Miss Global Cambodia ចេញមុខបង្ហាញសកម្មភាព ក្រោយប៉ះទង្គិចរឿងអាម៉ាស់
- ភ្នំពេញ
រាជធានីភ្នំពេញ ៖ កញ្ញា ផរ រីណា (pho Ryna) ដែលបងប្អូនទស្សនិកជនស្គាល់ថា ជាកញ្ញាឯកវ័យ២៦ឆ្នាំកូនខ្មែរនៅអាមេរិក បានមកតំណាងកម្ពុជាប្រកួតកម្មវិធី…
រាជធានីភ្នំពេញ ៖ កញ្ញា ផរ រីណា (pho Ryna) ដែលបងប្អូនទស្សនិកជនស្គាល់ថា ជាកញ្ញាឯកវ័យ២៦ឆ្នាំកូនខ្មែរនៅអាមេរិក បានមកតំណាងកម្ពុជាប្រកួតកម្មវិធី Miss Global Internatinal ឆ្នាំ២០១៧កន្លងទៅនេះ។
កញ្ញា ផរ រីណា បានឆ្លងចូលវគ្គ១០នាក់ចុងក្រោយ តែមិនបានជាប់ចំណាត់ថ្នាក់ឡើយ ដោយជាប់ជាកញ្ញាឯកស្រាបៀរមួយ ហើយកាលពីវេលាម៉ោងជិត១២យប់ ថ្ងៃទី២៦ ខែមេសា កញ្ញា ផរ រីណា បានមកដល់ប្រទេសកម្ពុជាម្តងទៀតដើម្បីបន្តសកម្មភាពសង្គមមួយចំនួនដែលនាងបានរៀបចំទុករួមជាស្រេចជាមួយក្រុមការងារ។ សម្រស់កញ្ញាខ្មែរអាមេរិកជួបនៅខាងក្រៅពិតជាស្រស់សោភាញញឹមទាក់ទាញ និងស្តែងពីភាពរួសរាយរាក់ទាក់។
ការប្រកួតបវរកញ្ញាពិភពលោកកន្លងទៅ មានការផ្ទុះនូវភាពចម្រូងចម្រាស់ដ៏អាស្រូវមួយដែលកើតចេញពីអ្នកសម្របសម្រួលកម្មវិធីម្នាក់មានការមិនស្មោះត្រង់ចង់បានផលចំណេញពីកម្មវិធី ដោយដាក់គណៈកម្មាធិការជំនិតនៅជិតខ្លួន។ មូលហេតុនេះហើយត្រូវបានម្ចាស់គ្រប់គ្រងលក្ខណៈអន្តរជាតិដែលមានទីតាំងនៅអាមេរិកបើកការស៊ើបអង្កេតរហូតលេចឭថា ចង់ដកមកុដបវរកញ្ញាឯកលេខ១ ដែលគ្រងដោយប្រទេសប្រេស៊ីល។
ក្នុងជំនួបផ្ទាល់កាលពីយប់ថ្ងៃ២៦នោះ កញ្ញា ផរ រីណា បានថ្លែងថា សម្រាប់ការផ្ទុះរឿងបវរកញ្ញាធំមួយកន្លងទៅ នាងសុំមិនបកស្រាយទេ ព្រោះនោះជារឿងអតីតកាល។ នាងថា នាងចង់ត្រឡប់មកកម្ពុជាលើកនេះដើម្បីចុះទៅតាមខេត្តមួយចំនួនតាមសកម្មភាពមនុស្សធម៌ក្នុងសង្គម។ ហើយការវិលមកតែម្នាក់ឯងមានចំនួន៣សប្តាហ៍ ត្រូវបានអ្នករៀបចំកម្មវិធីនាំទៅខេត្តមួយចំនួនដូចជា សៀមរាប កំពង់ធំ កំពង់ឆ្នាំង និងខេត្តមួយចំនួនទៀត។ កញ្ញាឱ្យដឹងទៀតថា សម្រាប់ពេលមកទស្សនៈកិច្ចនេះ ក៏ទទួលដំណឹងថា មានផលិតកម្មចាប់អារម្មណ៍អាចធ្វើការពិចារណាទទួលសម្តែង ប្រសិនបើមានពេល ព្រោះនាងក៏មានជំនាញសិល្បៈច្រើនដែរ៕
ចែករំលែកព័តមាននេះ