ខេត្តមណ្ឌលគិរី ៖ ដើម្បីជំរុញនៅជីវភាពរស់នៅប្រចាំថ្ងៃរបស់ជនពិការកម្ពុជា ឲ្យមានជីវភាពធូរធារ និងលើកស្ទួយឲ្យមានមុខមាត់នៅក្នុងសង្គម រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន…
ខេត្តមណ្ឌលគិរី ៖ ដើម្បីជំរុញនៅជីវភាពរស់នៅប្រចាំថ្ងៃរបស់ជនពិការកម្ពុជា ឲ្យមានជីវភាពធូរធារ និងលើកស្ទួយឲ្យមានមុខមាត់នៅក្នុងសង្គម រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃព្រះរាជាណាចក្រកម្ពុជា បានយកចិត្តទុកដាក់លើកទឹកចិត្ត និងលើកស្ទួយឲ្យជនពិការទូទាំងប្រទេសមានឱកាសបង្ហាញពីសមត្ថភាព និងទេពកោសល្យនៅក្នុងវិស័យសិល្បៈ ផ្នែកចម្រៀង ដើម្បីឲ្យទស្សនិកជនមានការចាប់អារម្មណ៍ និងគាំទ្រលើវិស័យសិល្បៈជាតិរបស់យើង ។
ជាក់ស្តែង នៅក្រុងសែនមនោរម្យ ទឹកដីនៃខេត្តមណ្ឌលគិរី បានរៀបចំប្រលងចម្រៀងជនពិការកម្ពុជា ពានរង្វាន់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលប្រព្រឹត្តិទៅក្រោមវត្តមាន លោក សាយ ម៉េងគីម អភិបាលរង នៃគណអភិបាលខេត្តមណ្ឌលគិរី នាយប់ថ្ងៃទី២៩ ខែមេសា ឆ្នាំ២០១៨ ។
នាឱកាសនោះ លោក សាយ ម៉េងគីម អភិបាលរងខេត្តមណ្ឌលគិរី បានបញ្ជាក់ថា ការប្រារព្ធកម្មវិធីប្រលងសំនៀងជនពិកាកម្ពុជា ពានរង្វាន់ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃកម្ពុជា ក្នុងគោលបំណងលើកស្ទួយជនពិការឲ្យមានមុខមាត់នៅក្នុងសង្គម ដែលត្រូវបានជនមួយក្តាប់តូចមាក់ងាយមិនឲ្យតម្លៃ ហើយមានការរើសអើងដែលធ្វើឲ្យជនពិការកម្ពុជាមានការឈឺចាប់ និងមានការប្រឈមជាច្រើនក្នុងជីវភាពប្រចាំថ្ងៃ ដែលជាកត្តាធ្វើឲ្យមានភាពក្រីក្រ និងជាទុកលំបាកដល់រដ្ឋាភិបាលក្នុងការបំបាត់ភាពក្រីក្រ ។
ដូច្នេះ រាជរដ្ឋា ភិបាលកម្ពុជា បានយកចិត្តទុកដាក់ និងលើកទឹកចិត្តដល់ជនពិការឲ្យមានទឹកចិត្ត ក្នុងការតស៊ូជំនះរាល់ការលំបាកផ្សេងៗ និងបង្ហាញពីគោលបំណងរបស់រដ្ឋាភិបាលក្នុងការគាំទ្រដល់ជនពិការមិនឲ្យមានរើសអើងចំពោះជនពិការ ដើម្បីលើកទឹកចិត្ត និងលើកស្ទួយជនពិការទូទាំងប្រទេស អាចបង្ហាញពីសមត្ថភាព និងទេពកោសល្យក្នុងវិស័យសិល្បៈផ្នែកចម្រៀង ដែលបច្ចុប្បន្នទស្សនិកជនជាច្រើនបានចាប់អារម្មណ៍ និងគាំទ្រវិស័យសិល្បៈជាតិរបស់យើង ។
អភិបាលរងខេត្ត បានជំរុញ និងលើកទឹកចិត្តដល់បេក្ខជន បេក្ខនារីទាំងអស់ត្រូវខិតខំប្រឹងប្រែងយកចិត្តទុកដាក់ឲ្យអស់ពីសមត្ថភាព ដើម្បីបង្ហាញសមត្ថភាពទេពកោសល្យ ក្នុងការដណ្តើមយកជ័យលាភីពានរង្វាន់ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃកម្ពុជាជូនខេត្តមណ្ឌលគិរី ។ តាមការលើកឡើងរបស់លោក ម៉េង សុភ័ណ្ឌ ប្រធានរៀបចំកម្មវិធីខាងលើ បានឲ្យដឹងថា ការប្រលងសំនៀងជនពិការកម្ពុជា ពានរង្វាន់ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃព្រះរាជាណាចក្រកម្ពុជាកម្ពុជា ត្រូវបានធ្វើឡើងនៅទូទាំង២៥រាជធានី/ខេត្ត ដោយឡែកខេត្តមណ្ឌលគិរី គឺជាខេត្តលើកទី១១ ដែលមានបេក្ខជន បេក្ខនារីដាក់ពាក្យប្រលងចម្រៀងចំនួន១១នាក់ ស្រី០១នាក់ ក្នុងចំណោម១១នាក់ នឹងត្រូវជ្រើសរើសយក០១នាក់ ដែលតំណាងឲ្យខេត្ត ដើម្បីត្រៀមប្រកួតប្រជែងកម្មវិធីប្រលងសំនៀងជនពិការកម្ពុជា ពានរង្វាន់ សម្តេតេជោ ហ៊ុន សែន នាយរដ្ឋមន្ត្រី នៃព្រះរាជាណាចក្រកម្ពុជាកម្ពុជា នៅថ្នាក់ជាតិ ។
លោកបានបន្ថែមថា ក្នុងកម្មវិធីប្រលងសំនៀងនៅខេត្តមណ្ឌលគិរី បានប្រព្រឹត្តិទៅចាប់ពីថ្ងៃទី២៤ ខែមេសា ដល់ថ្ងៃទី២៩ ខែមេសា ឆ្នាំ២០១៨ ហើយក៏មានការដាក់តាំងពិព័រណ៍លក់ទំនិញរបស់បងប្អូនជនពិការ និងទំនិញទូទៅរបស់ជាតិ និងអន្តរជាតិ ដើម្បីញុំាងឲ្យកម្មវិធីមានភាពអ៊ូអរផងដែរ ៕
ចែករំលែកព័តមាននេះ