រាជធានីភ្នំពេញ ៖ រាជរដ្ឋាភិបាលនៃព្រះរាជាណាចក្រកម្ពុជា នឹងប្រារព្ធពិធីបុណ្យ ពិសាខបូជា ដែលនឹងថ្ងៃទី២៩ ខែមេសា ឆ្នាំ២០១៨ នៅលើកំពូលភ្នំព្រះរាជទ្យព្យ(ឧដ្តុង្គ) ខេត្តកណ្តាល ក្រោមអធិបតីភាពស្តេចវិបុលសេនាភក្តី សាយ ឈុំ ប្រធានព្រឹទ្ធសភា។ លោក សេង សុមុនី អ្នកនាំពាក្យក្រសួងធម្មការ និងសាសនា បានឲ្យដឹងតាមប្រព័ន្ធតេឡេក្រាមថា ពិធីបុណ្យ ពិសាខបូជា ដែលរាជរដ្ឋាភិបាលនឹងពុទ្ធបរិស័ទខ្មែរប្រារព្ធនាសម័យបច្ចុប្បន្នគឺ ប្រារព្ធឡើងក្នុង ស្មារតីទទួលខុសត្រូវតាមរដ្ឋធម្មនុញ្ញ នៃព្រះរាជាណាចក្រកម្ពុជា មាត្រា៣ ត្រង់កថាខណ្ឌទី៣ បញ្ជាក់ថា ព្រះពុទ្ធសាសនា ជាសាសនារបស់រដ្ឋ។ ដូច្នេះហើយ រារដ្ឋាភិបាល និងពុទ្ធបរិសទ័ ក៏ដូចជាព្រះសង្ឃគ្រប់ព្រះអង្គយកព្រះទ័យ និងយកចិត្ត ទុកដាក់ខ្ពស់ចំពោះកិច្ចពិធីបុណ្យ ក្នុងព្រះពុទ្ធសាសនា។
ដោយឡែកចំពោះពិធីបុណ្យពិសាខបូជានេះ ជាពិធីមួយដែលរំឮកដល់ នក្ខត្តឫក្ខ៣យ៉ាងគឺ៖ ១.ថ្ងៃពេញបូរមីខែពិសាខជាថ្ងៃដែលព្រះសម្មាសម្ពុទ្ធ ទ្រង់ប្រសូត្រ នៅថ្ងៃសុក្រ១៥កើត ពេញបូរមី ខែពិសាខឆ្នាំច មុនគ.ស៦២៣ឆ្នាំ។ ២.ថ្ងៃពេញបូរមីជាថ្ងៃដែល ព្រះសម្មាសម្ពុទ្ធទ្រង់ត្រាស់ដឹងនៅថ្ងៃអង្គារ ១៥កើត ខែពិសាខ ឆ្នាំរកា មុន ព,ស៤៥ឆ្នាំ។ ៣.ថ្ងៃ ពេញបូរមីខែពិសាខ ជាថ្ងៃដែលព្រះសម្មាសម្ពុទ្ធ ទ្រង់បរិនិព្វាន ថ្ងៃអង្គារ ១៥កើត ខែពិសាខ ឆ្នាំម្សាញ់ ដោយមានហេតុផល៣យ៉ាងខាងលើនេះទើបមានការប្រារព្ធពិធី ពិសាខបូជា ជារៀងរាល់ឆ្នាំ សម្រាប់ព្រះរាជាណាចក្រកម្ពុជា និងប្រទេសកាន់ព្រះពុទ្ធសាសនាលើសកលលោក។
លោកបន្តថា បុណ្យពិសាខបូជានេះដែរ អង្គការសហប្រជាជាតិ ក្នុងសម័យ នៃការដឹកនាំ ដោយលោក អ៊ូ ថាន់ បានយកភស្តុតាងនៅកន្លែងដែល ព្រះសម្មាសម្ពុទ្ធទ្រង់ប្រ សូតិមកបង្ហាញឲ្យដឹងច្បា់អំពីតឹកតាងនៃរឿងពិត របស់ព្រះសម្មាសម្ពុទ្ធ តាមរយៈកំណាយរក តឹកតាងកន្លែងប្រសូតិ។ មិនតែប៉ុណ្ណោះប្រទេសទាំង១៩៣ នៃសមាជិក UN បានប្រជុំម ហាសន្និបាទ របស់ខ្លួននៅការិយាល័យអង្គការសហប្រជាជាតិពីថ្ងៃទី១៣ ដល់ថ្ងៃ ទី១៥ ខែធ្នូ ឆ្នាំ១៩៩៩ បានអនុម័តយកបុណ្យពិសាខបូជា ជាបុណ្យរបស់អង្គការសហប្រជាជាតិ ដែលហៅ ថាបុណ្យអន្តរជាតិ ឬទិវាមរតកពិភពលោក ដែលប្រទេសទាំង១៩៣នេះ ទោះជាមិនកាន់ ព្រះពុទ្ធសាសនាក៏ត្រូវប្រារព្ធពិធីបុណ្យនេះឲ្យបានទៀងទាត់។ ម្យ៉ាងវិញទៀត ចំពោះអ ង្គការសហប្រជាជាតិពេលដល់ថ្ងៃ១៥កើត ខែពិសាខ តែងតែមានការប្រារព្ធពិធីជួបជុំជាល ក្ខណៈអន្តរជាតិតាមការកំណត់របស់ខ្លួន។ ពេលខ្លះក៏ត្រូវធ្វើពិធីនៅក្នុងប្រទេសជាសមាជិករប ស់ខ្លួនតាមការដែលអាចធ្វើបាន។
លោកបញ្ជាក់ថា សម្រាប់ព្រះរាជាណាចក្រកម្ពុជា រាជរដ្ឋាភិបាលបានប្រារព្ធឡើងជារៀងរាល់ឆ្នាំ នៅបូជនីយដ្ឋានដម្កល់ព្រះបរមសារីរិកធាតុ ភ្នំព្រះរាជទ្រព្យ(ឧដ្តុង្គ)ជាផ្លូវការដែលមានថ្នាក់ដឹកនាំជាន់ខ្ពស់ក្នុងស្ថាប័នរដ្ឋ និង មន្ត្រីរាជការចូលរួមយ៉ាងច្រើនកុះករ។ ដោយមានការយាង និមន្តមន្ត្រីសង្ឃជាន់ខ្ពស់គ្រប់ជាន់ថ្នាក់ ប្រារព្ធពិធីតាមប្រពៃណីព្រះពុទ្ធសាសនារួមទាំងមហាពុទ្ធបរិសទ័មកពីគ្រប់ទិសទីផងដែរ។ ដោយឡែកចំពោះវត្តអារាម នៅទូទាំងប្រទេសមានការប្រារព្ធពិធីបុណ្យពិសាខបូជានេះ គ្រប់ទីកន្លែង តាមសទ្ធាជ្រះថ្លារៀងៗខ្លួន។ សម្រាប់ឆ្នាំនេះ គណៈកម្មាធិការជាតិ រៀបចំបុណ្យជាតិ អន្តរជាតិ កម្ពុជា រៀបចំជាផ្លូវការ ទទួលបានការអញ្ជើញជាអធិបតីដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា៕
ចែករំលែកព័តមាននេះ