ខេត្តកំពង់ចាម ៖ ព្រះពិរុណបានបង្អុរមួយមេនៅវេលាទៀបភ្លឺ ឈានចូលព្រឹកថ្ងៃទី១៥ ឧសភា ២០១៨ ដោយនៅក្នុងបរិវេណផ្សារបឹងកុក ក្រុងកំពង់ចាម មានបែកភក់ថែមទៀតផង។ ដោយសារតែការតខ្សែ…
ខេត្តកំពង់ចាម ៖ ព្រះពិរុណបានបង្អុរមួយមេនៅវេលាទៀបភ្លឺ ឈានចូលព្រឹកថ្ងៃទី១៥ ឧសភា ២០១៨
ដោយនៅក្នុងបរិវេណផ្សារបឹងកុក ក្រុងកំពង់ចាម មានបែកភក់ថែមទៀតផង។ ដោយសារតែការតខ្សែ
ភ្លើងខ្វះបទដ្ឋានបច្ចេកទេសសម្រាប់ប្រើប្រាស់តាមគ្រែលក់ដូរ ដែលជាហេតុបង្កឲ្យឆ្លងចរន្តឆក់អាជីវ
ករលក់ដូរចំនួន២នាក់ នៅវេលាម៉ោង១០ និង៣០ព្រឹក តែមិនបានគ្រោះថ្នាក់ដល់អាយុជីវិតនោះទេ ដោយសារតែក្រុមអាជីវករក្លាហានបាននាំគ្នាសង្គ្រោះអ្នកឆក់ ហើយបង្កឲ្យមានការភ្ញាក់ផ្អើល ដល់សមត្ថកិច្ច និងមន្ត្រីអគ្គីសនីខេត្ត នាំគ្នាចុះមកពិនិត្យផងដែរ។ អ្នករងគ្រោះឈ្មោះ សុះ ម៉ៃ ភេទស្រី អាយុ៥៦ឆ្នាំ ជាខ្មែរឥស្លាម ប្រាប់ឲ្យដឹងថា ចាប់តាំងពីពេលដែលកកើតផ្សារបឹងកុកនេះមកគាត់បាន ប្រកបរបរលក់ត្រីរហូត ដើម្បីដោះស្រាយជីវភាពគ្រួសារដោយមិនដែលជួបនឹងបញ្ហារអ្វីមកលើរូបគាត់ដែរ ។
អ្នករងគ្រោះរូបនេះប្រាប់បន្តថា ស្រាប់តែមកដល់ព្រឹកថ្ងៃទី១៥ ឧសភា ២០១៨ ស្របពេលដែលគាត់កំពុងតែអង្គុយលក់ដូរសុខៗ ស្រាប់តែមានការភ្ញាក់ផ្អើលថាមានមនុស្សឆក់ខ្សែភ្លើងនោះគាត់ក៏បានប្រញាប់ក្រោកដោយឈានជើងទទេ មិនបានពាក់ស្បែកជើងចុះមកលើដីសើមបែកភក់តិចៗ ស្រាប់តែជើងម្ខាងទៀតជាន់លើថាសដែកដាក់ត្រីនោះ ក៏ឆក់ជាប់ជើងទាញមិនរួចសោះ។ តែសំណាងបានអ្នកលក់បន្លែនៅគ្រែខាងមុខឃើញបែបនេះ ក៏ស្ទុះមកចាប់ទាញផុតពីគ្រោះថ្នាកដល់អាយុជីវិត ដំបូងគាត់មានអាការៈញ័រដៃជើង និងភ័យជាខ្លាំង តែក្រោយមកបានធូរស្រាលច្រើន ទោះជាបែបណាក្តីក៏នូវតែភ័យព្រោះនេះជាលើកទី១ហើយចាប់តាំងពីលក់ដូរនៅផ្សារបឹងកុកទើបជាជួបប្រទះ។ អាជីវករលក់សាច់ជ្រូក ឈ្មោះ ម៉ៅ អេងឡាយ ភេទស្រី អាយុ៣៧ឆ្នាំ ប្រាប់ថា ដំបូងគាត់បានឃើញចរន្តអគ្គីសនីឆ្លងមកឆក់ អ្នកលក់ត្រី លុះពេលដែលអ្នកលក់មាន់ឈ្មោះ រុំ ឃើញភ័យក៏ស្ទុះក្រោកចេញពីគ្រែដែកដោយបានឈាន ជើងជាន់ថាសដែកដាក់មាន់ ក៏បណ្តាលឲ្យឆក់ដែលមានលក្ខណៈរាងធ្ងន់ជាងអ្នកលក់ត្រី តែសំណាង បានក្រុមអាជីវករលក់ដូរក្លាហាន នាំគ្នាសង្គ្រោះទាន់ពេល និងបានដឹកយកទៅសង្គ្រោះនៅមន្ទីរពេទ្យ ដោយទុកមាន់ចោលនៅកន្លែងសិន។
គាត់វិញមិនបានឆក់ទេដោយសារតែ បានអង្គុយលើក្រដាសឡាំង ទ្រាប់ដាក់ពីលើគ្រែដែក។ លោក ផ្លោក សុវណ្ណ ចៅសង្កាត់កំពង់ចាម មានប្រសាសន៍ឲ្យដឹងដែរថា អាជីវករលក់នៅនៅផ្សារបឹងកុកពិតជាត្រូវបានខ្សែភ្លើងឆក់មែន ដោយសារតែមានអាជីវករម្នាក់ ដែលបានតខ្សែភ្លើងខ្វះបច្ចេកទេស ហើយណាមួយគ្រែលក់ដូរជាគ្រែដែកទៀតទើបឆ្លងចរន្ត បណ្តាលឲ្យឆកបែបនេះតែម្តង។ នេះជាលើកទី១ទើបតែកើកមានឡើងនៅផ្សារបឹងកុក ជាមួយនោះប៉ុស្ត៏រដ្ឋបាលសង្កាត់កំពង់ចាមសហការណ៍ជាមួយនឹងអគ្គីសនីខេត្ត ស្រាវជ្រាវរកឃើញអ្នកតខ្សែភ្លើង ដែលធ្វេសប្រហែសនោះ ដោយបានហៅអាជីវករ៣នាក់មកអប់រំ ធ្វើកិច្ចសន្យាមិនមានឲ្យមានជាលើកទី២ទៀត។ ហើយថ្ងៃក្រោយបើត្រូវការតភ្លើងត្រូវតែរកជាងតភ្លើង ឲ្យមកតដាក់តាមគ្រែលក់ដូរឲ្យបានត្រឹមត្រូវកុំខ្ជះខ្ជាយបន្តទៀត៕
https://youtu.be/b9Z7c_Ekspc
ចែករំលែកព័តមាននេះ