ក្នុងត្រីមាសទី១ឆ្នាំ២០១៨ស្លា.ប់៤៣នាក់ដោយគ្រោះថ្នាក់ចរាចរ
- ស្វាយរៀង
ខេត្តស្វាយរៀង ៖ លោកឧត្តមសេនីយ៍ទោ កឹង ឃន ស្នងការ នៃស្នងការដ្ឋាននគបាលខេត្តស្វាយរៀង បានរាយការណ៍ថា គ្រាន់តែក្នុងត្រីមាសទី១ ឆ្នាំ២០១៨នេះ…
ខេត្តស្វាយរៀង ៖ លោកឧត្តមសេនីយ៍ទោ កឹង ឃន ស្នងការ នៃស្នងការដ្ឋាននគបាលខេត្តស្វាយរៀង បានរាយការណ៍ថា គ្រាន់តែក្នុងត្រីមាសទី១ ឆ្នាំ២០១៨នេះ គ្រោះថ្នាក់ចរាចរកើតឡើង៥១លើក លើ៣៥លើក បណ្ដាលឲ្យមនុស្សស្លាប់១៨នាក់ លើ១៣នាក់ គឺស្លាប់កើនឡើង៥នាក់ ស្មើ៣៨% ។ និងរងរបួស៨៩នាក់ លើ១០២នាក់ ថយចុះ១៥នាក់ ស្មើនឹង១២.៧៤% ។ លទ្ធផលអនុវត្តន៍ច្បាប់ចរាចណ៍ ត្រួតពិនិត្យយានយន្តសរុប៤១,៩៣៦គ្រឿង ក្នុងនោះម៉ូតូ៨,៨៦៧គ្រឿង អប់រំម្ចាស់យានយន្ត៣,៩២៨នាក់/គ្រឿង ម៉ូតូ៣,៤០១គ្រឿង ។ ផាកពិន័យយានយន្ត ៦,៥៤៥គ្រឿង «រថយន្តតូច២៥០គ្រឿង ម៉ូតូ៦,២៩៦គ្រឿង» ។ បានបញ្ជូនសំណុំរឿង១៣ករណី និងអ្នកបើកបរទៅអយ្យការអមសាលាដំបូងខេត្តចំនួន៨នាក់ ។ ធ្វើការសម្របសម្រួល៣៣រឿង នៅសល់៧រឿងកំពុងស៊ើបអង្កេតបន្ត ។ គ្រោះថ្នាក់សង្គម មានកើតឡើង២៦លើក លើ៤២លើក ថយចុះ១៦លើក ស្មើនឹង៣៨.០៩% ។ រួមមាន ធ្វើអត្តឃាត៩លើក ខ្យល់គរ៥លើក លង់ទឹក៦លើក និងរន្ទះបាញ់១លើក បណ្ដាលឲ្យមនុស្សស្លាប់២៥នាក់ ស្រី៥នាក់ ។ គ្រោះថ្នាក់អគ្គិភ័យកើតឡើង១០លើក លើ៦លើក កើនឡើង៤លើក ស្មើនឹង៤០% បណ្ដាលឲ្យមានមនុសរងរបួស៤នាក់ ក្នុងនោះឆេះផ្ទះអស់ទាំងស្រុង៣ខ្នង ឆេះចំការអំពៅអស់៨៦៣ហិកតា និងសម្ភារមួយចំនួនទៀត នេះគួរឲ្យព្រួយបារម្មណ៍ ៕
ចែករំលែកព័តមាននេះ