ខេត្តព្រះសីហនុ ៖តាមសេចក្តីរាយការណ៍បឋមបានឲ្យដឹងថា បុរសម្នាក់បានស្លាប់ ដោយសារគ្រោះថ្នាក់ចរាចរណ៍នៅក្នុងស្រុកព្រៃនប់លើដងផ្លូវសម្តេចសង្ឃ (វាលរេញ-ស្ទឹងហាវ) ស្ថិតក្នុងភូមិ- ឃុំជើងគោ បង្កឡើងដោយខ្លួនឯង ដែលបើករថយន្តម៉ាកហ៊ិនដាយ (រថយន្តបូបលូ) ពាក់ស្លាកលេខ ភ្នំពេញ៣បេ៦៨៣៧ ទិសដៅពីកើតទៅលិច(វាលរេញ-ស្ទឹងហាវ) ។
ប្រភពពីសមត្ថកិច្ចឲ្យដឹងនៅវេលាម៉ោង៦និង៣០នាទីព្រឹកថ្ងៃទី៣០ ខែមេសានេះថា មានករណីគ្រោះថ្នាក់ចរាចរណ៍មួយបានកើតឡើងលើដងផ្លូវសម្តេចសង្ឃ (វាលរេញ-ស្ទឹងហាវ ដែលបើកបរដោយឈ្មោះ ប៊ុន ថៃ ភេទប្រុស អាយុ២៤ឆ្នាំ មានទីលំនៅស្រុកត្រាំកក់ ខេត្តតាកែវ រថយន្តមកដល់ចំមុខផ្លូវកោងបានរ៉េចង្កូតទៅធ្លាក់ក្នុងប្រឡាយខាងស្តាំដៃ បណ្តាលឲ្យព្រូឡានឈ្មោះ ម៉ឹក ធារ៉ា ភេទប្រុស អាយុ៣៥ឆ្នាំ មានទីលំនៅជាមួយគ្នា ស្លាប់ភ្លាមៗនៅកន្លែងតែម្តង ។
ចំណែកឯអ្នកបើកបរមិនមានរងរបួសអ្វីទេត្រូវបានកម្លាំងសមត្ថកិច្ចនាំខ្លួនមកកាន់អធិការដ្ឋាននគរបាលស្រុក ៕
ចែករំលែកព័តមាននេះ