងារព័ត៌មាន កូរ៉េខាងជើង KCNA YONHAP អះអាងថា ក្រុងព្យុងយ៉ាង ក៏លុបចោលដែរ ការជួបគ្នាកម្រិតខ្ពស់មួយជាមួយកូរ៉េខាងត្បូងដែលគ្រោងធ្វើនាថ្ងៃទី១៦ ឧសភា ដើម្បីជាការតវ៉ាប្រឆាំងសមយុទ្ធយោធាប្រចាំឆ្នាំឈ្មោះ MAX THUNDER ដែលចូលរួមដោយកងទ័ពកូរ៉េខាងត្បូង និងអាមេរិក។ KCNA អះអាងទៀតថា សហរដ្ឋអាមេរិកត្រូវពិចារណាឲ្យល្អិតល្អន់លើភ័ព្វវាសនា នៃការជួបគ្នាកំពូលនេះរវាងកូរ៉េខាងជើង និងសហរដ្ឋអាមេរិក ខណៈមានស្នូរយោធា។
សមយុទ្ធយោធារវាងកងទ័ពអាកាសរបស់សម្ព័ន្ធមិត្តទាំង២ គឺជាការហ្វឹកហ្វឺនដើម្បីការលុកលុយ និងបង្កហេតុមួយ ខណៈស្ថិតក្នុងដំណាក់កាលនៃការកែលម្អ ទំនាក់ទំនងអន្តរកូរ៉េ។ ចំណែកក្រុងវ៉ាស៊ិនតោនវិញ អះអាងថា ខ្លួននឹងបន្តរៀបចំការជួបគ្នាកំពូល។
អ្នកនាំពាក្យក្រសួងការបរទេសអាមេរិក លោកស្រី HEATHER NAUERT ថ្លែងថា យើងនឹងបន្តដើរទៅមុខទាក់ទិន នឹងការរៀបចំហើយយើងពុំកត់សម្គាល់ឃើញការផ្លាស់ប្ដូរមួយនៅឡើយ។
ភាសាដែលកូរ៉េខាងជើងប្រើ គឺជាការវិលត្រឡប់ភ្លាមៗទៅរកវោហាសាស្ត្រចាស់ដែលខ្លួនយល់ចាប់តាំងពីយូរមក ហើយថា ខ្លួនត្រូវការអាវុធនុយក្លេអ៊ែរដើម្បីការពារខ្លួនប្រឆាំងអាមរិក ៕
ចែករំលែកព័តមាននេះ