រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខឥសានបានអះអាង គណបក្សនយោបាយណាមិនហ៊ានចូលរួមប្រកួតប្រជែងក្នុងកា របោះឆ្នោត គឺជាគណបក្សខ្វះជំនឿទុកចិត្តលើខ្លួនឯង ។ ការលើកឡើងបែបនេះ បន្ទាប់ពីប្រធានគណបក្សយុវជនកម្ពុជា…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខឥសានបានអះអាង គណបក្សនយោបាយណាមិនហ៊ានចូលរួមប្រកួតប្រជែងក្នុងកា របោះឆ្នោត គឺជាគណបក្សខ្វះជំនឿទុកចិត្តលើខ្លួនឯង ។
ការលើកឡើងបែបនេះ បន្ទាប់ពីប្រធានគណបក្សយុវជនកម្ពុជា លោកពេជ្រ ស្រស់បានព្រមានថា គណបក្សយុវជនកម្ពុជានឹងមិនចូលរួមបោះឆ្នោតនៅពេលខាងមុខនេះ ក្នុងករណីរុកគួនពីអាជ្ញាធរមានសមត្ថកិច្ចលើសកម្មជនគណបក្សរបស់លោក ។
លោកសុខ ឥសានបានឲ្យដឹងនៅថ្ងៃទី២៨ ខែមេសាថា ការមិនចូលប្រកួតប្រជែងការបោះឆ្នោតរបស់គណបក្សមួយនោះ មកពីគណបក្សនោះខ្វះជំនឿទុកចិត្តលើខ្លួនឯង ។ លោកបន្តថា ជាធម្មតាបើចង់បើកការរកស៊ីមុខរបរអ្វីមួយ បើមានសង្ឃឹមថា បានចំណេញ ទើបគេបើកដំណើរការរកស៊ីមុខរបរនោះ ។ ផ្ទុយទៅវិញ បើគិតគូហើយ មិនមានសង្ឃឹមថា បានចំណេញទេ គេមិនហ៊ានប្រថុយប្រថាន បើកមុខរបរនោះដែរ ។ យ៉ាងណាមិញការប្រកួតប្រជែងខាងនយោបាយក៏ដូច្នេះដែរ ។
លោកបានគូសបញ្ជាក់ថា «បើគណបក្សណាមួយយល់ឃើញថា អាចមានលទ្ធភាពទទួលបានសម្លេងគាំទ្រខ្លះពីប្រជាជននោះទើបគណបក្ខនោះដំណើររៀបចំខ្លួន ដើម្បីប្រកួតប្រជែងការបោះឆ្នោត ។ ក៏ប៉ុន្តែមានគណបក្សខ្លះដែលអត់លទ្ធភាពទាំងថវិការ ធនធានមនុស្ស និងគោលនយោបាយមិនហ៊ាននិយាយថា ខ្លួនខ្វះលទ្ធភាព សមត្ថភាព ហើយខ្លាចគេថាអន់បែរជាមកនិយាយយកបុង គេចចេញពីចំណុចខ្សោយរបស់ខ្លួន ហើយមកនិយាយដាក់កំហុសលើកត្តាខាងក្រៅខ្លួនទៅវិញ ដូចជាមកពីគជប មិនឯករាជ្យ តុលាការមិនយុត្តិធ៌ម អាជ្ញាធរលំអៀង ជាដើម ទៅវិញ » ។
លោកបន្ថែមថា នេះមិនខុសអីនឹងពាក្យចាស់លោកពោលថា ជាងមិនកើតមកបន្ទោសដែក ។ ដូច្នេះមិនបាច់គិតច្រើនទេ គណបក្សដែលមិនហ៊ានចូលរួមប្រកួតប្រជែងក្នុងកា របោះឆ្នោត គឺជាគណបក្សខ្វះជំនឿទុកចិត្តលើខ្លួនឯងដែលខ្វះលទ្ធភាព និងសមត្ថភាពដោយខ្លួនឯង ហើយមកបន្ទោសអ្នកដទៃយករួចខ្លួន ខ្លាចគេថា អន់ តែតាម ការពិតអន់រួចទៅហើយ ។
គួរឮកថា កាលពេលថ្មីៗកន្លងមកនេះ លោកពេជ្រ ស្រស់ ប្រធានគណបក្សយុវជនកម្ពុជាបានព្រមានថា មុននឹងចូលបោះឆ្នោតជ្រើសរើសតាំងអ្នកតំណាងរាស្ត្រនីតិកាលទី៦ ខាងមុខនេះទេ បើក្រសួងមហាផ្ទៃមិនចាវិធានការ និងដោះស្រាយចំពោះមេឃុំចៅសង្កាត់ ដែលធ្វើទុកបុកម្និញដល់សកម្មជនខ្លួន ។
លោកពេជ្រ ស្រស់ ក៏បានស្នើដល់សម្តេចក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជួយពិនិត្យឡើងវិញ ចំពោះកិច្ចការងារមេឃុំ ចៅសង្កាត់ របស់គណបក្សប្រជាជនកម្ពុជាដែលកំពុងធ្វើទុក្ខបុកម្និញដល់ភ្នាក់ងារគណបក្សនយោបាយ ដែលយកលិខិតបញ្ជាក់បេក្ខជនឈរបោះឆ្នោតជ្រើសរើស សមាជិករដ្ឋសភាជាតិ ដោយមានការរើសអើងពីមេឃុំ និងចៅសង្កាត់យ៉ាងខ្លាំង ៕
ចែករំលែកព័តមាននេះ