ស្ដ្រីដែលប្រកបដោយគុណធម៌តែងតែ តម្រូវតាមគោលឆន្ទៈរបស់ប្ដី នាងត្រូវចាត់ ទុកប្ដីដូចជាម្ចាស់ជីវិតរបស់នាង នាងអង្គុយ ក្រោយ ហើយក្រោកមុនស្វាមីជានិច្ច នាង ទទួលបន្ទុកមើលថែគ្រួសារ រៀបចំផ្ដល់សិរី សួស្ដីដល់គ្រួសារ និងផ្ទះសម្បែង ជាអ្នកកាន់ ការសំអាតគ្រប់បែបយ៉ាង និងចាត់ចែងមុខ ជំនួញ ការងារផ្សេងៗជំនួសប្ដី ព្រោះការប្រតិ បត្ដិបែបនេះវាមិនត្រឹមតែធ្វើឱ្យគ្រួសារមានសុភមង្គលនោះទេ វាថែមទាំងលើកមុខមាត់ កិត្ដិយសប្ដីទៀតផង ។
បើនិយាយពីកិច្ចការផ្ទះវិញនាងត្រូវចេះ រៀបចំសណ្ដាប់ធ្នាប់ឱ្យបានត្រឹមត្រូវ ដូច ជាកៅអី សាឡុង ទូតាំង ទូរទស្សន៍ ម៉ាញ៉េ និងសំភារប្រើប្រាស់ជាច្រើនទៀត ។ អ្វីដែល នៅក្រៅបន្ទប់ត្រូវចេះប្រមូលដាក់ម្ដុំឱ្យមាន របៀប ជាពិសេសផ្ទះបាយចង្ក្រានជើងឆ្នាំង តែម្ដង…ធ្វើបែបនេះនៅពេលអ្នកជិតខាង ឬ ពួកម៉ាកប្ដីមកលេងផ្ទះ ហើយឃើញមាន របៀបរៀបរយ គេនឹងសរសើរថា“យី ! ប្រពន្ធលោកនេះជាមនុស្សមានរបៀប ណាស់”។ មិនតែប៉ុណ្ណោះវាថែមទាំងធ្វើឱ្យប្ដី មានទឹកចិត្ដរីករាយទៀតផង ។
នាងជាភរិយាត្រូវមានការយកចិត្ដទុក ដាក់ចំពោះឪពុកក្មេកនិងម្ដាយក្មេក និងសមា ជិកទាំងអស់របស់គ្រួសារ ត្រូវបង្កើនការរាប់ ញាតិជាមួយអ្នកជិតខាង ត្រូវស្វែងយល់កិច្ច ការរាក់ជ្រៅ បរិយាកាសសង្គមថា តើសង្គម ដើរដល់ណាហើយ ? ប្រសិនបើកិច្ចការធំដុំ ណាមួយដែលធ្លាក់មកលើនាង នាងមិនត្រូវ ខ្លបខ្លាច ឬគិតតែពីញរញឹកនោះទេ ត្រូវតែ ហ៊ានសាកល្បងព្យាយាម ដូច្នេះហើយបានជា គេតម្រូវឱ្យស្ដ្រីត្រូវយល់រាក់ជ្រៅក្នុងសង្គម និងបរិយាកាសសង្គម ដើម្បីដោះស្រាយការ ងារមួយចំនួនជំនួសប្ដី ។ ប៉ុន្ដែទោះជាយ៉ាង ណាក៏ដោយមិនត្រូវចេះតែសំរេចឥតគិតមុខគិតក្រោយនោះទេ ត្រូវរង់ចាំដោះស្រាយជា មួយប្ដីរឹតតែប្រសើរ ។
ពេលណានាងទៅជួបប្ដីក្នុងករណី ពិសេស នាងត្រូវតុបតែងកាយឱ្យមានរបៀបចុះ ចំណោមក្នុងសង្គម ដូចជាសំលៀកបំពាក់ ការិយាល័យ សំលៀកបំពាក់ដើរផ្សារ សំលៀកបំពាក់តាមពិធីការផ្សេងៗ ទោះ ស្ដើង រលុង ឬរឹបរាងក្ដីវាមិនបញ្ហាទេ គឺត្រូវ ធ្វើឱ្យសមនឹងរូបសម្បត្ដិនិងបរិយាកាសសង្គម ។ ក្នុងពេលដែលប្ដីប្រព្រឹត្ដកំហុស ណាមួយមកលើនាង ឬក្នុងចំណោមពិធីដែល មានមនុស្សអ៊ូអរ នាងមិនត្រូវបន្ទោសស្វាមី នៅក្នុងចំណោមទេ ថ្វីដ្បិតថានាងមិនពេញ ចិត្ដក្ដី គឺត្រូវរង់ចាំមកផ្ទះ ឬកន្លែងសាធារណៈ ណាដែលស្ងាត់មនុស្សសឹមនាងណែនាំ ពន្យល់ ប្ដី ដោយលើកហេតុផលឱ្យប្ដីគិត(អំបាញ់មិញ បងប្រព្រឹត្ដមិនសមរម្យ អូនមិនតបតនឹងបង ទេ ព្រោះទីនោះមានមនុស្សច្រើនខ្លាចខ្មាសគេ)។
នាងត្រូវចេះរក្សាការសំងាត់ផ្ដល់នូវគ្រប់ ជំនួយដែលអាចធ្វើទៅបាននៅក្នុងកិច្ចការ របស់ប្ដី កាលណាប្ដីមានកាតព្វកិច្ចមិនបាន នៅផ្ទះដោយការចេញបេសកកម្មទៅទីណាមួយ ត្រូវចេះចាត់ចែងកិច្ចការងារជំនួសប្ដី (កិច្ចការណាដែលអាចធ្វើបាន) ។ នៅផ្ទះឬ ចេញទៅណាមកណា នាងត្រូវពាក់តែ អលង្ការណាដែលមានប្រផ្នូលល្អ ហើយអុជ ធូបបួងសួងសុំសេចក្ដីសុខឱ្យកើតមានដល់ ស្វាមី និងត្រូវចេះតាមសួរសុខទុក្ខប្ដីតាម រយៈទូរស័ព្ទ…ដូចជា “បងទៅដល់កន្លែង នោះហើយឬនៅ យ៉ាងម៉េចដែរការងារនៅ ទីនោះ? បងមានអារម្មណ៍យ៉ាងណាដែរ ចំពោះបរិយាកាសនៅទីនោះ” ។
នាងត្រូវរស់នៅដោយចិត្ដបរិសុទ្ធ មាន ភក្ដីភាពជានិច្ចចំពោះស្វាមី ចូរនាងធ្វើតែអំពើ ល្អគ្រប់បែបយ៉ាងដើម្បីបំពេញទឹកចិត្ដស្វាមី នោះកិត្ដិយស សិរីសួស្ដី សុភមង្គមនឹងកើត មានដល់រូបនាង ស្វាមី និងកូន ជាពិសេស គ្រួសារទាំងមូល ៕
ចែករំលែកព័តមាននេះ