តាមប្រភពពីសារព័ត៌មាន Reuters កាលពីពេលថ្មីៗកន្លងមកផ្សាយថា សារមន្ទីរសាដាមទូសសូ(Madame Tussauds) ដ៏ល្បីរបស់អង់គ្លេសបានបង្ហាញរូបក្រមួនរបស់នាង Meghan Markle តារាសម្តែងហូលីវូដ អាយុ៣៦ឆ្នាំ កាលពីថ្ងៃទី៩ ខែឧសភា ឆ្នាំ២០១៨ ឬរយៈពេល១០ថ្ងៃមុនពេលរៀបអភិសេកជាមួយព្រះអង្គម្ចាស់ហែរី នៃរាជវង្សអង់គ្លេស ។
រូបក្រមួននោះស្ថិតនៅក្នុងឈុតដ្រេសបៃតង ឈុតតែមួយដែលនាងបានប្រើនៅក្នុងពិធីភ្ជាប់ពាក្យ ជាមួយព្រះអង្គម្ចាស់ហែរី ហើយនៅម្រាមដៃនាងខាងឆ្វេងមានពាក់ចិញ្ចៀនភ្ជាប់ពាក្ យ។ រូបក្រមួនរបស់នាងម៉ាឃើលបានដាក់ឈរនៅក្បែររូបក្រមួនរបស់ព្រះអង្គម្ចាស់ហែរី ដោយមានការតុបតែងពុកមាត់ផងដែរ ។
សារមន្ទីរនោះបានបើកឲ្យពលរដ្ឋចូលទស្សនានៅមុនពេលពិធីរៀបអភិសេកនឹងកើតឡើងនាពេលដ៏ខ្លីខាងមុខ ហើយអ្វីដែលពិសេសជាងនេះគឺរូបក្រមួនមានលក្ខណៈដូចរូបពិត ។ ព្រះអង្គម្ចាស់ហែរីមានព្រះជន្ម៣៣ព្រះវស្សា នឹងរៀបអភិសេកជាមួយនាងម៉ាឃើលតារាសម្តែងហូលីវូដ នៅថ្ងៃទី១៩ ខែឧសភា ឆ្នាំ២០១៨ ៕
ចែករំលែកព័តមាននេះ