ខេត្តកំពត ៖ មានករណីគ្រោះថ្នាក់ចរាចរណ៍មួយបានកើតឡើង ដោយសារតែខ្វះការប្រុងប្រយ័ត្ន ម្ចាស់រថយន្តដឹកទំនិញមួយគ្រឿងបានចតរថយន្តចងតង់គ្របទំនិញលើរថយន្តពេលមេឃកំពុងភ្លៀង ពេលបោះខ្សែចងតង់ស្រាប់តែម៉ូតូសង់កូរ៉េឌុបគ្នាពីរ នាក់ប្តីប្រពន្ធមានផ្ទុកសម្ភារមួយបាវផងមកដល់ ក៏ទាក់ចង្កូតបណ្តាលឲ្យដួលទាំងកំរោលនៅលើផ្លូវជាតិលេខ៣៣ កាលពីវេលាម៉ោង១០ និង១៥នាទីព្រឹក…
ខេត្តកំពត ៖ មានករណីគ្រោះថ្នាក់ចរាចរណ៍មួយបានកើតឡើង ដោយសារតែខ្វះការប្រុងប្រយ័ត្ន ម្ចាស់រថយន្តដឹកទំនិញមួយគ្រឿងបានចតរថយន្តចងតង់គ្របទំនិញលើរថយន្តពេលមេឃកំពុងភ្លៀង ពេលបោះខ្សែចងតង់ស្រាប់តែម៉ូតូសង់កូរ៉េឌុបគ្នាពីរ នាក់ប្តីប្រពន្ធមានផ្ទុកសម្ភារមួយបាវផងមកដល់ ក៏ទាក់ចង្កូតបណ្តាលឲ្យដួលទាំងកំរោលនៅលើផ្លូវជាតិលេខ៣៣ កាលពីវេលាម៉ោង១០ និង១៥នាទីព្រឹក ថ្ងៃទី៣០ ខែមេសា ឆ្នាំ ២០១៨ ស្ថិតក្នុងភូមិកោះក្លូត ឃុំកំពង់ត្រាចខាងកើត ស្រុកកំពង់ត្រាច ខេត្តកំពត។ ករណីគ្រោះថ្នាក់ខាងលើបានបង្កឡើងរវាងរថយន្តដឹកទំនិញចាប់ហួយ និងម៉ូតូដឹកទំនិញដាក់ក្នុងបាវ មួយគ្រឿង។ សាក្សីនៅកន្លែងកើតហេតុបានឲ្យដឹងថា មុនពេលកើតហេតុមេឃមានភ្លៀងធ្លាក់ ពេលនោះមានរថយន្តកូរ៉េមួយគ្រឿងដឹកទំនិញចាប់ហួយពេញទ្រុង បានឈប់នៅលើចិញ្ចើមផ្លូវ ដើម្បីលាតង់គ្របទំនិញកុំឲ្យភ្លៀងទទឹក។ នៅពេលម្ចាស់រថយន្តកំពុងបោះខ្សែចងតង់ដែលគ្របលើ រថយន្តនោះ ក៏ស្រាប់តែមានម៉ូតូដឹកអីវ៉ាន់មួយបាវ និងដឹកប្រពន្ធពីក្រោយបានមកដល់។
ស្របពេលនោះក៏បានទាក់ខ្សែនឹងចង្កូតម៉ូតូបណ្តាលឲ្យដួលច្រងាប់ច្រងិលលើថ្នល់ទាំងពីរនាក់ប្តីប្រពន្ធរងរបួសទាំងពីរនាក់ ប៉ុន្តែមិនបណ្តាលឲ្យធ្ងន់ធ្ងរប៉ុន្មាននោះទេ។ ប្រភពដដែលឲ្យដឹងទៀតថា រថយន្តកូរ៉េដឹកទំនិញនោះ ពាក់ស្លាកលេខ ភ្នំពេញ 2M-4207 ចំណែកម៉ូតូម៉ាកសង់កូរ៉េពណ៌ក្រហម ពាក់ស្លាកលេខ កំពត 1A-7057 អ្នកបើកបរឈ្មោះ គា រស់ ភេទប្រុស អាយុ៥៥ឆ្នាំ(ជាប្តី) ប្រពន្ធឈ្មោះ មាន ណៃ អាយុ៤៥ឆ្នាំ អ្នកបើកបររថយន្តពុំត្រូវបានគេស្គាល់ឈ្មោះនោះទេ មានអាយុជាង៣០ឆ្នាំ។ សមត្ថកិច្ចចរាចរណ៍ស្រុកកំពង់ត្រាចបានឲ្យដឹងថា ភាគីទាំងពីររវាងជនរងគ្រោះ និងម្ចាស់រថយន្ត ក្រោយពីមានហេតុការណ៍ខាងម្ចាស់រថយន្តបានជួយយកជនរងគ្រោះទៅមណ្ឌលសុខភាពស្រុកកំពង់ត្រាច ដើម្បីលាងរបួស និងឲ្យគ្រូពេទ្យថតមើលក្រែងមានប៉ះពាល់ដល់ឆ្អឹងធ្ងន់ធ្ងរ។
ប៉ុន្តែក្រោយពីគ្រូពេទ្យ ពិនិត្យទៅឃើញថា របួសមិនប៉ះពាល់អ្វីធ្ងន់ធ្ងរទាំងពីរនាក់ ទើបភាគីទាំងពីរបានចរចាសម្របសម្រួលគ្នា ដោយភាគីខាងម្ចាស់រថយន្តទទួលធានាជួយថ្លៃព្យាបាល និងជួយជួសជុលម៉ូតូសងជនរងគ្រោះវិញ ទើបភាគីទាំងពីរមិនរំខានដល់សមត្ថកិច្ចនោះទេ ហើយសមត្ថកិច្ចក៏មិនបានដកស្រង់ឈ្មោះនិងអត្តសញ្ញាណពីភាគីទាំងពីរនោះដែរ។ គួររំលឹកថា ៖ ទោះបីករណីដែលកើតឡើងខាងលើ មិនមានគ្រោះថ្នាក់ធ្ងន់ធ្ងរក៏ដោយ ក៏ជាសារមួយដែលបងប្អូនអ្នកបើកបរទាំងឡាយ ដែលបើកបរលើផ្លូវ សារធារណៈត្រូវតែមានការប្រុងប្រយត្ន័ខ្ពស់កុំធ្វេសប្រហែសដូចអ្នកគ្របតង់ ខាងរថយន្តមិនបានមើលមុខមើលក្រោយបោះខ្សែចងតង់ទៅប៉ះនឹងចង្កូត ម៉ូតូដែលកំពុងបើកបរបណ្តាលឲ្យដួលពេញថ្នល់ នេះបើមានរថយន្តមកដល់ ស្របពេលជាមួយគ្នានោះ ជនរងគ្រោះខាងម៉ូតូពិតជាត្រូវរថយន្តកិនគ្រោះថ្នាក់ដល់អាយុជីវិតជាក់ជាពុំខាន៕
https://youtu.be/wugl3BXAI9Y
ចែករំលែកព័តមាននេះ