ខេត្តកំពង់ធំ ៖ ហេតុការណ៍មួយបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង០៤និង១៥នាទីល្ងាច ថ្ងៃទី២៦ ខែមេសា ឆ្នាំ២០១៨ ស្ថិតនៅក្នុងបន្ទប់លើផ្ទះជនរងគ្រោះក្នុងភូមិទួលចាន់ ឃុំតាំងក្រសាំង ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា សពជនរងគ្រោះឈ្មោះ កៀត ពន្លឺ ភេទប្រុស អាយុ១៩ឆ្នាំ ជនជាតិខ្មែរ មុខរបរសិស្ស មានទីលំនៅភូមិឃុំខាងលើ បើយោងតាមការបំភ្លឺរបស់ស្ត្រីឈ្មោះ សយ ផល អាយុ៥៦ឆ្នាំ ត្រូវជាម្តាយបង្កើតរបស់សពប្រាប់ថា នៅមុនពេលកើតហេតុ រូបគាត់បានឃើញកូនត្រលប់មកផ្ទះវិញដោយមានរបួសស្នាមនៅលើផ្ទៃមុខ គាត់ក៏បានសួរនាំកូនថា តើរបួសមុខនេះដោយសារអី0x017d7 ពេលនោះកូនគាត់ប្រាប់ថា ជិះម៉ូតូដួលដោយសារឆ្កែរត់មកបុក ឮដូច្នេះរូបគាត់ក៏បានស្តីបន្ទោសថា មកពីជិះលឿនពេកហ្នឹង បានជាវាអញ្ចឹងនោះ ការស្តីបន្ទោសដដែលៗនេះ ក៏បំណងឲ្យកូនល្អនោះដែរ ។ ដោយមិននឹកស្មានថា កូនរបស់គាត់ចូលទៅសម្ងំនៅក្នុងបន្ទប់ហើយ មិនតបសម្ដីមកវិញថា ដូលប៉ុននឹងវាមិនស្លាប់ទេ ថាហើយវាមិនឃើញចេញមកក្រៅបន្ទប់សោះ លុះរយៈពេលប្រហែលកន្លះម៉ោង ដោយមានការងឿងឆ្ងល់មិនឃើញកូនចេញមកក្រៅ គាត់ក៏ដើរទៅបើកទ្វារបន្ទប់មើល ស្រាប់តែប្រទះឃើញកូនគាត់បានយកក្រមាចង.កភ្ជាប់នឹងដែកចងពីលើដំបូលបន្ទប់ ដោយឈរលើកៅអីជ័រដូលនៅក្រោមជើង ឃើញដូច្នេះក៏បានស្រែកហៅញាតិជិតខាងមកជួយមើល ហើយនាំគ្នាស្រាយដាក់សពកូនមកលើរនាបពិនិត្យមើល កូនគាត់នេះបានដាច់ខ្យល់ស្លាប់បាត់ហើយ ។
ក្រោយបានដឹងព័ត៌មានកម្លាំងជំនាញយើងបានចុះដល់កន្លែងកើតហេតុ ដើម្បីពិនិត្យសាកសព និងកន្លែងកើតហេតុ ដោយបានសហការណ៍ជាមួយកម្លាំងប៉ុស្តិ៍តាំងក្រសាំង និងមេភូមិឃើញថា ជនរងគ្រោះពិតជាស្លាប់ដោយធ្វើអត្តឃាតចង.កសម្លាប់ខ្លួនពិតមែន ដោយមូលហេតុខឹងម្តាយស្តីបន្ទោសឲ្យ ពិនិត្យរួចក៏ប្រគល់សពជូនគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ