ខេត្ដប៉ៃលិន ៖ មានសេចក្តីរាយការណ៍បានឱ្យដឹងថា កាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី២៨ ខែមេសា ឆ្នាំ២០១៨ មានភ្លៀង១មេធំតាំងពីយប់ រហូតដល់ព្រឹកធ្វើឱ្យទឹកហូរបុកខ្លាំងរហូតដល់ស្ទះលូក៏លិចផ្លូវច្រកទ្វារអន្តរជាតិព្រំ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ការលិចផ្លូវជាតិច្រកទ្វារនេះមិនមានប៉ះពាល់អ្វីដល់ការធ្វើដំណើរ ឬធ្វើឱ្យខូចខាតទ្រព្យសម្បតិ្តរបស់ប្រជាពលរដ្ឋនោះឡើយ រហូតដល់ព្រឹកថ្ងៃដដែល បន្ទាប់ពីរាំងភ្លៀងក៏ស្រក់ទៅវិញ ។ ]
ប៉ុន្តែរហូតមកដល់វេលាម៉ោង១១និង៣០នាទីព្រឹក ថ្ងៃទី២៨ ខែមេសា ឆ្នាំ២០១៨ លោកវរសេនីយ៍ត្រី ចាន់ វាសនា អធិការនៃអធិការដ្ឋាននគរបាលស្រុកសាលាក្រៅបានដឹកនាំកម្លាំងក្រោមឱវាទ និងប្រជាការពារភូមិចុះសហការជាមួយនឹងលោក សំ សារ៉េត អភិបាលស្រុកសាលាក្រៅ និងលោកឡូ លុយ អភិបាលរងស្រុក ដើម្បីចុះត្រួតពិនិត្យតំបន់លិចទឹកខាងលើដែលអូសបន្លាយយូរ បណ្តាលឲ្យលិចផ្លូវ និងស្ទះលូមួយចំនួននៅចំណុចលូដាច់ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ទន្ទឹមនឹងនោះដែរ ក៏មានការចូលរួមសំណេះសំណាលសួរសុខទុក្ខជាមួយប្រជាពលរដ្ឋនៅទីនោះ ដើម្បីស្វែងរកដំណោះស្រាយចំពោះការលិចទឹកនេះផងដែរ ៕
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ