ខេត្តស្វាយរៀង ៖ គ្រោះធម្មជាតិដ៏អាក្រក់មានភ្លៀងលាយឡំផ្គរន្ទះ និងខ្យល់កន្ត្រាក់បានបំផ្លាញផ្ទះសម្បែងប្រជាពលរដ្ឋអស់១៧៣ខ្នង បណ្ដាលឲ្យស្លាប់មនុស្សម្នាក់ របួសធ្ងន់២នាក់ ងាប់គោ៣ក្បាល ។ បើតាមមន្ត្រីសាខាកាកបាទក្រហមកម្ពុជាខេត្តស្វាយរៀង បានឲ្យដឹងថា…
ខេត្តស្វាយរៀង ៖ គ្រោះធម្មជាតិដ៏អាក្រក់មានភ្លៀងលាយឡំផ្គរន្ទះ និងខ្យល់កន្ត្រាក់បានបំផ្លាញផ្ទះសម្បែងប្រជាពលរដ្ឋអស់១៧៣ខ្នង បណ្ដាលឲ្យស្លាប់មនុស្សម្នាក់ របួសធ្ងន់២នាក់ ងាប់គោ៣ក្បាល ។ បើតាមមន្ត្រីសាខាកាកបាទក្រហមកម្ពុជាខេត្តស្វាយរៀង បានឲ្យដឹងថា ក្រោយពីទទួលបានព័ត៌មានរបស់អាជ្ញាធរមូលដ្ឋាន ក្រុមការងារសាខា និងអនុសាខាក្រុងស្រុកបានចុះពិនិត្យដោយផ្ទាល់ឃើញថាផ្ទះរបស់ប្រជាពលរដ្ឋដែលជួបផលប៉ះពាល់ដោយសារខ្យល់កន្ត្រាក់កើតឡើងនៅល្ងាចថ្ងៃទី២៧ ខែមេសា ឆ្នាំ២០១៨ មកលើក្រុង-ស្រុក ចំនួន៣ គឺស្រុកស្វាយជ្រំ ទទួលរងគ្រោះ៦ឃុំ រលំទាំងស្រុង៨៤ខ្នង រើកដំបូលមួយផ្នែក៧៦ខ្នង សរុប១៦០ខ្នង ស្រុកស្វាយទាប៣ ឃុំរលំទាំងស្រុង៦ខ្នង របើកដំបូលមួយផ្នែក៤ខ្នង សរុប១០ខ្នង និងក្រុងស្វាយរៀង ១សង្កាត់ រលំទាំងស្រុង៣ខ្នង សរុបរួម១៧៣ខ្នង និងបណ្ដាលឲ្យបាក់សង្កត់មនុស្សស្លាប់ម្នាក់ឈ្មោះ ឡាយ សែម ភេទស្រី អាយុ៨៣ឆ្នាំ នៅភូមិកណ្ដាល ឃុំស្វាយអង្គ ងាប់គោ៣ក្បាល ។
ហើយនៅថ្ងៃទី២៨ ខែ ខែមេសា ឆ្នាំ២០១៨ លោក ម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង បានចាត់ឲ្យក្រុមការងារសាខាដឹកនាំដោយ លោកស្រី ពៅ សុភាព គណៈកម្មាធិការសាខា នាំយកអំណោយមនុស្សធម៌របស់សាខាទៅសួរសុខទុក្ខ និងចែកអំណោយដល់គ្រួសារដែលរងគ្រោះជំហានដំបូង ដែលរលំផ្ទះខូចខាតទាំងស្រុងបាន២៦ខ្នង នៃគ្រួសារក្នុងស្រុកស្វាយជ្រំ នៅឃុំគោកព្រីង៩ខ្នង ស្វាយយា៣ខ្នង អង្គតាសូ១ខ្នង ស្វាយអង្គ៧ខ្នង នៅស្រុកស្វាយទាប ឃុំស្វាយរំពារ២ខ្នង រមាំងថ្កោល១ខ្នង និងសង្កាត់សង្ឃ័រ ក្រុងស្វាយរៀង ៣ខ្នង ។
អំណោយបានចែកជូនដល់គ្រួសាររងគ្រោះទាំង ២៦គ្រួសារ ក្នុង១គ្រួសារទទួលបាន អង្ករ៣០គីឡូក្រាម កៅស៊ូតង់១ ធុងទឹកជ័រ១ ឆ្នាំងបាយ សម្ល២ កន្ទេលបត់១ មី១កេស ទឹកស៊ីអ៊ីវ១យួរ ត្រីខ១០កំប៉ុង ឃីត១កញ្ចប់មាន មុង១ ភួយ១ ក្រមា១ សារុង១ និងថវិកា២០០,០០០រៀល ។ ចូលរួមបុណ្យសពមាន អង្ករ៥០គីឡូក្រាម ទយទាន១កញ្ចប់ ទឹកសុទ្ធ១កេស ទឹកផ្លែឈើ១កេស ថវិកា៤០០,០០០រៀល និងថវិកាក្រុមការងារចុះជួយឃុំ ៤៥០,០០០រៀល ។
ដោយយោងទៅលើពេលវេលាចំនួននៅសល់រងគ្រោះទាំងស្រុង៦៧ខ្នងគឺ នៅស្រុកស្វាយជ្រំ៦៤ខ្នង ស្វាយទាប៣ខ្នង របើកដំបូល៨០ខ្នង នៅស្រុកស្វាយជ្រំ៧៦ខ្នង ស្រុកស្វាយទាប៤ខ្នង នៅសល់មិនទាន់បានចែក សរុបរួម១៤៧ខ្នង នៃគ្រួសារសាខានឹងចែកបន្តបន្ទាប់ទៀត នាថ្ងៃទី៣០ ខែមេសា ឆ្នាំ២០១៨ នេះ ក្នុងមួយគ្រួសារទទួលបាន អង្ករ៣០គីឡូក្រាម កៅស៊ូតង់១ ធុងទឹកជរ័១ ឆ្នាំងបាយសម្លរ២ កន្ទេល១ មី១កេស ទឹកស៊ីអីវ១យួរ ត្រីខ១០កំប៉ុង ឃីត១កញ្ចប់ មុង១ ភួយ១ ក្រមា១ សារុង១ និងថវិកា២០០,០០០រៀល ។ នេះជាលើកទី១ហើយដែលគ្រោះធម្មជាតិបំផ្លាញផ្ទះប្រជាពលរដ្ឋជាច្រើនខ្នង និងសង្កត់ឲ្យមនុស្សស្លាប់ និងរងរបួស ៕
ចែករំលែកព័តមាននេះ