តាមប្រភពព័ត៌មាន Soccer Laduma បានឲ្យដឹងថា ជើងខ្លាំងរបស់ក្លិបអ្នកមានបារាំង Neymar Jr បានបង្ហើបឈ្មោះកីឡាករ៦នាក់ ដែលខ្លួនជឿថាអាចនឹងលេចធ្លោនៅក្នុងការប្រកួត World Cup ឆ្នាំនេះ ។ អ្វីដែលគួរឲ្យមិនជឿនោះគឺថា ក្នុង៦នាក់នោះមិនមានឈ្មោះ Ronaldo និង Messi ឡើយ ។
កីឡាករអាយុ២៦ឆ្នាំរូបនេះបានប្រាប់ទៅកាន់ LiveSoccer ថា «ខ្ញុំជឿថា Coutinho និង Gabriel Jesus អាចនឹងធ្វើឲ្យមានការផ្លាស់ប្តូរនៅក្នុងក្រុមរបស់ខ្លួន ។ Salah ក៏ជាម្នាក់នៅក្នុងនោះដែរ ។Neymar បានបន្តថា «មានកីឡាករផ្សេងទៀត ដូចជា Eden Hazard, Kevin De Bruyne និង Luis Suarez ដែលនឹងអាចជួយក្រុមរបស់ពួកគេឲ្យមានភាពកាន់តែប្រសើរឡើង» ។
ចំពោះ Neymar ខ្លួនឯងវិញ មិនបានចូលប្រកួតសម្រាប់ក្លិប PSG ជាច្រើនប្រកួតមកហើយតាំងពីរងរបួសមក ។ នៅពេលនេះ រូបគេកំពុងសម្រាកឲ្យរបួសជាសះស្បើយនៅប្រទេសប្រេស៊ីលដែលជាដើមកំណើត ។ គេរំពឹងថា នឹងអាចជាមុនពេលការប្រកួត World Cup នាពេលខាងមុខនេះ ដើម្បីជួយដល់ក្រុមជម្រើសជាតិ ៕
ចែករំលែកព័តមាននេះ