ខេត្តកណ្ដាល ៖ ទំនាស់ដីធ្លីជាង៧ហិកតារវាងប្រជាពលរដ្ឋនៅសហគមន៍ភូមិស្ទឹងជ្រៅ សង្កាត់ដើមមៀន ក្រុងតាខ្មៅ ជាមួយក្រុមហ៊ុន iNG រយៈពេលជាង២ ឆ្នាំមកហើយ មកដល់ពេលនេះបើទោះបីប្រជាជនខិតខំស្វះស្វែងរកអន្តរាគន៍ពីអាជ្ញាធរច្រើនលើកច្រើនសារ…
ខេត្តកណ្ដាល ៖ ទំនាស់ដីធ្លីជាង៧ហិកតារវាងប្រជាពលរដ្ឋនៅសហគមន៍ភូមិស្ទឹងជ្រៅ សង្កាត់ដើមមៀន ក្រុងតាខ្មៅ ជាមួយក្រុមហ៊ុន iNG រយៈពេលជាង២ ឆ្នាំមកហើយ មកដល់ពេលនេះបើទោះបីប្រជាជនខិតខំស្វះស្វែងរកអន្តរាគន៍ពីអាជ្ញាធរច្រើនលើកច្រើនសារ និងស្ថាប័នផ្សេងៗក៏នៅតែគ្មានដំណោះស្រាយទេ ។
នៅព្រឹកថ្ងៃទី១៥ ឧសភា ប្រជាជននៅភូមិស្ទឹងជ្រៅបានសំណូមពរដល់អ្នកសារព័ត៌មានជួយចុះផ្សាយពីបញ្ហាទំនាស់ដីធ្លីនេះបន្តទៀត ប្រយោជន៍ជាដំណឹងដល់អាជ្ញាធរ និងរដ្ឋាភិបាល ឲ្យបានជ្រាបផង ។
លោកហូរ សុខហេង តំណាងប្រជាពលរដ្ឋ សហគមន៍ ភូមិស្ទឹងជ្រៅបានប្រាប់ឱ្យដឹងថា ទំនាស់ដីធ្លីដ៏រាំរ៉ៃ ដែលអ្នកភូមិចោទក្រុមហ៊ុន ING របស់លោកឧកញ៉ា អ៊ឹង ប៊ុនហ៊ូវ ថា រំលោភយកដីសហគមន៍ ភូមិស្ទឹងជ្រៅ ជាង៧ហិកតានៅចំណុចបឹងជីភោ ដែលប្រជាជនមិនទាន់បានលក់ឲ្យក្រុមហ៊ុនទេ ដែលមានទីតាំងបច្ចុប្បន្ននៅខាងកើតជាប់មហាវិថី សម្ដេចហ៊ុនសែន ៦០ម៉ែត្រ ដែលមានប្រជាពលរដ្ឋ ៣៥០គ្រួសារ បានកាន់កាប់ និងអាស្រ័យផលតាំងពីឆ្នាំ១៩៨០មក ដោយប្រជាពលរដ្ឋនៅសហគមន៍ភូមិស្ទឹងជ្រៅ បានទៅដាំដុះព្រលឹត ត្រកួន កញ្ឆែត និងនេសាទត្រី នៅទីនោះជាលក្ខណៈគ្រួសារ ។
លោកបានបញ្ជាក់ឱ្យដឹងបន្ថែមទៀតថា ក្រុមហ៊ុនING បានប្រមូលទិញដីប្រជាជនដែលកាន់កាប់ស្របច្បាប់នៅជិតដីមានទំនាស់នោះបានមួយចំនួន ហើយបន្ទាប់មកទៀតក៏បានបោះព្រំ ព័ទ្ធ រំលោភយកដីបឹងជីភោរបស់សហគមន៍ ភូមិស្ទឹង ជ្រៅ ដែលនៅសល់ មិនទាន់លក់ ទំហ៊ំ ៧៤ ១៥៣ម៉ែត្រការ៉េ ក្នុងអំឡុងឆ្នាំ២០១៥ ៕
ព័ត៌មានពឹស្តារនឹងផ្សាយជូននៅលើកាសែតកោះសន្តិភាព ។
ចែករំលែកព័តមាននេះ