ចំណុចប្រសាសន៍សំខាន់ៗរបស់ លោកហ៊ុន ម៉ាណែត
- កំពត
ខេត្តកំពត ៖ ចំណុចប្រសាសន៍សំខាន់ៗរបស់ លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត…
ខេត្តកំពត ៖ ចំណុចប្រសាសន៍សំខាន់ៗរបស់ លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត…
ខេត្តកំពត ៖ ចំណុចប្រសាសន៍សំខាន់ៗរបស់ លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានអញ្ជើញចូលរួមជាអធីបតីក្នុងពិធីសម្ពោធសាលាធម្មសភា និងសមិទ្ធផលនានា ក្នុងវត្តក្រូចឆ្មារ ស្ថិតក្នុងភូមិគក ឃុំម្រោម ស្រុកអង្គរជ័យ ខេត្តកំពតកាលពីថ្ងៃទី១៥ ខែឧសភា ឆ្នាំ២០១៨ ។
ទី១- សូមធ្វើការអរគុណ និងកោតសរសើរ ចំពោះព្រះតេជគុណព្រះសង្ឃគ្រប់ព្រះអង្គដែលខិតខំនៅក្នុងការកសាងសមិទ្ធផលដើម្បីចូលរួមជាមួយរាជរដ្ឋាភិបាលក្នុងការកសាងវិស័យសាសនា ព្រោះរដ្ឋាភិបាលយើងលើកទឹកចិត្តប្រជាពលរដ្ឋ និងលើកទឹកចិត្តគ្រប់សាសនា ប៉ុន្តែរាជរដ្ឋាភិបាលមានកំណត់នៅក្នុងថវិកាណាមួយ ដោយរាជរដ្ឋាភិបាលត្រូវមានទំនួលខុសត្រូវនៅក្នុងវិស័យផ្សេងៗទៀតដូចជា សុខាភិបាលអប់រំ និងការកសាងហេដ្ឋារចនាសម្ព័ន្ធដ៏ទៃទៀត ។ ទី២ – ចំពោះវិស័យសាសនា ទីវត្តអារាមនានា បានកសាងច្រើនណាស់ និងនៅគ្រប់កន្លែងទាំងអស់ ។
ដូចនេះប្រសិនបើគ្មានការចូលរួមការខិតខំរបស់ព្រះតេជគុណ សម្បុរសជន គ្រប់ស្រទាប់វណ្ណៈទេនោះ សមិទ្ធផលទាំងនេះក៏មិនបានចេញជារូបរាងបែបនេះដែរ ។ ប្រពៃណីនៃការចែករំលែក បើយើងម្នាក់ៗគិតតែទុកក្នុងដៃរបស់ខ្លួនមិនបែងចែកខ្លះក៏វាមិនកើត ត្រូវតែបើកចិត្តឲ្យទូលំទូលាយខ្លះ ជាពិសេសការធ្វើបុណ្យដាក់ទាន វាជាចំណែកមួយក្នុងការជួយសម្រួលជីវភាពនៃទីវត្តអារាមផងដែរ ។ ៣- ការមានទឹកចិត្ត ចំនុចនេះសំខាន់ខ្លាំងណាស់ មានកំលាំងចិត្តអ្វីៗដើរទៅបានយ៉ាងល្អប្រពៃ មនុស្សម្នាក់ៗរីកចម្រើនទៅមុខបាន គឺដោយសារកម្លាំងចិត្តរុញច្រានក៏ដូចជា មានលទ្ធភាព មានលុយហើយ តែគ្មានចិត្តធ្វើបុណ្យក៏ទៅមិនរួចដែរ ។
ទី៤- យើងទាំងអស់គ្នាត្រូវចូលរួមថែរក្សាការពារនូវសន្តិភាពឲ្យបានគង់វង្ស និងប្រឆាំងដាច់ខាតគ្រប់ចលនាណាមួយដែលមានបំណងចង់បំផ្លាញសុខសន្តិភាព នៅក្នុងប្រទេសកម្ពុជា ដែលសន្តិភាពនេះ គឺបានមកដោយការលំបាក ដោយការលះបង់សាច់ស្រស់ ឈាមស្រស់ និងអាយុជីវិតរបស់វីរជនស្នេហាជាតិនៃយើង ហើយត្រូវចូលរួមគាំទ្ររាជរដ្ឋាភិបាលកម្ពុជា គាំទ្រគណបក្សប្រជាជនកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ជាប្រធាន និងជាប្រមុខដឹកនាំប្រទេសជាតិបន្តទៀត ។
ទី៥ – សូមលោកយាយ លោកតា សិស្សានុសិស្ស លោកគ្រូ អ្នកគ្រូមេត្តាអញ្ជើញចូលរួមបោះឆ្នោតឲ្យបានគ្រប់ៗគ្នា ជ្រើសរើសអ្នកដែលសន្យាពិត ធ្វើពិត ឃើញពិត ។ កុំដោយសារ តែបក្សផ្សេងទៀតបះបោរមិនឲ្យទៅចូលរួមបោះឆ្នោត វាមិនពិតនោះទេ បុគ្គលនោះបានតែនិយាយនៅក្រៅប្រទេសមិនបានមកចុះមើលផ្ទាល់ពីសុខទុក្ខរបស់បងប្អូនប្រជាពលរដ្ឋនៅក្នុងប្រទេសយើងឡើយ ដូចនេះឆាប់ៗនេះពេលវេលា និងមកដល់នៅថ្ងៃទី២៩ ខែកក្កដា ឆ្នាំ២០១៨ មេត្តាបោះឆ្នោតបន្តការគាំទ្រឲ្យបានខ្លាំងក្លាទ្វេរឡើងថែមទៀត ៕
ចែករំលែកព័តមាននេះ