ប្រទេសកូរ៉េខាងជើង ៖ របាយការណ៍មួយរបស់ក្រសួងបង្រួបបង្រួមកូរ៉េខាងត្បូងបង្ហាញនាថ្ងៃទី៦ ឧសភាថា ការកាប់បំផ្លាញព្រៃឈើនៅកូរ៉េខាងជើងមានការកើនឡើងរយៈពេលប៉ុន្មានទសវត្សចុងក្រោយនេះ ខណៈដែលវិស័យព្រៃឈើត្រូវបានជ្រើសរើសជាផ្នែកអាទិភាពនៃសហប្រតិបត្តិការអន្តរកូរ៉េ ក្រោយសេចក្ដីថ្លែងការណ៍ប៉ានមុនហ្សូមអនុម័ត បន្ទាប់ពីការជួបគ្នាកំពូលរវាងប្រធានាធិបតីលោក MOON JAE…
ប្រទេសកូរ៉េខាងជើង ៖ របាយការណ៍មួយរបស់ក្រសួងបង្រួបបង្រួមកូរ៉េខាងត្បូងបង្ហាញនាថ្ងៃទី៦ ឧសភាថា ការកាប់បំផ្លាញព្រៃឈើនៅកូរ៉េខាងជើងមានការកើនឡើងរយៈពេលប៉ុន្មានទសវត្សចុងក្រោយនេះ ខណៈដែលវិស័យព្រៃឈើត្រូវបានជ្រើសរើសជាផ្នែកអាទិភាពនៃសហប្រតិបត្តិការអន្តរកូរ៉េ ក្រោយសេចក្ដីថ្លែងការណ៍ប៉ានមុនហ្សូមអនុម័ត បន្ទាប់ពីការជួបគ្នាកំពូលរវាងប្រធានាធិបតីលោក MOON JAE IN និងមេដឹកនាំកូរ៉េខាងជើង លោកគីម ជុងអ៊ុន កាលពីថ្ងៃទី២៧ មេសា។
យោងតាមរបាយការណ៍ថា ផ្ទៃដីព្រៃឈើនៅកូរ៉េខាងជើងត្រូវបានប៉ាន់ប្រមាណថា មានទំហំ8,99លានហិកតា ក្នុងឆ្នាំ២០០៨ គឺ៧៣% នៃផ្ទៃដីសរុបរបស់ប្រទេស។ បែបនេះមានន័យថា ព្រៃឈើ2,84លានហិកតារងការបំផ្លាញ។
ក្រសួងបង្រួបបង្រួមកូរ៉េខាងត្បូង ដោយដកស្រង់បណ្ដាទិន្នន័យឆ្នាំ២០១១ របស់ក្រុមហ៊ុនអង់គ្លេស MAPLECROFT រំលឹកថា កូរ៉េខាងជើង ជាប្រទេសទី៣ រងការបំផ្លាញព្រៃឈើធ្ងន់ធ្ងរជាងគេលើពិភពលោក បន្ទាប់ពីនីហ្សេរីយ៉ានិងឥណ្ឌូណេស៊ី។
ចាប់តាំងពីលោកគីម ជុងអ៊ុន ឡើងកាន់អំណាចមក របបកុំមុយនីស្តកូរ៉េខាងជើងផ្ដល់សារសំខាន់ដ៏ធំដលការដាំដើមឈើឡើងវិញក្នុងប្រទេស៕
ចែករំលែកព័តមាននេះ