ខេត្តក្រចេះ ៖ បុរសជនជាតិដើមភាគតិចព្នងម្នាក់ បានប្រើហិង្សាលើប្រពន្ធដែលទើបឆ្លងទន្លេសរសៃខ្ចីឱ្យរងរបួសធ្ងន់និងទាស់រហូតស្លាប់ ហើយបុរសរូបនេះក៏ត្រូវនគរបាលស្រុកចិត្របុរី ចាប់ខ្លួនដែរ ។ អំពើហិង្សាក្នុងគ្រួសារនេះ គឺផ្តើមចេញពីទំនាស់ពាក្យសម្តីគ្នាតិចតួច ក៏ឈានដល់ការវាយប្រពន្ធដែលជាជនជាតិព្នងដូចគ្នាបណ្តាលឲ្យស្លាប់…
ខេត្តក្រចេះ ៖ បុរសជនជាតិដើមភាគតិចព្នងម្នាក់ បានប្រើហិង្សាលើប្រពន្ធដែលទើបឆ្លងទន្លេសរសៃខ្ចីឱ្យរងរបួសធ្ងន់និងទាស់រហូតស្លាប់ ហើយបុរសរូបនេះក៏ត្រូវនគរបាលស្រុកចិត្របុរី ចាប់ខ្លួនដែរ ។ អំពើហិង្សាក្នុងគ្រួសារនេះ គឺផ្តើមចេញពីទំនាស់ពាក្យសម្តីគ្នាតិចតួច ក៏ឈានដល់ការវាយប្រពន្ធដែលជាជនជាតិព្នងដូចគ្នាបណ្តាលឲ្យស្លាប់ ។ ប្តីប្រពន្ធនេះ មានទីលំនៅក្នុងភូមិអាលច ឃុំកន្ទួត ស្រុកចិត្របុរី មានកូនប្រុសស្រីតូចៗនៅក្នុងបន្ទុកចំនួន៥នាក់ ។ អ្វីដែលគួរឲ្យអាណោចអាធ័មនោះ គឺពេលនេះម្តាយបានស្លាប់ ឯឪពុកក្លាយខ្លួនទៅជាអ្នកទោស ។
មន្ត្រីនគរបាលស្រុកចិត្របុរីបានឱ្យដឹងថា អំពើហិង្សាក្នុងគ្រួសារនេះកើតឡើងកាលពីថ្ងៃទី២៥ ខែមេសា ដោយបុរសជាប្តីឈ្មោះ ធុច សុខា អាយុ៣៧ឆ្នាំ បានវាយសំពងប្រពន្ធឈ្មោះ ក្រាញ់ នញ អាយុ៣៩ឆ្នាំ ដែលទើបតែសម្រាលកូននៅសរសៃខ្ចីផង បណ្តាលឱ្យទាស់រហូតស្លាប់ក្រោយរងការវាយដំបានមួយថ្ងៃ ។អធិការនគរបាលស្រុក លោកវរសេនីយ៍ឯក យ៉ាន់ ហ៊ាង បានឱ្យដឹងថា មូលហេតុដែលឈានឱ្យមានអំពើហិង្សានេះ គឺផ្តើមចេញពីទំនាស់ពាក្យសម្តីគ្នាតិចតួច ។ នៅថ្ងៃកើតហេតុ ពេលបុរសជាប្តីបើកគោយន្តកន្ត្រៃចេញទៅក្រៅ ក៏មានកូនតូចម្នាក់យំទារទៅតាម ឯប្រពន្ធហាមមិនឱ្យទៅក៏កើតជាទំនាស់ ។
ក្រោយពីមានទំនាស់យ៉ាងតឹងសរសៃក បុរសជាប្តីក៏ស្ទុះទៅវាយទាត់ធាក់ប្រពន្ធ មិនតែប៉ុណ្ណោះពេលមកដល់លើផ្ទះ ថែមទាំងយករនាបឫស្សីមកវាយប្រពន្ធយ៉ាងចាស់ដៃថែមទៀត បណ្តាលឱ្យជាំរាងកាយសុសសាច់ ។ ក្រោយពីត្រូវប្តីវាយបានមួយថ្ងៃ ស្ត្រីជាប្រពន្ធដែលនៅសរសៃខ្ចីព្រោះទើបសម្រាលកូនផងនោះ ក៏កើតអាការរឹងធ្គាមនិងស្លាប់ ។នៅចំពោះមុខមន្ត្រីនគរបាល បុរសជាប្តីឆ្លើយថា កន្លងមករូបគេមិនដែលបង្កហិង្សាទៅលើប្រពន្ធបែបនះទេ។ នៅថ្ងៃកើតហេតុ ដោយសារតែខ្លួនខឹងប្រពន្ធជេរប្រមាថទ្រាំមិនបាន ក៏ជ្រុលដៃវាយដោយមិនដឹងថាបណ្តាលឱ្យស្លាប់បែបនេះឡើយ ៕
ចែករំលែកព័តមាននេះ