រាជធានីភ្នំពេញ ៖ លោក Doug Ericksen សមាជិកព្រឹទ្ធសភាសហរដ្ឋអាមេរិកបានប្រកាសគាំទ្រ និងជូនពរដល់ចំពោះ ដំណើរបោះឆ្នោតជ្រើសតាំងសមាជិករដ្ឋសភាអាណត្តិទី៦ ទទួលបានជោគជ័យ និងកំពុងរកពេលវេលាសមស្រប ដើម្បីបញ្ជូនអ្នកសង្កេតការណ៍មកសង្កេតការណ៍បោះឆ្នោតនៅកម្ពុជា ។
ការប្រកាសគាំទ្ររបស់សមាជិកព្រឹទ្ធសភាអាមេរិកនេះធ្វើក្នុងជំនួបសវនាការ និងសម្តែងការគួរសមជាមួយសម្តេច វិបុលភក្តីសាយ ឈុំ ប្រធានព្រឹទ្ធសភា ខណៈដែលដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា ។
ក្នុងពិភាក្សានាព្រឹកថ្ងៃទី០៧ ខែឧសភា ឆ្នាំ២០១៨ នៅវិមានព្រឹទ្ធសភាក្នុងនាមព្រឹទ្ធសភា និងប្រជាជនកម្ពុជា សម្តេចវិបុលសេនាភក្តីសាយ ឈុំ បានសម្តែងនូវការស្វាគមន៍ដ៏កក់ក្តៅបំផុត ចំពោះឯកឧត្តមសមាជិកព្រឹទ្ធស ភារដ្ឋវ៉ាស៊ីនតោន និងគណៈប្រតិភូដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជាដូចជា ការនាំ មកនូវការពង្រឹងនូវទំនាក់ទំនងមិត្តភាព និងកិច្ចសហប្រតិបត្តិការរវាងប្រជាជនក៏ដូចជា អង្គការនីតិប្បញ្ញត្តិ នៃប្រទេសទាំងពីរ ។
ចំណែកលោក Doug Ericksen សមាជិកព្រឹទ្ធសភា រដ្ឋវ៉ាស៊ីនតោនបានថ្លែងអំណរគុណដ៏ជ្រាវជ្រៅចំពោះសម្តេចប្រធានព្រឹទ្ធសភា ដែលបានទទួលជួបសវនាការនាឱកាសនេះ និងបានវាយតម្លៃខ្ពស់ចំពោះការរីកចម្រើនដ៏ឆាប់រហ័ស របស់ព្រះរាជាណាចក្រកម្ពុជា ជាពិសេសការធានាបានសន្តិភាព ស្ថិរភាព គឺជាមូលដ្ឋានដ៏សំខាន់ក្នុងការពង្រឹង វិបុលភាពនៅព្រះរាជាណាចក្រកម្ពុជា ។
លោកសមាជិកព្រឹទ្ធសភា រដ្ឋវ៉ាស៊ីនតោនបានគាំទ្រ និងជូនពរដល់ដំណើរការបោះឆ្នោតជ្រើសរើសតំណាងរាស្ត្រ នីតិកាលទី៦ ដែលនឹងប្រព្រឹត្តទៅនាខែកក្កដា ឆ្នាំ២០១៨ ខាងមុខនេះឱ្យទទួលបានជោគជ័យ ។ ឯកឧត្តមបា នបញ្ជាក់ច្បាស់អំពីជំហរក្នុងការឲ្យតម្លៃខ្ពស់លើឯករាជ្យ និងអធិបតេយ្យរបស់កម្ពុជាក្នុងការអភិវឌ្ឍប្រទេស ។
លោកក៏បានជម្រាបជូនសម្តេចប្រធានព្រឹទ្ធសភាថា កាលពីចុងសប្តាហ៍កន្លងទៅនេះគណៈប្រតិភូបានជួបពិភាក្សាការងារជាមួយនឹងមន្ត្រីជាន់ខ្ពស់នៃរាជរដ្ឋាភិបាលកម្ពុជាក្នុងនោះគណៈប្រតិភូត្រូវបានអញ្ជើញឱ្យមកសង្កេតការ ណ៍បោះឆ្នោតជ្រើសរើសតំណាងរាស្ត្រនីតិកាលទី៦ នៅព្រះរាជាណាចក្រកម្ពុជា ហើយគណៈប្រតិភូនឹងពិនិត្យពេលវេលាសមស្រប ដើម្បីចូលរួមក្នុងការសង្កេតការណ៍បោះឆ្នោតនេះ ។
នៅក្នុងត្រីមាសទី១ដើមឆ្នាំ២០១៨នេះវិស័យសេដ្ឋកិច្ចរបស់ប្រទេសកម្ពុជានៅតែមានកំណើនល្អដែលអាចជាសេចក្តីសង្ឃឹមថា នៅឆ្នាំ២០១៨នេះ កំណើនសេដ្ឋកិច្ចនៅកម្ពុជាអាចនឹងរក្សាបានក្នុងវង្វង់៧%តទៅទៀត ។
សម្តេចប្រធានព្រឹទ្ធសភាបានថ្លែងអំណរគុណចំពោះឯកឧត្តមប្រធានគណៈប្រតិភូដែលបានជូនពរឲ្យការបោះឆ្នោតជ្រើសរើសតំណាងរាស្ត្រអាណត្តិទី៦សម្រេចដោយជោគជ័យ ។ រាជរដ្ឋាភិបាលបានខំតខំថែរក្សាសន្តិភាព ស្ថេរភាពសន្តិសុខ និងសណ្តាប់ធ្នាប់សង្គម ដើម្បីបង្កលក្ខណៈឲ្យគណៈកម្មាធិការជាតិរៀបចំការបោះឆ្នោត ដំណើរការរៀបចំការបោះឆ្នោតទាំងមូលក្នុងបរិយាកាសសន្តិភាព គ្មានអំពើហិង្សាមានលក្ខណៈស៊េរី និងយុត្តិធម៌ដែលទាំងអស់គ្នាអាចទទួលយកបាន។
បើតាមលោកម៉ម ប៊ុននាង អ្នកនាំពាក្យព្រឹទ្ធសភាបានឲ្យដឹងថា ក្នុងជំនួបនោះសមាជិកព្រឹទ្ធសភាបានសម្តែងការ ជឿជាក់ថា គណបក្សប្រជាជនកម្ពុជាអាចនឹងបន្តការឈ្នះក្នុងការបោះឆ្នោតនៅពេលខាងមុខនេះបន្ទទៀត ។
អ្នកនាំពាក្យព្រឹទ្ធសភាបានបញ្ជាក់ថា នៅក្នុងនោះគណៈប្រតិភូសមាជិកព្រឹទ្ធសភាសហរដ្ឋអាមេរិកក៏បានចាប់ អារម្មណ៍ខ្ពស់លើវិស័យការបោះឆ្នោតនៅថ្ងៃទី២៩ ខែកក្កដាខាងមុខនេះ ។ គណៈប្រតិភូសន្យាថា នឹងមកចូលរួម សង្កេតការណ៍ការក្នុងការបោះឆ្នោតនេះផងដែរ ហើយសង្ឃឹមថា គណៈកម្មាធិការជាតិរៀបចំការបោះឆ្នោតនឹងរៀបចំ ការបោះឆ្នោតប្រកបដោយភាពសេរី យុត្តិធម៌ ដើម្បីជួយដល់ប្រជាពលរដ្ឋឲ្យទទួលបានភាពយុត្តិធម៌ ។ សេចក្តីសង្ឃឹម របស់គណៈប្រតិភូ គឺថា គណបក្សកាន់អំណាចនឹងទទួលបានជ័យជម្នះ ។ ការរំពឹងទុកនេះ គឺដោយសារលោកឃើញ ភាពដឹកនាំរបស់រាជដ្ឋាភិបាលដែលជាគណបក្សកាន់អំណាចមានការ អភិវឌ្ឍន៍យ៉ាងឆាប់រហ័ស និងកំណើនសេដ្ឋកិច្ច មានការកើនឡើង ។
ជាមួយគ្នានេះគណៈប្រតិភូព្រឹទ្ធសភាសហរដ្ឋអាមេរិកនឹងជំរុញធ្វើពាណិជ្ជកម្ម និងធ្វើវិនិយោគឲ្យបានកាន់តែច្រើនមក កម្ពុជា ៕
ចែករំលែកព័តមាននេះ