រាជធានីភ្នំពេញ ៖ ស្ត្រីម្នាក់បើករថយន្តមួយគ្រឿងក្នុងល្បឿនលឿន លុះមកដល់ផ្លូវបំបែកជាបួនជ្រុលទៅបុកម៉ូតូមួយគ្រឿងបណ្តាលឱ្យដួល ហើយរថយន្តបង្កបានបើករត់គេចបាត់ស្រមោល បន្សល់ទុកស្លាកលេខរថយន្តនៅកន្លែងកើតហេតុ បង្កការភ្ញាក់ផ្អើលកាលពីវេលាម៉ោង១២នឹង៣០នាទីរំលងអាធ្រាត្រឈានចូលថ្ងៃទី១៦ ខែឧសភា ឆ្នាំ២០១៨ តាមបណ្តោយផ្លូវលេខ៦១កែងផ្លូវលេខ៩២…
រាជធានីភ្នំពេញ ៖ ស្ត្រីម្នាក់បើករថយន្តមួយគ្រឿងក្នុងល្បឿនលឿន លុះមកដល់ផ្លូវបំបែកជាបួនជ្រុលទៅបុកម៉ូតូមួយគ្រឿងបណ្តាលឱ្យដួល ហើយរថយន្តបង្កបានបើករត់គេចបាត់ស្រមោល បន្សល់ទុកស្លាកលេខរថយន្តនៅកន្លែងកើតហេតុ បង្កការភ្ញាក់ផ្អើលកាលពីវេលាម៉ោង១២នឹង៣០នាទីរំលងអាធ្រាត្រឈានចូលថ្ងៃទី១៦ ខែឧសភា ឆ្នាំ២០១៨ តាមបណ្តោយផ្លូវលេខ៦១កែងផ្លូវលេខ៩២ ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុ គេបានឃើញបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១២ឡើងស៊េរី២០១៤ បើកបរតាមបណ្តោយផ្លូវលេខ៦១ ក្នុងទិសដៅពីត្បូងទៅជើង ខណៈពេលបើកមកដល់ផ្លូវបំបែកជាបួនស្រាប់តែមានរថយន្តមួយគ្រឿងម៉ាកតូយ៉ាតាព្រូស ពណ៌ស្ករ ពាក់ស្លាកលេខ ភ្នំពេញ ២AT-២៣០៩ បើកបរដោយស្ត្រីម្នាក់តាមបណ្តោយផ្លូវលេខ៩២ ក្នុងទិសដៅពីកើតទៅលិចក្នុងល្បឿនយ៉ាងលឿនបានបុកម៉ូតូហុងដាឌ្រីមចំផ្នែកខាងស្តាំ បណ្តាលឱ្យដួល ហើយអ្នកបើកបររងរបួសរយះខ្នងក្រោយ ចំណែកឯម៉ូតូវិញខូចខាតវៀចហ្វ្រាំងខាងស្តាំ រីឯរថយន្តបង្កពេលបុករួចបានជាប់ស្លាកលេខនៅនឹងម៉ូតូ ហើយបើករថយន្តរត់គេចបាត់ស្រមោល ។
ក្រោយពេលកើតហេតុ ម្ចាស់ម៉ូតូរងគ្រោះបានទៅសម្រាកព្យាបាលនៅមន្ទីរពេទ្យ និងរៀបចំដាក់ពាក្យបណ្តឹងនៅអធិការដ្ឋានខណ្ឌដូនពេញដើម្បីអោយសមត្ថកិច្ចស្រាវជ្រាវតាមរករថយន្តបង្ក ៕
ចែករំលែកព័តមាននេះ