ខែភ្លៀងផង បើចឹងគឺពិតជាគ្រោះថ្នាក់ខ្លាំងណាស់
- កំពង់ចាម
ខេត្តកំពង់ចាម ៖ ក្រោយពីមានភ្លៀងធ្លាក់មួយមេ កាលពីវេលាទៀបភ្លឺថ្ងៃទី១៥ ឧសភា ធ្វើឲ្យបរិវេណ ផ្សារបឹងកុក ក្រុងកំពង់ចាម ត្រូវបែកភក់ ។…
ខេត្តកំពង់ចាម ៖ ក្រោយពីមានភ្លៀងធ្លាក់មួយមេ កាលពីវេលាទៀបភ្លឺថ្ងៃទី១៥ ឧសភា ធ្វើឲ្យបរិវេណ ផ្សារបឹងកុក ក្រុងកំពង់ចាម ត្រូវបែកភក់ ។…
ខេត្តកំពង់ចាម ៖ ក្រោយពីមានភ្លៀងធ្លាក់មួយមេ កាលពីវេលាទៀបភ្លឺថ្ងៃទី១៥ ឧសភា ធ្វើឲ្យបរិវេណ
ផ្សារបឹងកុក ក្រុងកំពង់ចាម ត្រូវបែកភក់ ។ ជាមួយនេះ ដោយសារតែការតខ្សែភ្លើងខ្វះបទដ្ឋានបច្ចេក
ទេសសម្រាប់ប្រើប្រាស់តាមគ្រែលក់ដូរ ក៏បណ្តាលឱ្យឆ្លងចរន្តឆក់អាជីវករចំនួន២នាក់ នាវេលាម៉ោង១០ និង៣០ព្រឹកថ្ងៃដដែល តែមិនមានគ្រោះថ្នាក់ដល់អាយុជីវិតទេ ដោយសារបានក្រុមអាជីវករដូចគ្នាជួយសង្គ្រោះ ទោះជាយ៉ាងណាបានបង្កឱ្យមានការភ្ញាក់ផ្អើលដល់សមត្ថកិច្ច និងមន្ត្រីអគ្គិសនីខេត្តចុះមកពិនិត្យ
ព្រោងព្រាត ។
អ្នករងគ្រោះឈ្មោះ សុះ ម៉ៃ ភេទស្រី អាយុ៥៦ឆ្នាំ ជាខ្មែរអ៊ិស្លាមប្រាប់ឱ្យដឹងថា ចាប់តាំងពីពេលកកើតផ្សារបឹងកុកនេះមក គាត់បានប្រកបរបរលក់ត្រីរហូតមក មិនដែលជួបនឹងបញ្ហាអ្វីទេ ។ ដោយឡែក នៅព្រឹកថ្ងៃទី១៥ ខែឧសភា ខណៈគាត់កំពុងតែអង្គុយលក់ដូរសុខៗ ស្រាប់តែមានការភ្ញាក់ផ្អើលថា មានមនុស្សត្រូវខ្សែភ្លើងឆក់ គាត់ក៏ប្រញាប់ក្រោកដើរដោយជើងទទេ ចុះមកលើដីសើមបែកភក់តិចៗ ស្រាប់តែជើងម្ខាងទៀត ជាន់ចំលើថាសដែកដាក់ត្រីក៏ឆក់ជាប់ជើងទាញមិនរួច ។ ប៉ុន្តែបានអ្នកលក់បន្លែនៅគ្រែខាងមុខឃើញ ក៏ស្ទុះមកចាប់ទាញគាត់រួចផុតពីគ្រោះថ្នាក់ដល់អាយុជីវិត ។
ដំបូង គាត់មានអាការញ័រដៃញ័រជើង និងភ័យជាខ្លាំង តែក្រោយមកបានធូរស្រាលច្រើន ។ ទោះជាបែបណាក្តី ក៏គាត់នៅតែភ័យដែរ ព្រោះនេះជាលើកទី១ហើយចាប់តាំងពីលក់ដូរនៅផ្សារបឹងកុកមក ទើបជាជួបប្រទះ ។ចំណែកអាជីវករលក់សាច់ជ្រូកឈ្មោះ ម៉ៅ អេងឡាយ ភេទស្រី អាយុ៣៧ឆ្នាំ និយាយថាដំបូងគាត់ឃើញចរន្តអគ្គិសនីឆ្លងមកឆក់អ្នកលក់ត្រី លុះពេលអ្នកលក់មាន់ឈ្មោះ រុំ ឃើញភ័យក៏ស្ទុះក្រោកចេញពីគ្រែដែក ដោយឈានជើងជាន់ថាសដែកដាក់មាន់ ក៏បណ្តាលឱ្យឆក់ធ្ងន់ជាងអ្នកលក់ត្រីទៅទៀត ។ ប៉ុន្តែបានក្រុមអាជីវករនាំគ្នាជួយសង្គ្រោះទាន់ និងដឹកយកទៅមន្ទីរពេទ្យដោយទុកមាន់ចោលនៅក្នុងផ្សារ ។ រីឯរូបគាត់មិនបានឆក់ទេ ដោយសារបានអង្គុយលើក្រដាសឡាំងដាក់ទ្រាប់ពីលើគ្រែដែក ។
លោក ផ្លោក សុវណ្ណ ចៅសង្កាត់កំពង់ចាមមានប្រសាសន៍ថា អាជីវករនៅផ្សារបឹងកុកពិតជាមានអ្នកត្រូវខ្សែភ្លើងឆក់មែន ដោយសារមានអាជីវករម្នាក់តខ្សែភ្លើងខ្វះបច្ចេកទេស ហើយណាមួយគ្រែលក់ដូរជាគ្រែដែកទៀតទើបឆ្លងចរន្តបណ្តាលឱ្យឆក់បែបនេះ ។ នេះជាលើកទី១ ដែលកើតមានករណីបែបនេះកើតមាននៅផ្សារបឹងកុក ហើយខាងប៉ុស្តិ៍នគរបាលសង្កាត់កំពង់ចាម សហការជាមួយខាងអគ្គិសនីខេត្តស្រាវជ្រាវរកឃើញអ្នកតខ្សែភ្លើងដែលធ្វេសប្រហែសនោះ និងហៅមកអប់រំធ្វើកិច្ចសន្យាមិនឱ្យមានជាលើកទី២ទៀត ។ នៅថ្ងៃក្រោយបើត្រូវការតខ្សែភ្លើង ត្រូវតែរកអ្នកចេះតត្រឹមត្រូវឲ្យមកតដាក់តាមគ្រែលក់ដូរ ៕
ចែករំលែកព័តមាននេះ