អាស៊ានយល់ថា ការគំរាមកំហែងរបស់ក្រុមរដ្ឋអ៊ិស្លាមប្រាកដនិយមណាស់
ប្រជុំកំពូលអាស៊ាន ៖ នាយករដ្ឋមន្ត្រីសិង្ហបុរី លោក LEE HSIEN LOONG ពេលថ្លែងបើកកិច្ចប្រជុំកំពូលអាស៊ានបានព្រមានកាលពីថ្ងៃទី២៨ មេសា ថា…
ប្រជុំកំពូលអាស៊ាន ៖ នាយករដ្ឋមន្ត្រីសិង្ហបុរី លោក LEE HSIEN LOONG ពេលថ្លែងបើកកិច្ចប្រជុំកំពូលអាស៊ានបានព្រមានកាលពីថ្ងៃទី២៨ មេសា ថា តំបន់អាស៊ីអាគ្នេយ៍កំពុងប្រឈមមុខនឹងការគំរាមកំហែងយ៉ាងពិតប្រាកដបំផុតពីពួកជីហាដក្រុមរដ្ឋអ៊ិស្លាម ទោះបីជាក្រុមនេះរងបរាជ័យនៅតំបន់មជ្ឈិមបូព៌ាក្តី ។
លោក LEE ក៏ព្រមានដែរប្រឆាំងគ្រោះថ្នាក់នៃលទ្ធិគាំពារនិយមសេដ្ឋកិច្ច ហើយមានការព្រួយបារម្ភចំពោះភាពតានតឹងខាងពាណិជ្ជកម្មរវាងសហរដ្ឋអាមេរិក និងចិន ។
ប្រទេសមួយចំនួនក្នុងចំណោមប្រទេសអាស៊ានទាំង១០ ដែលមានប្រជាជនសរុបប្រមាណជា៦៥០លាននាក់ បានប្រឈមមុខចាប់តាំងពីយូរមកហើយ ជាមួយលទ្ធិអ៊ិស្លាមនិយមជ្រុល និងក្រុមជ្រុលនិយមទាំងឡាយ ។
លោក LEE ព្រមានថា ក្រុមរដ្ឋអ៊ិស្លាមបន្តគំរាមកំហែងអាស៊ីអាគ្នេយ៍ ទោះបីជាក្រុមនេះទទួលបរាជ័យខាងយោធានៅអុីរ៉ាក់ និងនៅស៊ីរី ហើយទន្ទឹមនឹងការរីកចម្រើននៃប្រព័ន្ធព័ត៌មានវិទ្យាធ្វើឱ្យបណ្តាប្រទេសក្នុងតំបន់ងាយរងគ្រោះបំផុត ដោយការវាយប្រហារខាងព័ត៌មានវិទ្យា ។ លោកបន្តថា អាស៊ីអាគ្នេយ៍កំពុងមានសន្តិភាព ប៉ុន្តែការគំរាមកំហែងទាំងនេះពិតជាប្រាកដនិយមបំផុត ។ យើងត្រូវទប់ទល់ទាំងការគំរាមកំហែងក្លាស៊ិកទាំងការគំរាមកំហែងដូចជាភេរវកម្ម ឬការវាយប្រហារខាងព័ត៌មានវិទ្យាជាដើម ។
មុនបើកជាផ្លូវការកិច្ចប្រជុំកំពូលលើកទី៣២ របស់ខ្លួន បណ្តាមេដឹកនាំអាស៊ានបានសម្រេចនាយប់ថ្ងៃទី២៧ មេសា ពេលជប់លៀងការងារបង្កើនការសម្របសម្រួលគ្នាខាងសន្តិសុខព័ត៌មានវិទ្យា ៕
ចែករំលែកព័តមាននេះ