ខេត្តកោះកុង ៖ ឧបទ្ទវហេតុគ្រោះចរាចរណ៍ដ៏រន្ធត់មួយ បានកើតឡើងកាលពីវេលាម៉ោងប្រមាណជា៨ព្រឹក ថ្ងៃទី២៨ មេសា រវាងរថយន្តឡិចសុីសធុន៤៧០ ពាក់ផ្លាកលេខភ្នំពេញ២H-៣៦៧៩ បានបុកគ្នាជាមួយរថយន្ដដឹកប្រេងឥន្ធនៈ បណ្តាលឱ្យផ្ទុះឆេះរថយន្តទាំងពីរគ្រឿងលើកំណាត់ផ្លូវជាតិលេខ៤…
ខេត្តកោះកុង ៖ ឧបទ្ទវហេតុគ្រោះចរាចរណ៍ដ៏រន្ធត់មួយ បានកើតឡើងកាលពីវេលាម៉ោងប្រមាណជា៨ព្រឹក ថ្ងៃទី២៨ មេសា រវាងរថយន្តឡិចសុីសធុន៤៧០ ពាក់ផ្លាកលេខភ្នំពេញ២H-៣៦៧៩ បានបុកគ្នាជាមួយរថយន្ដដឹកប្រេងឥន្ធនៈ បណ្តាលឱ្យផ្ទុះឆេះរថយន្តទាំងពីរគ្រឿងលើកំណាត់ផ្លូវជាតិលេខ៤ ចន្លោះបង្គោលគីឡូម៉ែត្រលេខ១៤១ និងលេខ១៤២ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង ដែលបណ្តាលឱ្យមានអ្នកជិះនៅក្នុងរថយន្តឡិចសីុសចំនួន៥នាក់ ត្រូវឆេះស្លាប់ខ្លោចក្នុងរថយន្ត និងអ្នកបើកបររថយន្តប្រេងឥន្ធនៈម្នាក់ រួមនឹងព្រូម្នាក់ផងក៏រងរបួសជាទម្ងន់ដែរ ។
ជនរងគ្រោះដែលស្លាប់បាត់បង់អាយុជីវិត៥នាក់ បានស្គាល់អត្តសញ្ញាណហើយ ១-ឈ្មោះ ថេង ដាវុន ភេទប្រុស អាយុ២៨ឆ្នាំ ជាមន្ត្រីមន្ទីរសាធារណការខេត្តកំពត មានទីលំនៅខេត្តព្រះសីហនុ ២-ឈ្មោះ ឈឹម រដ្ឋា ហៅជីង ភេទស្រី អាយុ២៣ឆ្នាំ ជាមេការភោជនីយដ្ឋាន Happy bar ខេត្តព្រះសីហនុ មានទីលំនៅឃុំទំនប់រលក ក្រុងព្រះសីហនុ ៣-ឈ្មោះ ហេង សូរីយ៉ា ភេទប្រុស អាយុ២៥ឆ្នាំ ជាសនិ្តសុខឯកជន មានទីលំនៅក្នុងសង្កាត់លេខ៣ ក្រុងព្រះសីហនុ ៤-ឈ្មោះ វង្ស រិទ្ធី ហៅ ដារ៉ា ភេទប្រុស អាយុ២៦ឆ្នាំ ជាសន្តិសុខឯកជន មានទីលំនៅក្នុងសង្កាត់លេខ៣ ក្រុងព្រះសីហនុ និង៥-ឈ្មោះ ចាន់ វណ្ណា ភេទប្រុស អាយុ២១ឆ្នាំ
សពទាំង៤នាក់ខាងលើនេះ ពួកគេជាមិត្តភក្ដិរួមការងារជាមួយគ្នា ហើយត្រូវបានសមត្ថកិច្ចប្រគល់ឱ្យទៅក្រុមគ្រួសារយកទៅធ្វើបុណ្យតាមប្រពៃណីរួចហើយ ពោលគឺក្រោយពីបានដឹកសពដែលឆេះរួញក្រញង់ទៅបូជាតម្រៀបគ្នា ក្នុងពេលតែមួយនៅក្នុងវត្តគិរីមាគ៌៌ា ហៅវត្តស្រែអំបិល ដែលមានចម្ងាយពីទីតាំងកើតហេតុជាង១០គីឡូម៉ែត្រ ។
ចំណែកភាគីខាងរថយន្តដឹកប្រេងឥន្ធនៈរងរបួសធ្ងន់២នាក់ គឺឈ្មោះ ផាន វិបុល ភេទប្រុស អាយុ២៦ឆ្នាំ មានទីលំនៅរាជធានីភ្នំពេញ ជាអ្នកបើកបររថយន្តដឹកប្រេងឥន្ធនៈ និងព្រូម្នាក់ឈ្មោះ ផាន សុង ភេទប្រុស អាយុ១៨ឆ្នាំ មានអាសយដ្ឋាន រស់នៅជាមួយអ្នកបើកបររថយន្តនោះដែរ ។
តាមព័ត៌មានថា ការផ្ទុះឆេះនោះ ដោយសារតែការបុកពេញទំហឹង សង្ស័យរថយន្តធុន៤៧០ដាក់ហ្គាស ចំណែករថយន្តដឹកប្រេងមិនមានប្រេងក្នុងស៊ីទែនទេ ដោយធ្វើដំណើរពីភ្នំពេញ ទៅក្រុងព្រះសីហនុ ហើយភ្លើងឆេះតែធុងសាំងរថយន្តប៉ុណ្ណោះ ៕
ចែករំលែកព័តមាននេះ