ពិធីបិទវគ្គហ្វឹកហ្វឺនបំប៉នជំនាញកងរថក្រោះ កងអនុសេនាធំទី៣
- បាត់ដំបង
ខេត្តបាត់ដំបង ៖ នៅព្រឹកថ្ងៃទី៣០ ខែមេសា ឆ្នាំ២០១៨ នៅទីបញ្ជាការកងអនុសេនាធំលេខ៣ កងរថក្រោះ ស្ថិតនៅភូមិគីឡូ ឃុំត្រែង ស្រុករតនៈមណ្ឌល…
ខេត្តបាត់ដំបង ៖ នៅព្រឹកថ្ងៃទី៣០ ខែមេសា ឆ្នាំ២០១៨ នៅទីបញ្ជាការកងអនុសេនាធំលេខ៣ កងរថក្រោះ ស្ថិតនៅភូមិគីឡូ ឃុំត្រែង ស្រុករតនៈមណ្ឌល…
ខេត្តបាត់ដំបង ៖ នៅព្រឹកថ្ងៃទី៣០ ខែមេសា ឆ្នាំ២០១៨ នៅទីបញ្ជាការកងអនុសេនាធំលេខ៣ កងរថក្រោះ ស្ថិតនៅភូមិគីឡូ ឃុំត្រែង ស្រុករតនៈមណ្ឌល ខេត្តបាត់ដំបង បានប្រារព្ធពិធី បិទវគ្គហ្វឹកហ្វឺនបំប៉នជំនាញកងរថក្រោះ កងអនុសេនាធំទី៣ សម្ពោធដាក់ឲ្យប្រើប្រាស់សមិទ្ធផលថ្មីៗ និងទស្សនកិច្ចសិក្សាកងរថក្រោះវរៈសេនាតូចលេខ៦៧ របស់ប្រតិភូយោធភូមិភាគទី៥។ ក្រោមអធិបតីភាព របស់លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ ដោយមានការចូលរួមពីមេបញ្ជាការរងយោធភូមិភាគ មេបញ្ជាការតាមបណ្តាអង្គភាពឈរជើងតាមតំបន់សំខាន់ៗចំណុះឲ្យកងរងក្រោះ រថពាសដែក របស់វរៈសេនាតូចលេខ៦៧ អធិការនគរបាលស្រុក អាវុធហត្ថស្រុក មេឃុំសរុបចំនួនប្រមាណ២០០នាក់ បានចូលរួម។ មុនចូលកម្មវិធីលោកឧត្តមសេនីយ៍ឯកបានចែកអំណោយដល់គ្រួសារកងទ័ពចំនួន ៣០គ្រួសារ ដែលក្នុង១គ្រួសារទទួលបានឃីត១កញ្ចប់មាន អង្ករ១ការ៉ុង មី៥កញ្ចប់ ក្រម៉ា១ សារ៉ុង១ ទឹកស៊ីអ៊ីវ២ដប ទឹកត្រី២ដប ស្ករស១កញ្ចប់ ប៊ីចេង១កញ្ចប់ និងថវិកា៤ម៉ឺនរៀល។ ប្រតិភូបានពិនិត្យមើល ទីតាំងការរស់នៅ ការកសាងក្នុងអង្គភាព ដោយមានការរីកចម្រើន លើការងារចិញ្ចឹមទ័ព ការហ្វឹកហាត់ និងការថែទាំរថក្រោះ រថពាសដែក។
បន្ទាប់ពីលោកវរៈសេនីយ៍សេនីយ៍ឯក ព្រហ្ម គឹម មេបញ្ជាការកង រថក្រោះ រថពាសដែកវរៈសេនាតូចលេខ៦៧ និងបានរាយការណ៍អំពីសមិទ្ធផលបានកើតឡើង ហើយបន្តការហ្វឹកហ្វឺនពេលនេះមានចំនួន៦៥នាក់ មានរយៈពេល៤៥ថ្ងៃ ដែលជាសកម្មភាពរបស់ កងកម្លាំងគ្រប់អង្គភាពចំណុះវរៈសេនាតូចលេខ៦៧ តែងតែអនុវត្តន៍ជាប្រចាំក្នុងកិច្ចការ ការពារជាតិ រក្សាសន្តិសុខ ដោយបានរួមសហការទប់ស្កាត់រាល់បទល្មើសផ្សេងៗនៅតាមតំបន់ គ្រប់ទីតាំង តែងតែរួមកិច្ចសហប្រតិបត្តការរួមគ្នាជាមួយអាជ្ញាធរមូលដ្ឋានបានយ៉ាងល្អប្រសើរ និងបង្កបង្កើនផល ចុះជួយដល់ប្រជាជនជួបការលំបាក។ ហើយសម្រួលរៀបចំសណ្តាប់ធ្នាប់ និងយកបទពិសោធន៍ល្អៗ ក្នុងឆ្នាំ២០១៧មកបន្តអនុវត្តន៍ជាបន្តទៀត ដើម្បីលើកកំពស់គុណភាពរបស់កងទ័ពដែលឈរជើង នៅតាមចំណុចសំខាន់ៗ និងការពារថែទាំរថពាសដែកឲ្យកាន់តែមានប្រសិទ្ធភាព និងគុណភាពល្អប្រសើរ បន្ថែមទៀត។ បន្ទាប់មកទៀតលោកឧត្តមសេនីយ៍ឯក ប៊ុន សេង បានផ្តាំផ្ញើថាសូមបន្តនាំគ្នាធ្វើ ទស្សនកិច្ចសិក្សា អំពីការកសាងអង្គភាពរឹងមាំលើគ្រប់វិស័យ ពីព្រោះវាបានហុចលទ្ធផលល្អក្នុងរយៈពេល ៣ឆ្នាំកន្លងមកនេះ ដែលកងកម្លាំងកងទ័ពយើងមានគុណភាពអាចក្រោកឈរដោយខ្លួនឯងបាន ហើយត្រៀមកែប្រែកិច្ចការទស្សនសិក្សានេះឲ្យទៅជាកិច្ចការប្រឡងប្រណាំងតាមបណ្តាអង្គភាពវិញនាពេលខាងមុខនេះ។
លោកឧត្តមសេនីយ៍ឯកបានបន្តទៀតថា កងទ័ពយើងមានវិន័យត្រឹមត្រូវការងារ យើងម៉ឹងម៉ាត់ជានិច្ច មានឆន្ទៈ ស្មារតីក្នុងការងារ ចុះជួយដល់ប្រជាជនក្រីក្រ រងគ្រោះ ជួបការលំបាក ហើយត្រូវថែររក្សាសន្តិសុខ និងសុខសន្តិភាពជូនប្រជាជន និងប្រទេសជាតិយើងដែលមានច្បាប់ រដ្ឋធម្មនុញ្ញរបស់រាជរដ្ឋាភិបាលបានកើតឡើងដោយស្របច្បាប់កើតចេញពីការបោះឆ្នោតរបស់ប្រជាជនកម្ពុជាពិតៗ។ លោកឧត្តមសេនីយ៍ឯក បានបន្ថែមថា តាមផែនការយោធភូមិភាគទី៥ មានរយៈពេល៣ឆ្នាំមកហើយនេះ គឺល្មមដល់ពេលដែលអាចងើបឈរត្រូវដើរខ្លួនឯងបានខ្លះហើយ និងគ្រប់តាមបណ្តាអង្គភាពទាំងអស់ត្រូវជំរុញដល់កងកម្លាំងដែលទទួលគុណភាពបានហើយ ត្រូវបន្ថែមសោភ័ណភាព និងបរិមាណជាបន្តទៅទៀតដោយឈរលើបទដ្ឋាន និងផែនការច្បាស់លាស់ ហើយត្រូវពង្រឹងការងារចាស់ ពង្រីកការងារថ្មី បន្តសាមគ្គីភាពផ្ទៃក្នុងខ្លឹមសារទាំង៤ចំណុចរបស់ យោធភូមិភាគ ហើយអនុវត្តន៍តាមអភិក្រមទាំង៥ ដែលបានដាក់ចេញមក និងប្រសាសន៍សម្តេចតេជោ ហ៊ុន សែន ទាំង៦ចំណុច ដែលធានាបានតាមកាតព្វកិច្ចរបស់កងទ័ពយើងឲ្យទទួលបានប្រសិទ្ធភាព ខ្ពស់បំផុត។
លោកឧត្តមសេនីយ៍ឯកបានប្រៀបធៀបកិច្ចការងារតាមបែបសម័យទំនើបតាមបច្ចេកវិទ្យា សម័យថ្មី គឺត្រូវតែយល់ដឹងសម្រាប់កងទ័ពយើងដែលចៀសមិនរួច ពីព្រោះលើសាកលលោកកំពុងតែ ប្រើប្រាស់ សូម្បីក្នុងសមយុទ្ធនានាជាអន្តរជាតិក៏បានប្រើប្រាស់វិស័យបច្ចេកវិទ្យាថ្មីនេះគ្រប់ៗគ្នា ហើយបទពិសោធន៍របស់សម្តេចតេជោ ហ៊ុន សែន ដែលបានទៅចូលរួមប្រជុំនៅអាស៊ាន នាពេលថ្មីៗកន្លងមកនេះកំពុងតែប្រើប្រាស់បច្ចេកវិទ្យានេះតាមបែបទាន់សម័យផងដែរក្នុងការពង្រីកទំនាក់ទំនងជាមួយប្រទេសផ្សេងៗ និងផ្សព្វផ្សាយក្នុងប្រទេស ហើយតម្រូវការផលប្រយោជន៍វិស័យសេដ្ឋកិច្ច រវាងប្រទេសនីមួយៗទទួលបានល្អបន្ថែមទៀតបានយ៉ាងល្អប្រសើរ។ ចុងក្រោយលោកឧត្តមសេនីយ៍ឯក បានជួយឧបត្ថម្ភក្នុងកម្មវិធីនេះចំនួន៣លានរៀល និងក្រុមការងារអាយធី ចំនួន១លានរៀងផងដែរ៕
ចែករំលែកព័តមាននេះ