រាជធានីភ្នំពេញ ៖ សាលាដំបូងរាជធានីភ្នំពេញនាព្រឹកថ្ងៃទី១៦ ឧសភា នេះបានលើកយកសំណុំរឿងលោកប៉ូលិសស័ក្តិ៤ បម្រើការងារជាមន្ត្រីនគរបាលជាតិ មកបើកសវនាការផ្តន្ទាទោសពាក់ព័ន្ធករណីប្រើអំពើហិង្សាលើមន្ត្រីនគរបាលចរាចរណ៍ជាប់កិច្ចសន្យាមកផ្តន្ទាទោស ។ តែក្រោយពេលសាកសួរដេញដោលចប់ ចៅក្រមជំនុំជម្រះបានលើកពេលប្រកាសសាលក្រមទៅថ្ងៃទី៧ មិថុនា ២០១៨ ខាងមុខនេះ ។
គួររំលឹកថា កាលពីរសៀលថ្ងៃទី១១ មករា នេះ បានសម្រេចឃុំខ្លួនលោកប៉ូលិសស័ក្តិ៤ ដែលប្រើអំពើហិង្សាលើមន្ត្រីនគរបានចរាចរណ៍ជាប់កិច្ចសន្យាដាក់ពន្ធនាគារជាបណ្តោះអាសន្ន ។
លោក លី សុផាណា ព្រះរាជអាជ្ញារង និងជាអ្នកនាំពាក្យសាលាដំបូងរាជធានីភ្នំពេញ បានឆ្លើយឆ្លងតាមសារអេឡិចត្រូនិចតេឡេក្រាមថា ក្រោយពីបានសួរចម្លើយឈ្មោះ សៅ បញ្ញា និងពិនិត្យឯកសារសំណុំរឿងតាមនីតិវិធី តំណាងអយ្យការបានសម្រេចបើកការស៊ើបសួរដោយចោទប្រកាន់ពីបទហិង្សាដោយចេតនា មានស្ថានទម្ងន់ទោស និងបទប្រើប្រាស់ដោយគ្មានសិទ្ធិនូវសញ្ញាសំគាល់ដែលកំណត់ ដោយអាជ្ញាធរសាធា
រណៈ តាមមាត្រា២១៨ និងមាត្រា៦១៤ នៃក្រមព្រហ្មទណ្ឌ ហើយបញ្ជូនទៅចៅក្រមស៊ើបសួរដើម្បីចាត់ការបន្ត ហើយចៅក្រមស៊ើបនឹងត្រូវឃុំខ្លួនលោកប៉ូលិសស័ក្តិ៤ ឈ្មោះសៅ បញ្ញា ដាក់ពន្ធនាគារបណ្តោះអាសន្ន តាមការចោទប្រកាន់ខាងលើនេះ ៕
ចែករំលែកព័តមាននេះ