ខឹងប្រពន្ធកាន់ជើងកូន យកផួយចង.កសម្លា.ប់ខ្លួននៅដើមព្រីង
- កំពង់ធំ
ខេត្តកំពង់ធំ ៖ នាព្រឹកថ្ងៃទី១៥ ខែឧសភា ឆ្នាំ២០១៨ ស្ថិតនៅចំណុចដីខ្មៅមួយកន្លែង ក្នុងភូមិតាមិញ ឃុំក្រយា ស្រុកសន្ទុក ខេត្តកំពង់ធំ…
ខេត្តកំពង់ធំ ៖ នាព្រឹកថ្ងៃទី១៥ ខែឧសភា ឆ្នាំ២០១៨ ស្ថិតនៅចំណុចដីខ្មៅមួយកន្លែង ក្នុងភូមិតាមិញ ឃុំក្រយា ស្រុកសន្ទុក ខេត្តកំពង់ធំ មានបុរសម្នាក់ចងកសម្លាប់ខ្លួន បានបង្ករឲ្យមានការភ្ញាក់ផ្អើលដល់ ប្រជាពលរដ្ឋក្បែរខាង និងសមត្ថកិច្ច។ តាមសម្ដីសម្ថកិច្ចបានឲ្យដឹងថា សាកសពជនរងគ្រោះ ឈ្មោះ ងិន ម៉ុន ភេទប្រុស អាយុ៣២ឆ្នាំ ឆ្នាំជនជាតិខ្មែរ មុខរបរកសិករ រស់នៅភូមិកើតហេតុខាងលើ។
បើយោងតាមការឱ្យដឹងពីស្ត្រីជាប្រពន្ធជនរងគ្រោះឈ្មោះ យ៉ាវ ថាន អាយុ៤០ឆ្នាំ បានបញ្ជាក់ថា ប្តីរបស់គាត់ឲ្យតែផឹកស្រាស្រវឹងម្តងតែងតែរករឿងកូនប្រពន្ធរហូត ជាក់ស្តែងកាលពីយប់ថ្ងៃ១៤ ខែឧសភា ឆ្នាំ២០១៨ ប្តីរបស់គាត់បានឈ្លោះជាមួយនឹងកូនប្រុសរបស់គាត់(កូនចុង) ឈ្មោះ យេន ថាល់ ភេទប្រុស អាយុ១៤ឆ្នាំ ដោយមូលហេតុខឹងនឹងកូនយកម៉ូតូជិះទៅដេញគោយូរ ដោយខ្លាចខូចម៉ូតូ ពេលកូនមកដល់ផ្ទះវិញរករឿងវាយកូន តែត្រូវបានគាត់ជួយឃាត់មិនឲ្យឈ្លោះ ហើយប្តីគាត់រកបោកចានឆ្នាំង និងកង្ហាចោល តែត្រូវបានអ្នកជិតខាងមកជួយឃាត់។
ក្រោយពេលកើតហេតុប្តីគាត់អត់ចូលដេកក្នុងផ្ទះទេ ហើយរូបគាត់ក៏បានទៅដេកផ្ទះម្តាយក្មេក លុះព្រឹកឡើងថ្ងៃទី១៥ ឧសភា ២០១៨នេះ ស្រាប់តែបងថ្លៃគាត់ឈ្មោះ ម៉ាញ សូន ភេទស្រី អាយុ៤៥ឆ្នាំ រត់មកប្រាប់គាត់ថា មានគេប្រទះឃើញប្តីប្អូនឯងបានយកផួយចងកនឹងដើមព្រីងស្លាប់បាត់ហើយ។ ក៏មានការភ្ញាក់ផ្អើលដល់អ្នកជិតខាងបាននាំគ្នាទៅមើល ឃើញស្លាប់ក៏នាំគ្នាឡើងស្រាយផួយដែលចងក ហើយយកសាកសពមកតម្កល់នៅផ្ទះរបស់គាត់។ ក្រោយមកកម្លាំងជំនាញ និងប៉ុស្តិ៍បានចូលរួមពិនិត្យសព មិនឃើញមានស្លាកស្នាមអ្វីផ្សេងនោះទេ ជនរងគ្រោះពិតជាស្លាប់ដោយចងកធ្វើខ្លួនឯងប្រាកដមែន បន្ទាប់ពីពិនិត្យរួចសពត្រូវបានប្រគល់ឱ្យក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ