ខេត្តព្រៃវែង ៖ ជារឿងគួរឱ្យសោកសង្រេងមួយដោយកុមារីវ័យ១២ឆ្នាំម្នាក់បានលង់ទឹកស្លាប់បាត់បង់ជីវិតយ៉ាងអាណោចអាធម៌នៅពេលដែលតាមជីដូនទៅចូលរួមក្នុងពិធីភ្ជាប់ពាក្យសាច់ញាតិហើយបានរអិលជើងធ្លាក់ចូលទឹកស្រះ ។ ហេតុការណ៌នេះបានកើតឡើងកាលពីវេលាម៉ោង៦ព្រឹក ថ្ងៃទី២៩ ខែមេសា ឆ្នាំ២០១៨ នៅចំណុចស្រះទឹកមួយកន្លែង ដែលស្ថិតក្នុងភូមិគោកក្រសាំង ឃុំគោកគង់កើត…
ខេត្តព្រៃវែង ៖ ជារឿងគួរឱ្យសោកសង្រេងមួយដោយកុមារីវ័យ១២ឆ្នាំម្នាក់បានលង់ទឹកស្លាប់បាត់បង់ជីវិតយ៉ាងអាណោចអាធម៌នៅពេលដែលតាមជីដូនទៅចូលរួមក្នុងពិធីភ្ជាប់ពាក្យសាច់ញាតិហើយបានរអិលជើងធ្លាក់ចូលទឹកស្រះ ។ ហេតុការណ៌នេះបានកើតឡើងកាលពីវេលាម៉ោង៦ព្រឹក ថ្ងៃទី២៩ ខែមេសា ឆ្នាំ២០១៨ នៅចំណុចស្រះទឹកមួយកន្លែង ដែលស្ថិតក្នុងភូមិគោកក្រសាំង ឃុំគោកគង់កើត ស្រុកកញ្ជ្រៀច ខេត្តព្រៃវែង ។ កុមារីរងគ្រោះមានឈ្មោះ វ៉ា ស្រីលីន អាយុ១២ឆ្នាំ មានទីលំនៅក្នុងភូមិពុទ្ធា ឃុំចក ស្រុកអូរាំងឪ ខេត្តត្បូងឃ្មុំ ។
យោងតាមប្រភពព័ត៌មានពីសមត្ថកិច្ចមូលដ្ឋានបានឱ្យដឹងថា កុមារីរងគ្រោះ និងជីដូនមានទីលំនៅក្នុងខេត្តត្បូងឃ្មុំឯណោះទេ ប៉ុន្តែថ្ងៃកើតហេតុនោះអ្នកទាំង២បាននាំគ្នាមកចូលរួមក្នុងពិធីភ្ជាប់ពាក្យរបស់សាច់ញាតិ នៅក្នុងភូមិ-ឃុំកើតហេតុ ហើយនៅវេលាម៉ោងប្រមាណជា៥ទាបភ្លឺក្នុងពេលដែលគ្រប់គ្នាកំពុងតែជាប់ដៃរវល់ រៀបចំក្នុងពិធីភ្ជាប់ពាក្យនោះកុមារីរងគ្រោះបានចុះទៅលេងទឹកស្រះនៅខាងក្រោយផ្ទះភ្ជាប់ពាក្យតែម្នាក់ឯង ហើយក៏រអិលធ្លាក់ចូលទៅកន្លែងដែលមានទឹកជ្រៅទើបបណ្តាលឱ្យលង់ទាំងគ្មានអ្នកណាបានដឹង និងបានឃើញទេ រហូតដល់ម៉ោង៦ព្រឹកគឺមួយម៉ោងក្រោយមកពេលដែលសពអណ្តែតឡើងមកវិញទើបមានអ្នកឃើញហើយក៏ស្រែកផ្អើលឆោឡោឡើងតែម្តង ។
ក្រោយពីមានរឿងភ្ញាក់ផ្អើលនេះភ្លាមសមត្ថកិច្ចក៏បានទៅដល់កន្លែងកើតហេតុដើម្បីពិនិត្យសាកសព ប៉ុន្តែភ្លាមៗនោះជីដូនកុមារីរងគ្រោះបានបដិសេធមិនឱ្យពិនិត្យ ហើយបែរជាយកចំបើងមកចងគួចពាក់.កឱ្យចៅទៅវិញ ដោយអះអាងថា គួចឃាត់ព្រលឹងចៅកុំឱ្យចេញពីខ្លួនក្រែងអាចរស់ឡើងវិញ ប៉ុន្តែទីបំផុតចៅនៅតែស្លាប់ ទើបជីដូចយកសាកសពចៅត្រឡប់ទៅផ្ទះនៅឯខេត្តត្បូងឃ្មុំវិញដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ