សហរដ្ឋអាមេរិក ៖ យន្តហោះយោធាអាមេរិក១គ្រឿងបានធ្លាក់ឆេះកាលពីថ្ងៃទី២ ឧសភា លើផ្លូវថ្នល់មួយនៅជិតព្រលានយន្តហោះ SAVANNAH រដ្ឋចចជៀជាកន្លែងដែលវាទើបហោះចេញ។លើយន្តហោះនេះមានមនុស្ស៩នាក់ប្រហែលជាស្លាប់អស់ហើយទោះបីតុល្យការផ្លូវការដំបូងរៀបរាប់ពីមនុស្សស្លាប់៥នាក់ក្ដី ។ លោកមេបញ្ជាការ PAUL…
សហរដ្ឋអាមេរិក ៖ យន្តហោះយោធាអាមេរិក១គ្រឿងបានធ្លាក់ឆេះកាលពីថ្ងៃទី២ ឧសភា លើផ្លូវថ្នល់មួយនៅជិតព្រលានយន្តហោះ SAVANNAH រដ្ឋចចជៀជាកន្លែងដែលវាទើបហោះចេញ។លើយន្តហោះនេះមានមនុស្ស៩នាក់ប្រហែលជាស្លាប់អស់ហើយទោះបីតុល្យការផ្លូវការដំបូងរៀបរាប់ពីមនុស្សស្លាប់៥នាក់ក្ដី ។
លោកមេបញ្ជាការ PAUL DAHLEN នៃកងទ័ពអាកាសអាមេរិកគូសបញ្ជាក់ថា យើងអះអាងពីមនុស្ស៩នាក់ជិះក្នុងយន្តហោះក្នុងនោះមានសមាជិកក្រុមយានិក៥នាក់និងអ្នកដំណើរ៤នាក់ ។
អ្នកទាំងនេះសុទ្ធតែជាសមាជិកកងឆ្មាំជាតិព័រតូរីកូ ។ លោកពុំទាន់អះអាងថាអ្នកទាំងនេះស្លាប់អស់ឡើយដោយលោកថាបណ្ដារូបភាពនៃយន្តហោះធ្លាក់ឆេះបញ្ជាក់ច្បាស់ថាពិតជាពុំមានមនុស្សណាអាចនៅរស់ទេ ។ តាមរូបភាពបង្ហាញយន្តហោះឆេះអស់សល់តែកន្ទុយ ។ យន្តហោះជួបគ្រោះថ្នាក់ជាយន្តហោះដឹកជញ្ជូនយោធាធុន HERCULES ។ យន្តហោះនេះត្រូវហោះទៅកាន់ទីក្រុងTUCSON រដ្អអារីហ្សូនណា ហើយយកទៅប្រគល់ឲ្យក្រុមថែរក្សាមូលដ្ឋានអាកាសចរណ៍ DAVIS MONTHAN ជាអ្នកគ្រប់គ្រងទីលានចោលខ្មោចយន្តហោះរបស់កងទ័ពអាកាសអាមេរិក។ក្រោយការប្រើប្រាស់៥០ឆ្នាំវាដល់ពេលយកទៅចោលនៅទីនោះ ៕
ចែករំលែកព័តមាននេះ