ខេត្តក្រចេះ ៖ យុវជនអាយុ១៨ឆ្នាំម្នាក់ដែលបានធ្វើសកម្មភាពចាប់ក្មេងស្រីអាយុ១០ឆ្នាំ រហូតសម្រចដល់ទៅ៣លើក ត្រូវបាននគរបាលស្រុកចិត្របុរីចាប់ខ្លួនបានបន្ទាប់ពីជននេះ បានប៉ុនប៉ងចាប់រំលោភលើរូបនាងម្តងទៀត តែមិនបានសម្រេច។
នគរបាលស្រុកចិត្របុរីបានឲ្យដឹងថា ជនសង្ស័យឈ្មោះ គីម និត អាយុ១៨ឆ្នាំ សព្វថ្ងៃស្នាក់នៅជាមួយជីដូនចិញ្ចឹមម្នាក់មានទីលំនៅក្នុងស្រុកចិត្របុរី ចំណែកក្មេងស្រីរងគ្រោះអាយុ១០ឆ្នាំ។
បើតាមបណ្តឹងរបស់ម្តាយក្មេងស្រីរងគ្រោះបានប្តឹងមកនគរបាលស្រុកថា ជនសង្ស័យបានធ្វើសកម្មភាពចាប់រំលោភលើក្មេងស្រីរងគ្រោះរហូតបានសម្រេចដល់ទៅ៣លើក។ ហើយករណីនេះបានបែកធ្លាយ បន្ទាប់ពីជននេះបានព្យាយាមចាប់នាងរំលោភម្តងទៀត នៅនិងលើផ្ទះរបស់ជីដូននាងកាលពីថ្ងៃទី២៦ មេសា។
នគរបាលបានឲ្យដឹងថា ករណីខាងលើនេះ គឺដោយសារម្តាយឱពុកក្មេងស្រីបានទៅស្នាក់នៅផ្ទះចម្ការបាត់ ទើបក្មេងស្រីរងគ្រោះសព្វថ្ងៃបានមកស្នាក់នៅលើផ្ទះជាមួយជីដូន ណាមួយជនល្មើស និងក្មេងស្រីរងគ្រោះក៏បានស្នាក់នៅលើផ្ទះជីដូនជាមួយគ្នា ទើបបង្កឱ្យមានរឿងបែបនេះកើតឡើងតែម្តង។
នៅមុខនគរបាលជនសង្ស័យឆ្លើយថា កន្លងមក រាល់សកម្មភាពដែលគេចាប់រំលោភ គឺរូបគេតែងតែប្រើពាក្យគំរាមទៅក្មេងស្រីរងគ្រោះ និងបានល្បួងឲ្យនាងមើលទូរស័ព្ទរបស់គេមុនគេធ្វើសកម្មភាព ។ ហើយនៅថ្ងៃកើតហេតុនោះខណៈដែលជីដូនមិននៅផ្ទះ ជននេះបានល្បួងនាងរំលោភនៅលើផ្ទះម្តងទៀត តែក៏ត្រូវប្អូនស្រីរបស់ក្មេងស្រីរងគ្រោះឃើញ ក៏រត់ទៅប្រាប់ជីដូន និងម្តាយ ទើបមានការបែកធ្លាយតែម្តង។
នគរបាលបានបញ្ជាក់ថា ជនសង្ស័យត្រូវបានចាប់ឃាត់ខ្លួន ក្រោយទទួលបានពាក្យបណ្តឹងរបស់អាណាព្យាបាលក្មេងស្រីរងគ្រោះ៕
ចែករំលែកព័តមាននេះ